यूहन्ना 10:19 - चम्बयाली नौआ नियम

¹⁹ इन्हा गल्लां री वजह कने यहूदियां बिच फिरी फूट पेई गई।

यूहन्ना 10:19 ပူးပေါင်းရင်းမြစ်များ

यूहन्ना 6:52

इस पर यहूदी मणू ए बोल्ली करी अप्पु मिते लडने लगे, कि ए मणू किय्यां अपणा सरीर खाणे जो देई सकदा।

यूहन्ना 9:16

इस पर किच्‍छ फरीसी बोलणा लग्गे, ए मणू परमेश्वर रे पास्से का नी है किजोकी से विश्राम दिन नी मनदा, दूज्जेयां ने बोल्लेया, पाप्पी मणू इदेय चमत्कार किय्यां दिखाई सकदा? अते तिन्हा बिच फूट पेई गेई।

प्रेरितां रे कम्म 14:4

पर सहर रे मणूआं बिच फूट पेई गई थी, इस कने किन्ने ही तां यहूदियां रे पास्से, ते कितणे ही खास प्रेरितां रे पास्से होई गे,

1 कुरुन्थियों 11:18

किजोकी पैल्ले ता मैं ए सूणदा कि जां तुसा कलीसिया बिच अराधना करणे तांइ कठिदें तां तुसा बिच फूट पे री है, ते मैं मनदा कि इस गल्ल बिच थोडा़-मती सच्चाई भी है।

1 कुरुन्थियों 3:3

किजोकी हल्ले तांइ तुसा इस दुनिया रे अविश्वासी लोक्कां सांई हिन। तुसा रे बिच हिर्स अते झगड़ा है, इस कने साबित हुंदा कि तुसा इस दुनिया रे दूए लोक्कां सांई हिन ते तिय्यां ही बरताव करदे।