यूहन्ना 1:51 - चम्बयाली नौआ नियम51 फिरी तिसने बोल्लेया, मैं तुसा कने सच-सच बोलदा कि तुसा स्वर्ग जो खुले रे कने परमेश्वर रे स्वर्गदूतां जो मणू रे पुत्तर, जे मैं ही है, पराले उतरदे कने उप्पर जांदे दिखणा। အခန်းကိုကြည့်ပါ။ |
यूहन्ना 1:51
55 ပူးပေါင်းရင်းမြစ်များ
असी इस गल्ल जो पक्के तौर पर दसदे कि परमेश्वर री जाहिर कित्ते री शिक्षां पूरे तरिक्के कने सच्ची हिन, इसेरा मतलब ए है कि मसीह यीशु मणू रे रुप बिच पैदा होए, से पवित्रात्मा रे जरिये परमेश्वर रे पुत्तर साबित कित्ते गे, स्वर्गदूतां ने तिन्हा जो दिख्खेया, परमेश्वर ने तिन्हा जो स्वर्ग जो चुक्की लित्तेया, देस-देस अंदर तिन्हेरे बारे बिच प्रचार कित्तेया जांदा, ते मते लोक्कां ने तिन्हेरा विश्वास कित्तेया।
हनोक जे आदम री सतमी पीढ़ी बिच पैदा होया थिया, तिनिये इन्हा अधार्मिक लोक्कां रे बारे बिच भविष्यवाणी कित्ती थी। तिनिये बोल्लेया थिया, “सुणो, प्रभु ने अपणे अणगिणत स्वर्गदूतां कने सारे मणूआं रा हिसाब-किताब करणे तांइ आणा ते तमाम अधार्मिक लोक्कां जो तिन्हेरे सारे अनैतिक ते बुरे कम्मां तांइ ते परमेश्वर रे खिलाफ बोल्ले री तमाम बेजती री गल्लां तांइ गुनेह्गार ठैहराणा”
इन्हा गल्लां का बाद मैं दिख्खेया की, स्वर्ग रा दुआर खुल्ले रा थिया ते तित्ते कोई थिया जे मेरे कने गल्ल करेया करदा थिया, ते ए से ही जिस जो मैं पैल्ले भी सूणेया थिया, ते जिसेरी अवाज तुरही सांई सुणिंदी थी। तिनिये मेरे जो बोल्लेया, इत्ते उप्पर आई जा, मैं तिज्जो से दिखाणा जिसेरा आणे वाले बेल्ले बिच होणा पक्का है।
ကြော်ငြာတွေ