यूहन्ना 10:33 - चम्बयाली नौआ नियम

³³ यहूदियां ने तिन्हा जो जवाब दित्ता, ठीक कम्म तांइ असी तुसा जो बट्टे नी मारदे पर परमेश्वर री बेजती करणे री वजह ते इस तांइ की तुसा मणू होई करी अप्पु जो परमेश्वर बणादां।

यूहन्ना 10:33 ပူးပေါင်းရင်းမြစ်များ

यूहन्ना 10:24

तां यहूदियां रे अधिकारियां ने यीशु जो घेरी लित्ता ते पूच्छेया, तुसा ने असा रे मन जो लम्बे समय का परेसानी बिच पाई रख्खे रा है। जे अगर तुसा मसीह हिन तां असा कने साफ-साफ बोल्ली देयो।

यूहन्ना 10:30

मैं ते प्यो इक्क ही हिन।

यूहन्ना 10:32

इस पर यीशु ने तिन्हा जो बोल्लेया, मैं तुसा जो अपणे प्यो रे पास्से का मते सारे ठीक कम्म दिखाए रे हिन तिन्हा बिच का कुस्स कम्म तांइ तुसा मेरे जो बट्टे मारदे?

यूहन्ना 19:7

यहूदी अधिकारियां ने तिसजो जवाब दित्तेया, असा रे नियम हिन जे बोलदे हिन, इसजो मरणा पैणा किजोकी इसने अप्पु जो परमेश्वर रा पुत्तर दस्सेया है।

यूहन्ना 5:18

इस वजह कने यहूदी होर भी बधी करी तिसजो मारणे री कोसीस करणा लगे किजोकी सेह न सिर्फ विश्राम दिन रे रीति रीवाज जो तोडदा थिया पर परमेश्वर जो अपणा बाबा बोल्ली करी अप्पु जो परमेश्वर रे बराबर करदा थिया।

रोमियों 13:1

हर इक्क मणू अपणे शासन करणे वाले अधिकारियां रे अधीन रेयो, किजोकी हर इक्क हक परमेश्वर रे पास्से का हुंदा, ते से सारे हक परमेश्वर ने ठैहराए रे हिन।

फिलिप्पियों 2:6

जिनिये अप्पु परमेश्वर हुंदे होए भी, परमेश्वर रे बराबर होणे जो अपणे अधिकार बिच रखणे री चीज नी समजेया।