यूहन्ना 10:4 - चम्बयाली नौआ नियम

⁴ जिस बेल्ले से अपणी सारी भेड़ां जो बाहर कड्डी लिन्दा, तां से तिन्हेरे अग्गे-अग्गे चलदा, ते भेड़ां तिसेरे पीच्छे-पीच्छे चली पैंदी, किजोकी से तिसेरी अवाज पछाणदी।

यूहन्ना 10:4 ပူးပေါင်းရင်းမြစ်များ

मत्ती 16:24

तां यीशु ने अपणे चेल्‍लेयां जो बोल्लेया, जे कोई मेरा चेल्ला बणना चाह्‍ंदा तां अपणे आपे का इन्कार करण, ते अपणी सुली चुकी करी, मेरा चेल्ला बणी जाये।

यूहन्ना 10:16

मेरी होर भी भेड़ां हिन, जे इस गुआड़ री नी हिन मेरे जो तिन्हा जो भी लाणा जरुरी है तिन्हा ने मेरी अवाज सूणनी, तां इक्क ही झुण्ड ते इक्क ही पुहाल होणा।

यूहन्ना 10:27

मेरी भेड़ां मेरी अवाज सुणदी, मैं तिन्हा जो जाणदा, ते से मेरे पीच्छे-पीच्छे चलदी।

यूहन्ना 10:3

तिसेरे तांइ पैहरेदार दुआर खोल्ली दिंदा, ते भेड़ां तिसेरी अवाज सुणदी, ते से अपणी भेड़ां जो नां लेई-लेई करी सददा ते बाहर लेई जादां।

यूहन्ना 10:5

पर तिन्हा ने पराए मणू का नी जाणा, पर तिसका नसणा किजोकी से पराए री अवाज नी पछाणदी।

यूहन्ना 10:8

जिन्ने मेरे का पैल्ले आए से सारे चोर ते डाकू हिन, पर मेरी भेड़ां ने तिन्हेरी नी सूणी।

यूहन्ना 12:26

जे कोई मेरी सेवा करे, तां मेरा चेल्ला बणी जाए, ते जित्ते मैं है उत्ते तिनिये भी होणा, तां पिता ने उसदा आदर करणा।

यूहन्ना 13:15

किजोकी मैं तुसा जो इक्क नमूना दस्सी दित्तेया कि जिय्यां मैं तुसा कने कित्तेया, तुसा भी तिय्यां ही करेया करो।

यूहन्ना 18:37

पिलातुस ने तिन्हा जो बोल्लेया, तां तू राज्जा है? यीशु ने जवाब दित्तेया, तू बोलदा कि मैं राज्जा है मैं इधेरे तांइ पैदा होया ताकि सच्चाई री गवाई देयां हर इक्क से मणू जे सच्चाई रे पास्से है, से मेरी गल्लां सूणदा।

यूहन्ना 3:29

दूल्हा ही दुल्हन कने ब्याह करदा। दुल्हे रा दोस्त तिसेरे आणे रा इंतजार करदा ते जां दूल्हा ब्याह बिच पूजी जांदा तां तिसेरा दोस्त तिसेरे पुजणे री गल्ल पर खुस हुंदा। ए सुणी करी मिन्जो भी तैसी ही खुसी मिल्लेया करदी है।

1 कुरुन्थियों 11:1

जिय्यां मैं मसीह सांई जिन्दगी जिया करदा है, तिय्यां ही तुसा भी मेरे सांई जिन्दगी जियो।

इफिसियों 5:1

इधेरे तांइ तुसा रा स्वभाव भी परमेश्वर रे स्वभाव जदेया हो किजोकी तुसा परमेश्वर री औलाद्दां हिन।

इब्रानियों 12:2

असा जो अपणी हाख्खियां यीशु पर लाई रखणी चाएदी, जे असा जो विश्वास बिच अग्गे बधांदे ते पूरा भी करदे। तिन्हा ने सुली पर जान दैणे ते बेज्जती जो भी, बाद बिच मिलणे वाले आनंद रे बारे बिच सोचदे होए सहन करी लित्तेया। से अवे परमेश्वर रे सिहांसन रे सज्जे पास्से बैठ्ठे रे हिन।

इब्रानियों 6:20

यीशु मसीह असा का पैल्ले स्वर्ग बिच असा तांइ गे। से हमेसा-हमेसा तांइ मलिकिसिदक सांई प्रधान पुरोत्त बणी गेरे हिन।

1 पतरस 2:21

तुसा इधेरे तांइ भी सद्दे गेरे हिन ताकि तुसा परमेश्वर तांइ दुख सहन करो। मसीह इस गल्ल रा उदारण हिन जिन्हा ने तुसा तांइ दुख सहन कित्तेया। इधेरे तांइ तुसा जो से सब तिय्यां ही करणा चाएदा जिय्यां तिन्हा कित्तेया।

1 पतरस 4:1

इधेरे तांइ जिय्यां मसीह ने भी जुल्म सहन कित्ते जां तिकर से अपणे सरीर बिच रे, तिय्यां ही तुसा भी तिस्सी व्यवहार कने जुल्म सैह्ण करणे तांइ तैयार रेयो जदेया मसीह रा थिया। किजोकी जे अगर तुसा मसीह तांइ जुल्म सैह्‍ण करणे रा फैसला करी लित्ते रा है, तां इधेरा मतलब है कि तुसा पाप ना करणे रा फैसला कित्ते रा है।

1 पतरस 5:3

ते परमेश्वर ने जे मणू तुसा जो सौंप्पे रे हिन तिन्हा पर जादा हक मत जमाओ जिय्यां कोई अधिकारी अपणे नेड़े-तेड़े रे लोक्कां पर जतांदा। पर इसेरे बजाए तिन्हा तांइ इक्क उदारण बणो।