यूहन्ना 10:24 - चम्बयाली नौआ नियम

²⁴ तां यहूदियां रे अधिकारियां ने यीशु जो घेरी लित्ता ते पूच्छेया, तुसा ने असा रे मन जो लम्बे समय का परेसानी बिच पाई रख्खे रा है। जे अगर तुसा मसीह हिन तां असा कने साफ-साफ बोल्ली देयो।

यूहन्ना 10:24 ပူးပေါင်းရင်းမြစ်များ

मत्ती 11:3

कै तुसा ही से मसीह हिन जिस जो परमेश्वर ने भेजणे रा वादा कित्तेया थिया या असी कुसकी दूज्जे री भाल करण?

मरकुस 8:32

यीशु ने ए गल्ल तिन्हा जो साफ-साफ बोल्ली दित्ती। पर तिन्हेरे ए गल्ल बोलणे पर पतरस तिन्हा जो अलग लै जाई करी बकणे लग्गेया।

लूका 3:15

सब मणू मसीह री आणे री बड़ी उम्मीद बिच थिये, इधेरे तांइ मणू ए जानणे तांइ अप्पु बिच बोल्लेया करदे थिये, कि यूहन्ना ही कुदखी मसीह तां नी है?

यूहन्ना 1:19

यूहन्ना री गवाई ए है कि जिस बेल्ले यहूदी अधिकारियां ने यरुशलेम सहर रे लेवी पुरोत्तां ते लेवी गोत्र रे लोक्कां जो तिसका ए पूछने जो भेज्जेया “तू कुण है।”

यूहन्ना 10:31

यहूदियां ने यीशु जो मारणे तांइ फिरी बट्टे चुक्के।

यूहन्ना 10:33

यहूदियां ने तिन्हा जो जवाब दित्ता, ठीक कम्म तांइ असी तुसा जो बट्टे नी मारदे पर परमेश्वर री बेजती करणे री वजह ते इस तांइ की तुसा मणू होई करी अप्पु जो परमेश्वर बणादां।

यूहन्ना 16:25

ए गल्लां मैं तुसा कने उदारण बिच बोल्ली हिन, पर से बेल्ला आया करदा ए जां मैं तुसा कने उदारण दैणे रे बजाए, साफ-साफ गल्लां करणी।

यूहन्ना 8:25

यहूदी अधिकारियां ने तिसजो बोल्लेया, तू कुण है? यीशु ने तिन्हा जो बोल्लेया, मैं से ही है जे सुरु का तुसा जो बोलदा आए रा है।

यूहन्ना 8:53

असा रे पुरखा अब्राहम तां मरी गेया, कै तुसा तिन्हा का भी बड्डे हिन? ते भविष्यद्वक्ता भी मरी गे तुसा अपणे आप जो कै दसदा?

यूहन्ना 9:22

ए गल्लां तिसेरे मां-प्यो ने इस तांइ बोल्ली किजोकी से यहूदी अधिकारी का डरदे थिये, किजोकी यहूदी इक्क पास्से होई गेरे थिये कि जे कोई बोल्ले कि यीशु ही मसीह है, तां सभास्थल बिच का कड्डेया जाए।

2 कुरुन्थियों 3:12

इधेरे तांइ इदेइ आस रख्खी करी असी हिम्मत कने बोलदे।