यूहन्ना 1:19 - चम्बयाली नौआ नियम

¹⁹ यूहन्ना री गवाई ए है कि जिस बेल्ले यहूदी अधिकारियां ने यरुशलेम सहर रे लेवी पुरोत्तां ते लेवी गोत्र रे लोक्कां जो तिसका ए पूछने जो भेज्जेया “तू कुण है।”

यूहन्ना 1:19 ပူးပေါင်းရင်းမြစ်များ

यूहन्ना 1:7

से गवाह बणी करी आया ताकि रौसनी री गवाई दे, ताकि तिसेरे जरिए सारे रौसनी बिच विश्वास करण,

यूहन्ना 10:24

तां यहूदियां रे अधिकारियां ने यीशु जो घेरी लित्ता ते पूच्छेया, तुसा ने असा रे मन जो लम्बे समय का परेसानी बिच पाई रख्खे रा है। जे अगर तुसा मसीह हिन तां असा कने साफ-साफ बोल्ली देयो।

यूहन्ना 10:31

यहूदियां ने यीशु जो मारणे तांइ फिरी बट्टे चुक्के।

यूहन्ना 11:19

मते सारे यहूदी मार्था ते मरियम जो उन्हेरे भाई रे मरणे पर सांती दैणे तांइ आए रे थिये

यूहन्ना 2:18

इस पर यहूदी लोक्कां रे अगुवे लोक्कां ने तिसजो बोल्लेया, तू जे ए करदा तां हमारे जो कुण वाला चमत्कार दसदा?

यूहन्ना 2:20

यहूदी लोक्कां रे अगुवे लोक्कां ने बोल्लेया, इस मन्दिर जो बणाणे तिकर छताली साल लगे रे हिन, तां कै तू तिसजो तीन्न दिना बिच खड़ा करी सकदा?

यूहन्ना 5:10

यहूदी अगुवे तिस मणू जो टोकणा लग्गी पये, “विश्राम दिन पर इय्यां अपणी पन्द लेई करी मूसा रे नियम रे हिसाब कने चलणा-फिरणा मना है।”

यूहन्ना 5:15

तिस मणू ने जाई करी यहूदियां अधिकारियां जो बोल्ली दित्ता कि जिनिये मेरे जो ठीक कित्ता से यीशु है।

यूहन्ना 5:16

इसेरी वजह कने यहूदी यीशु जो सताणा लगे किजोकी से इदेय कम्म विश्राम दिन पर करदा थिया।

यूहन्ना 5:18

इस वजह कने यहूदी होर भी बधी करी तिसजो मारणे री कोसीस करणा लगे किजोकी सेह न सिर्फ विश्राम दिन रे रीति रीवाज जो तोडदा थिया पर परमेश्वर जो अपणा बाबा बोल्ली करी अप्पु जो परमेश्वर रे बराबर करदा थिया।

यूहन्ना 6:41

फिरी यहूदी मणू यीशु पर बुड़बुड़ाणे लग्गे, इस तांइ कि तिन्ही बोल्लेया थिया कि जेडी रोट्टी स्वर्ग का उतरी है, से मैं है

यूहन्ना 6:52

इस पर यहूदी मणू ए बोल्ली करी अप्पु मिते लडने लगे, कि ए मणू किय्यां अपणा सरीर खाणे जो देई सकदा।

यूहन्ना 7:1

इन्हा गल्लां रे बाद यीशु गलील प्रदेश बिच फिरदे रे, किजोकी यहूदी तिन्हा जो मारणे रा मौका थिये तोपदे, इस तांइ से यहूदियां प्रदेश बिच फिरणा नी चाह्‍ंदे थिये,

यूहन्ना 7:11

तां यहूदी त्योहर अन्दर यीशु जो ए बोल्ली करी तोपणा लगे, “से कुते है?”

यूहन्ना 7:15

तां यहूदी अधिकारियां ने हैरान होई करी बोल्लेया, पवित्रशास्त्र जो जादा पढ़े बगैर इसजो इन्ना जादा ज्ञान किय्यां का आया?

यूहन्ना 8:22

इस पर यहूदी अधिकारियां ने बोल्लेया, कै से अप्पु जो मारी दिंगा, जो से बोलदा कि जित्ते मैं जान्दा उत्ते तुसा नी आई सकदे?

यूहन्ना 8:48

ए सुणी करी यहूदियां ने तिन्हा जो बोल्लेया, कै असी ठीक नी बोलदे कि तू सामरिया प्रदेश रा है, ते तेरे बिच दुष्टात्मा है?

यूहन्ना 8:52

यहूदियां ने तिन्हा जो बोल्लेया, अवे असी जाणी लित्ता की तेरे अन्दर दुष्टात्मा है, अब्राहम मरी गेया, ते भविष्यद्वक्ता भी मरी गे, ते तुसा बोलदे जे कोई मेरे शिक्षा जो मनगा, तिसने कदी भी नी मरणा।

यूहन्ना 8:57

यहूदियां ने तिन्हा जो बोल्लेया, हल्ले तिकर तुसा पजांह साल्ले रे भी नी हिन, फिरी भी तुसा अब्राहम जो दिख्खे रा है?

प्रेरितां रे कम्म 13:25

ते जां यूहन्ना अपणी सेवा पूरी करणे वाला थिया, तां तिन्ने बोल्लेया, तुसा मेरे जो कै समजदे? मैं मसीह नी है! पर मेरे बाद इक्क आणे वाला है, से मेरे का इन्ने जादा महान हिन कि मैं तिन्हेरे पैरां री मैं जूत्ती खोलणे रे लायक भी नी है।

प्रेरितां रे कम्म 19:4

पौलुस ने बोल्लेया, यूहन्ना ने तिन्हा लोक्कां जो ही बपतिस्मा दित्ता जिन्हा ने पाप्पां का तौबा कित्तेया, पर तिनिये ए बोल्लेया कि जे मेरे का बाद आणे वाला है, तिस पर मतलब यीशु पर विश्वास करेयो जे मसीह हिन।

1 यूहन्ना 1:5

असा ने मसीह यीशु का जे सुब बसेख सूणेया है, से ए है, अते इसजो ही असा तुसा जो सुणाया करदे हिन: परमेश्वर रौसनी सांई शुद्व है ते उस बिच न्याहरे सांई बुराई नी है।