यूहन्ना 10:12 - चम्बयाली नौआ नियम

^12-13 मजदूर भेड़िये जो आंदा दिख्खी करी नह्सी जांदा। किजोकी से ना तां तिन्हेरा पुहाल है ते ना ही भेड़ां रा मालक है, इधेरे तांइ तिन्हेरी परवाह नी करदा। भेड़िया तिन्हा भेड़ां पर हमला करी के तिन्हेरे जो बखेरी दिंदा।

यूहन्ना 10:12 ပူးပေါင်းရင်းမြစ်များ

मत्ती 10:16

दिख्खो, जिय्यां कोई भेड़ भेड़िये रे बिच मझाटे हो तिय्यां ही मैं तुसा जो तिन्हा लोक्कां बिच भेज्जेया करदा है। इधेरे तांइ कीड़े सांई चलाक अते कबूतरां सांई भोले बणो

मत्ती 7:15

“झूठे भविष्यद्वक्ता का बच्ची रेयो, जे भेड़ां रे भेस अन्दर तुसा का आन्दे, पर अन्दर का से खूंखार भेड़िए सांई हिन।”

यूहन्ना 10:2

पर जे दुआर का अन्दर जान्दा, से भेड़ां रा पुहाल है।

यूहन्ना 10:3

तिसेरे तांइ पैहरेदार दुआर खोल्ली दिंदा, ते भेड़ां तिसेरी अवाज सुणदी, ते से अपणी भेड़ां जो नां लेई-लेई करी सददा ते बाहर लेई जादां।

प्रेरितां रे कम्म 20:29

मैं जाणदा कि खूंखार भेड़िये जदेय झूठ्ठे शिक्षकां ने तुसा रे बिच-मझाटे मण्डली जो तोडणे तांइ घुसी जाणा।

1 तीमुथियुस 3:3

कलीसिया रा मुखिया पियक्कड़ ते मार-कुटाई करणे वाला ना हो बल्कि से नरमदिल मणू होणा चाएदा। से ना ता झगड़ालू ते ना ही पैसे रा लालची ना हो।

1 तीमुथियुस 3:8

तिय्यां ही कलीसिया रे सेवादार मणूआं रा भी लोक्कां बिच खरा नां होणा चाएदा। से दोगली गल्लां करणे वाला, सराबी ते पैसे रा लालची नी होणा चाएदा,

2 तीमुथियुस 4:10

किजोकी देमास दुनिया री चीजां जो जादा प्यार करदा इधेरे तांइ तिनिये मेरे जो छड्डी दित्तेया, ते थिस्सलुनीके रे कस्बे जो चली गेया, ते क्रेसकेंस गलातिया रे इलाक्के पास्से चली गेया ते तीतुस दलमतिया रे इलाक्के बिच चली गेया।

तीतुस 1:7

किजोकी कलीसिया रे मुखिए जो परमेश्वर रा कम्म करणे री वजह कने बेकसूर होणा चाएदा, से ना ता जिद्दी, ना गुस्सा करणे वाला, ना सराब पीणे वाला, ना मार-कुटाई करणे वाला, ते ना ही बेईमानी री कमाई रा लालची हो।

1 पतरस 5:2

कि जिय्यां इक्क पुहाल अपणी भेड़ां री रखवाल्ली करदा, तिय्यां ही तुसा भी तिन्हा सारेयां री रखवाल्ली करो जिन्हा जो परमेश्वर ने तुसा जो सौंप्पे रा है। ए सब किच्‍छ अपणी मर्जी कने करो किजोकी ए ही परमेश्वर री मर्जी है। ए सब इधेरे तांइ मत करो किजोकी तुसा पैसे कमाणा चाह्‍ंदे, पर इधेरे तांइ करो किजोकी तुसा परमेश्वर ते लोक्कां री सेवा करणा चाह्‍ंदे।

2 पतरस 2:3

ए झूठ्ठे शिक्षक लालची होणे, ते तिन्हा ने तुसा का रुपया लैणे तांइ तुसा जो मनघड़ंत गल्लां सुनाणी। परमेश्वर ने बड़े पैल्ले ही इस गल्ल रा फैसला करी लित्तेया थिया तिन्हा ने इन्हा लोक्कां जो सजा दैणी ते से इय्यां करणे तांइ तैयार भी हिन। तिन्हा ने इन्हा लोक्कां जो यकिनन बर्बाद करी दैणा।