यूहन्ना 10:1 - चम्बयाली नौआ नियम

¹ मैं तुसा जो सच-सच बोलदा कि जे कोई दुआर का गुआड़ बिच नी बड़दा, पर कुसकी दूए पास्से का चढ़दा, से चोर ते डाकू है।

यूहन्ना 10:1 ပူးပေါင်းရင်းမြစ်များ

मत्ती 7:15

“झूठे भविष्यद्वक्ता का बच्ची रेयो, जे भेड़ां रे भेस अन्दर तुसा का आन्दे, पर अन्दर का से खूंखार भेड़िए सांई हिन।”

यूहन्ना 10:7

तां यीशु ने फिरी तिन्हा जो बोल्लेया, मैं तुसा कने सच-सच बोलदा, कि भेड़ां रा दुआर मैं है।

यूहन्ना 3:3

यीशु ने तिसजो जवाब दित्ता मैं तुसा कने सच्ची-सच्ची बोलदा जे अगर कोई नौए सिरे का नी जम्मे तां परमेश्वर रे राज जो नी दिख्खी सकदा।

रोमियों 10:15

ते इसका पैल्ले कि कोई तिन्हा जो प्रभु रे बारे बिच दस्से, कुसकी रा भेज्जेया जाणा जरुरी है। इधेरे तांइ पवित्रशास्त्र बिच लिख्खे रा है, “सुब बसेख लाणे वाले मणूआं रे पैर किन्ने छैल हिन।”

रोमियों 16:18

किजोकी ऐसे मणू प्रभु मसीह यीशु री सेवा अपणे मतलब तांइ करदे, से अपणे मतलब जो पूरा करणे तांइ मिठ्ठी-मिठ्ठी गल्लां बोल्ली करी, भोले भाले लोक्कां जो धोखा दिंदे।

तीतुस 1:11

इदेय लोक्कां जो बाकि विश्वासियां जो सिखाणे का रोक्को किजोकी जां से इदेइ गल्लां सिखांदे तां से पूरे परिवार रे विश्वास जो बर्बाद करी दिंदे। से इय्यां इधेरे तिकर करदे ताकि से पैसे कमाई सकण।

इब्रानियों 5:4

कोई भी मणू अप्पु ही सिर्फ आदरमान पाणे तांइ बड्डा पुरोत्त नी बणी सकदा। कोई भी मणू सिर्फ तां ही बड्डा पुरोत्त बणी सकदा अगर परमेश्वर ने तिसजो चुणे रा हो, जिय्यां तिन्हा ने पैल्ले बड्डे पुरोत्त, हारून जो चुणेया थिया।”

1 पतरस 1:10

ए से ही अनुग्रह है जिसेरे बारे बिच भविष्यद्वक्तां होर भी जादा जाणना चाह्‍ंदे थिये। तिन्हा ने इस गल्ल री भविष्यवाणी कित्ती कि तुसा जो बचाणे तांइ परमेश्वर ने तुसा कने इन्नी करुणा करणे बर्ताव करणा जिसेरे तुसा काबिल भी नी थिये। तिन्हा ने जवाब तोपणे तांइ बड़े ध्यान कने खोज कित्ती थी।

2 पतरस 2:1

जिय्यां कि बड़े पैल्ले झूठ्ठे भविष्यद्वक्तां उठे थिये, तिय्यां ही तुसा बिच झूठ्ठे शिक्षक उठणे। तिन्हा ने झूठ्ठी शिक्षा देया करणी जिसेरी वजह कने लोक्कां ने मसीह बिच विश्वास करणा छड्डी दैणा। इत्ते तिकर तिन्हा ने मसीह जो अपणा मालिक बणने का इन्कार करी दैणा जिन्हेरा तिन्हा लोक्कां पर हक है ते जिन्हा ने तिन्हा लोक्कां जो पाप रे काबू का अजाद कित्ते रा है। तिस्सी तरिक्के कने तिन्हा ने अप्पु जो चाणचक्के ही मुकाई दैणे री वजह बणना।

2 पतरस 2:3

ए झूठ्ठे शिक्षक लालची होणे, ते तिन्हा ने तुसा का रुपया लैणे तांइ तुसा जो मनघड़ंत गल्लां सुनाणी। परमेश्वर ने बड़े पैल्ले ही इस गल्ल रा फैसला करी लित्तेया थिया तिन्हा ने इन्हा लोक्कां जो सजा दैणी ते से इय्यां करणे तांइ तैयार भी हिन। तिन्हा ने इन्हा लोक्कां जो यकिनन बर्बाद करी दैणा।

1 यूहन्ना 4:1

ओ प्यारेयो, हर तिस मणू पर भरोस्सा मत करो जे ए दावा करदे कि असी पवित्रात्मा रे कहे मुताबिक गल्लां करदे। पर आत्‍मा जो परखो कि से परमेश्वर रे पास्से का हिन का नी किजोकी मते सारे झूठ्ठी भविष्यद्वक्ता दुनिया बिच हिन।