यूहन्ना 1:9 - चम्बयाली नौआ नियम

⁹ से सच्ची रौसनी जे सारे लोक्कां जो रौसनी दिंदी, से दुनिया बिच आणे वाली थी।

यूहन्ना 1:9 ပူးပေါင်းရင်းမြစ်များ

मत्ती 6:23

पर जे तेरे दिखणे रा नजरिया बुरा हो, तां ए इदेया होणा जिय्यां तुसा रा पूरा सरीर न्याहरे कने भरे रा हो, इधेरे तांइ से रौसनी जे तेरे अन्दर है जे, से अगर हकीकत बिच अगर न्याहरी होई जाओ तां से न्याहरा कदेया ड्रोणा होणा!

लूका 11:36

पर जे तुसा रा पूरा सरीर लौ कने चमकदा है, ते सरीर रा कोई भी हिस्सा न्याहरे बिच नी है तां से पूरी तरह् कने इय्यां लस्कणा मन्नो कोई दीया तुसा पर अपणी किरणां चमकाया करदा है।

यूहन्ना 1:4

तिस बिच जिन्दगी थी जे सारे मणूआं जो रौसनी दिंदा।

यूहन्ना 1:7

से गवाह बणी करी आया ताकि रौसनी री गवाई दे, ताकि तिसेरे जरिए सारे रौसनी बिच विश्वास करण,

यूहन्ना 12:46

मैं दुनिया बिच रौसनी होई करी आए रा है, ताकि जे कोई मेरे पर विश्वास करे, ओ न्याहरे बिच ना रे

यूहन्ना 14:6

यीशु ने तिसजो बोल्लेया, रस्ता अते सच्चाई ते जिन्दगी मैं ही है, बगैर मेरे कोई पिता-परमेश्वर का नी पूज्जी सकदा।

यूहन्ना 15:1

“यीशु ने बोल्लेया, सच्ची अंगूर री बेल मैं है, अते मेरे पिता तिसेरे माली हिन।

यूहन्ना 6:32

यीशु ने तिन्हा जो बोल्लेया, मैं तुसा जो सच-सच बोलदा कि मूसा ने तुसा जो से रोट्टी स्वर्ग का नी दित्ती, पर मेरा पिता तुसा जो सच्ची रोट्टी स्वर्ग का दिंदा।

यूहन्ना 7:12

फिरी लोकां ने तिसेरे बारे चोरी-चोरी बड़ी गल्लां कित्ती थोड़े बोलदे थिये से खरा मणू है, ते थोड़े बोलदे थिये नां से मणूआं जो बैह्कांदा

1 यूहन्ना 1:8

जे असी बोलण कि असा बिच कोई पाप नी है तां असी खुद जो धोखा देया करदे हिन अते असा बिच सच्चाई नी है।

1 यूहन्ना 2:8

पर फिरी भी मैं तुसा जो नौआ हुकम लिखदा, किजोकी ए सच्चाई पैल्ले मसीह बिच पाई गयी ते फिरी तुसा बिच भी पाई गे री है, किजोकी बुराई, न्याहरे सांई मिटदी जाया करदी है, ते सच्चाई, रौसनी सांई अवे चमकणा लग्गी पे री है।

1 यूहन्ना 5:20

ते ए भी जाणदे कि परमेश्वर रा पुत्तर मसीह यीशु आई गे रा है ते तिनिये असा जो समझ दित्ते री है कि, असी तिस सच्चे परमेश्वर कने गहरे रिश्ते बिच हिन किजोकी असी मसीह यीशु कने गहरे रिश्ते हिन जे सच है, सच्चा परमेश्वर ते हमेसा री जिन्दगी ए ही है।