यूहन्ना 1:18 - चम्बयाली नौआ नियम

¹⁸ परमेश्वर जो कदी कुसकी ने नी दिख्खेया पर इकलौते पुत्तर ने जे अप्पु ही परमेश्वर है, ते पिता रे सबका जादा करीब है। तिन्हा ने ही असा पर परमेश्वर जो प्रकट कित्ते रा है।

यूहन्ना 1:18 ပူးပေါင်းရင်းမြစ်များ

मत्ती 11:27

मेरे परम पिता ने सब किच्‍छ मेरे हवाले करी दित्तेया, अते कोई पुत्तर जो नी जाणदा, सिर्फ परम पिता जाणदा अते कोई परम पिता जो नी जाणदा, सिर्फ पुत्तर जाणदा, अते हर इक्क से मणू परम पिता जो जाणदा, जिस पर पुत्तर तिसजो जाहिर करणा चाए।

लूका 10:22

फिरी यीशु ने तिन्हा चेल्‍लेयां जो बोल्लेया, मेरे पिता जी ने मेरे जो सबणी चीजां पर हक्क दित्ते रा है ते पिता ही जाणदे कि पुत्तर कुण है, ते पुत्तर जो छड्डी करी होर कोई नी जाणदा कि पिता कुण है, या तिन्हेरे जो छड्डी करी से जाणी सकदे जिस जो पुत्तर पिता रे बारे अन्दर दस्सणा चांह्दा

यूहन्ना 1:14

वचन मणू रे रुप बिच आया, ते से अनुग्रह ते सच्चाई कने भरी कने तिसने हमारे बिच डेरा कित्ता कने असी तिसेरी इदेइ बड़ाई दिख्खी जिय्यां पिता रे इकलौत्ते पुत्तर री महिमा दिख्खी हो।

यूहन्ना 12:41

यशायाह ने ए गल्लां इस तांइ बोल्ली किजोकी उसने यीशु री आणे वाली महिमा दिख्खी थी, ते उसदे बारे बिच गल्लां कित्ती।

यूहन्ना 13:23

तिन्हेरे चेल्‍लेयां बिच का इक्क चेल्ला, जिस कने यीशु प्यार करदे थिये, यीशु नेड़े बैठ्ठे रा थिया।

यूहन्ना 14:9

यीशु ने तिसजो बोल्लेया, ओ फिलिप्पुस, मैं इत्तणे रोज्जे रा तुसा कने है, ते कै तू मेरे जो नी जाणदा? जिनिये मेरे जो दिख्खेया तिसने पिता जो दिख्खेया है तां फिरी तू किजो बोल्लेया करदा है कि पिता जो असा जो दिख्खाओ?

यूहन्ना 17:26

मैं तुसा रा नां इन्हा सामणे प्रकट कित्ते रा है, ते अग्गे भी दसदे रैह्णा ताकि जे प्यार तुसा जो मेरे कने थिया से तिन्हा बिच रेय, ते मैं इन्हा बिच रेयां।

यूहन्ना 17:6

जिन्हा लोक्कां जो तुसा इस दुनिया रे लोक्कां बिच का मेरे जो सौंपेया थिया, मैं तिन्हा जो तुसा रे बारे बिच दस्सेया। से हमेसा का तुसा रे ही हिन। से तुसा रे बोलणे रे हिसाब कने चलेया करदे हिन।

यूहन्ना 3:11

मैं तुसा कने सच्ची-सच्ची बोलदा, असी जे जाणदे, से बोलदे, ते जिस जो असी दिखदे तिसेरी ही गवाई दिन्दे, तुसा असा री गवाई पर विश्वास नी करदे,

यूहन्ना 6:46

इय्यां नी है कि कुसकी ने भी “पिता” जो नी दिख्खेया, पर मैं परमेश्वर जो दिख्खे रा है, जे अप्पु परमेश्वर रे पास्से का आए रा है।

2 कुरुन्थियों 4:4

शैतान, जे इस दुनिया रे लोक्कां रा शासक है, तिनिये मसीह यीशु बिच विश्वास ना करणे वाले लोक्कां री समझ जो मंद करी रख्खे रा है, ताकि से मणू सुब बसेख री महिमामय रौसनी जो नी दिख्खी सके। से मणू मसीह यीशु रे इस महिमा रे बसेख जो नी समजदे जे परमेश्वर रे प्रतीरुप हिन।

कुलुस्सियों 1:15

कोई भी परमेश्वर जो नी दिख्खी सकदा, पर जां तिन्हेरे पुत्तर ने इक्क मणू रे रुप बिच जन्म लित्ता, तां तिसने परमेश्वर जो लोक्कां पर ज़ाहिर कित्ता किजोकी से अप्पु परमेश्वर रे स्वरूप बिच है। परमेश्वर रा पुत्तर पूरे ब्रम्हांड रे बणाए जाणे रे पैल्ले का है, ते परमेश्वर री बणाए री हर चीज पर तिन्हेरा हक है।

1 तीमुथियुस 1:17

हमेसा तिकर राज करणे वाले राज्जा, अविनाशी, अणदिख्खे ते इकलौत्ते परमेश्वर रा आदरमान ते महिमा हमेसा-हमेसा तिकर हुंदी रे। आमीन!

1 तीमुथियुस 6:16

ते सिर्फ से ही हिन जिन्हा ने हमेसा तांइ रैह्णा, से इन्नी जादा चमकदार रौसनी बिच रैह्‍न्दे। कुसकी मणू ने तिन्हा जो कदी नी दिख्खेया ते ना ही दिख्खी सकदा, तिन्हेरी महिमा ते ताकत हमेसा-हमेसा तांइ रैह्णी। आमीन!

1 यूहन्ना 4:12

परमेश्वर जो कदी कुनिए भी नी दिख्खेया अगर असी अप्पु-मिते प्यार रखण, तां परमेश्वर असा री जिन्दगी अन्दर बणी रैह्न्दा, ते तिसेरा प्यार असा अन्दर सिद्ध होई गे रा है।

1 यूहन्ना 4:20

अगर कोई बोल्ले कि, मैं परमेश्वर कने प्यार रखदा पर अपणे संगी विश्वासी कने प्यार ना रख्खो, तां से झूठा है किजोकी जे अपणे संगी विश्वासी कने जिस जो तिनिए दिख्खे रा है, प्यार नी रखदा तां से परमेश्वर कने भी जिस जो तिनिए नी दिख्खेया, प्यार नी रख्खी सकदा।

1 यूहन्ना 4:9

जे प्यार परमेश्वर असा कने करदा, से इस कने जाहिर होया कि परमेश्वर ने अपणे इक्को ही इक्क निक्के जो दुनिया अन्दर भेज्जे रा है कि असी तिसेरे जरिए हमेसा री जिन्दगी हासिल करण।

1 यूहन्ना 5:20

ते ए भी जाणदे कि परमेश्वर रा पुत्तर मसीह यीशु आई गे रा है ते तिनिये असा जो समझ दित्ते री है कि, असी तिस सच्चे परमेश्वर कने गहरे रिश्ते बिच हिन किजोकी असी मसीह यीशु कने गहरे रिश्ते हिन जे सच है, सच्चा परमेश्वर ते हमेसा री जिन्दगी ए ही है।