यूहन्ना 10:6 - चम्बयाली नौआ नियम

⁶ यीशु ने तिन्हेरे जो ए उदारण सुणाया, पर से तिन्हेरी गल्लां रा मतलब नी समजे।

यूहन्ना 10:6 ပူးပေါင်းရင်းမြစ်များ

मत्ती 13:34

ए सब गल्लां यीशु ने उदारण बिच लोक्कां कने बोल्ली, अते बिना उदारण रे यीशु तिन्हा कने किच्‍छ भी नी बोल्दे थिये।

मत्ती 13:51

यीशु ने अपणे चेल्‍लेयां का पूच्छेया, कै तुसा ए गल्लां समजे? तिन्हा ने यीशु जो बोल्लेया, हाँ!

मरकुस 4:34

ते बगैर उदारण बोल्ले से उन्हा जो किच्‍छ भी नी बोलदा थिया पर किल्ले से अपणे खास चेल्‍लेयां जो सारी गल्लां रा मतलब दसदा थिया।

यूहन्ना 16:25

ए गल्लां मैं तुसा कने उदारण बिच बोल्ली हिन, पर से बेल्ला आया करदा ए जां मैं तुसा कने उदारण दैणे रे बजाए, साफ-साफ गल्लां करणी।

यूहन्ना 16:29

यीशु रे चेल्‍लेयां ने बोल्लेया, दिख्खो अवे तुसा बिना उदारण रे साफ-साफ गल्लां दस्सेया करदे हिन।

यूहन्ना 6:52

इस पर यहूदी मणू ए बोल्ली करी अप्पु मिते लडने लगे, कि ए मणू किय्यां अपणा सरीर खाणे जो देई सकदा।

यूहन्ना 6:60

तिसेरे दूए चेल्‍ले बिच मत्ते जणे ने ए सुणी करी बोल्ले, कि ए गल्ल तां मनणे तांइ मुस्किल है ते इसजो कुण सुणी सकदा?

यूहन्ना 7:36

ए कै गल्ल है जे उन्हा ने बोल्ली, कि तुसा मेरे जो तोपणा पर नी मिलणा ते जित्ते मैं है, उत्ते तुसा नी आई सकदे?

यूहन्ना 8:27

से न समजे कि असा जो पिता रे बारे बिच दसदा।

यूहन्ना 8:43

तुसा मेरी गल्ल किजो नी समजदे? इस तांइ किजोकी तुसा मेरा शिक्षा जो सुणी नी सकदे।

1 कुरुन्थियों 2:14

पर कोई अविश्वासी मणू परमेश्वर रे आत्‍मा री शिक्षां जो नी अपणांदा, किजोकी से शिक्षां तिसेरी नजरां बिच बेवकूफी री गल्लां हिन, अते ना ही से मणू सही या गलत गल्लां बिच फैसला नी लेई पांदे। किजोकी से मणू आत्मिक गल्लां जो सिर्फ तां ही समजी सकदे जे अगर तिन्हा का पवित्रात्मा हो।

2 पतरस 2:22

जे तिन्हा कने होया से इस गल्ल जो जाहिर करदा कि नीतीवचन सच्चे हिन, “से मणू कूत्तेयां सांई हिन जे अपणी उल्टी जो चटणे तांइ हटी आंदे, ते से सूअरां सांई हिन जिस जो नुहाया गे रा हो पर फिरी से मिट्टी बिच रुलकणे लग्गी पैंदा।”

1 यूहन्ना 5:20

ते ए भी जाणदे कि परमेश्वर रा पुत्तर मसीह यीशु आई गे रा है ते तिनिये असा जो समझ दित्ते री है कि, असी तिस सच्चे परमेश्वर कने गहरे रिश्ते बिच हिन किजोकी असी मसीह यीशु कने गहरे रिश्ते हिन जे सच है, सच्चा परमेश्वर ते हमेसा री जिन्दगी ए ही है।