यूहन्ना 10:2 - चम्बयाली नौआ नियम

² पर जे दुआर का अन्दर जान्दा, से भेड़ां रा पुहाल है।

यूहन्ना 10:2 ပူးပေါင်းရင်းမြစ်များ

मत्ती 15:11

मणू रे मुँह अन्दर जे जान्दा, से मणू जो भिठ्ठा नी करदा, पर उसेरे मुँह का निकलेरी गल्ल तिसजो भिठ्ठा करदी।

यूहन्ना 10:14

खरा पुहाल मैं है, मैं अपणी भेड़ां जो ते मेरी भेड़ां मेरे जो तिय्यां ही जाणदी

यूहन्ना 10:7

तां यीशु ने फिरी तिन्हा जो बोल्लेया, मैं तुसा कने सच-सच बोलदा, कि भेड़ां रा दुआर मैं है।

यूहन्ना 10:9

दुआर मैं है, जे अगर कोई मेरे का अन्दर आए, तां छुटकारा पाणा, ते अन्दर बाहर आया जाया करणा ते चारा पाणा।

प्रेरितां रे कम्म 20:28

इधेरे तांइ अपणी ते अपणे सारे झुण्ड री चुकन्ने रेह्ई करी देख-रेख करो जिन्हा परमेश्वर रे लोक्कां बिच पवित्रात्मा ने तुसा जो कलीसिया रे मुखिया बणाए रा है कि तुसा परमेश्वर री कलीसिया री रखवाली करो जिस जो तिसने अपणे खून कने खरीदी लित्ते रा है।

1 तीमुथियुस 4:14

तुसा बिच जे आत्मिक वरदान है तिसजो नजरंदाज मत करो जे तुसा जो भविष्यवाणी रे जरिये तिस बेल्ले दित्तेया गेया थिया जां कलीसिया रे बुजुर्गां ने तुसा पर हत्थ रख्खे थिये।

तीतुस 1:5

मैं तेरे जो क्रेते टापू बिच इधेरे तांइ छड्डेया थिया ताकि तित्ते जे कम्म बाकि रेई गे रा है तिजसो तू पूरा करी दे ते तित्ते री हर कलीसिया तांइ बुजुर्ग चुणी लै जिय्यां कि मैं करणे तांइ बोल्लेया थिया।

इब्रानियों 13:20

अवे असा रा सांती दैण वाला परमेश्वर, जिन्हा ने असा रे प्रभु यीशु मसीह जो मुर्देयां बिच का जिन्दा कित्तेया, हमारे जैसी भेड़ां तांइ इक्क पुहाल सांई हिन। तिन्हा ने अपणी जान री कुर्बानी देई करी हमेसा री वाचा जो पक्का कित्तेया।

1 पतरस 2:25

तुसा पैल्ले भटकी री भेड़ां सांई थिये, पर अवे तुसा मसीह का हटी आए रे हिन, जे तुसा री आत्‍मा रे पुहाल ते मुखिया हिन।

1 पतरस 5:4

जां मसीह यीशु ने हटी आणा जे असा रे सबका बड्डे पुहाल हिन, तां तिन्हा ने तुसा जो इक्क इदेया ईनाम दैणा जिसेरी चमक कदी नी मुकणी।

प्रकाशित वाक्य 1:20

मैं अवे तेरे जो मेरे सज्जे पास्से रे इन्हा सत्त तारेयां ते इन्हा सत्त सोन्ने रे धूपदान रे राज़ रा मतलब है दसणा। ए सत्त तारे से स्वर्गदूत हिन जे तिन्हा सत्त कलीसियां री रक्षा करदे, ते से सत्त धूपदान सत्त कलीसियां हिन।