यूहन्ना 1:15 - चम्बयाली नौआ नियम

¹⁵ यूहन्ना ने तिसेरे बारे गवाई दिती कने बड़ी हक्कां लाई करी बोल्लेया, “ए से ही है जिसेरे बारे मैं तुसा जो दस्सेया थिया कि जे मेरे बाद आए करदा है सेह मेरे का भी बधी करी है किजोकी से मेरे का भी पैहले थिया।”

यूहन्ना 1:15 ပူးပေါင်းရင်းမြစ်များ

मत्ती 3:11

“मैं ता पाणी कने तुसा जो पाप्पां का तौबा करणे रा बपतिस्मा दिंदा, पर जे मेरे का बाद आणे वाला है, से मेरे का जादा ताकतवर है ते मैं तिन्हेरी चप्पल चुकणे जोग्गा भी नी है, तिन्हा ने तुसा जो अप्पु पवित्रात्मा ते आग्ग कने बपतिस्मा दैणा।

मरकुस 1:7

ते ए प्रचार करदा थिया, “मेरे बाद से आणे वाला है जे मेरे का भी शक्तिसाली है, मैं इस जोग्गे भी नी कि इक्क गुलाम रे तौर पर भी निठ्ठे होई करी तिन्हेरे जूत्ते री डोरी खोल्ली सकां।

लूका 3:16

तां यूहन्ना ने तिन्हा सबणी मणूआं जो ए जवाब दित्ता, कि मैं तां तुसा जो सिर्फ पाणी कने ही बपतिस्मा दिन्दा, पर जे आणे वाला है, से तां मेरे का भी जादा सक्तसाली है, मैं तां इस जोग्गा भी नी है, कि तिन्हेरे जूत्ते रे तस्मे जो भी खोल्ली सकां, तिन्हा ने तां आग्ग ते पवित्रात्मा कने बपतिस्मा दैणा।

यूहन्ना 1:27

जे मेरे बाद आणे वाले है मैं तां तिसेरी जूत्ते रे तसमे खोलणे रे जोग्गा भी नी है

यूहन्ना 17:5

जदेई बड़ाई मेरी इस दुनिया रे बणाए जाणे का पैल्ले तुसा कने थी, तैसी ही बड़ाई तुसा फिरी मेरे जो देयो।

यूहन्ना 8:58

यीशु ने तिन्हा जो बोल्लेया, मैं तुसा जो सच-सच बोलदा, कि अब्राहम रे पैदा होणे रे पैल्ले का भी मैं है।

कुलुस्सियों 1:17

कुसकी भी चीज रे बणाए जाणे रे पैल्ले का ही परमेश्वर रे पुत्तर रा वजूद है, ते तिन्हेरे जरिये ही सारा ब्रम्हांड इक्क कठ बिच कम्म करेया करदा है।

इब्रानियों 13:8

प्रभु यीशु मसीह अज्ज कल ते हमेसा इक्क ही जदेय हिन, ते से कदी भी नी बदलदे।

प्रकाशित वाक्य 1:11

तिन्हा ने मेरे जो ए बोल्लेया, जे किच्‍छ तू दिख्खेया करदा है, तिसजो इस कताब बिच लिखदा जा, ते फिरी तिसजो इफिसुस, स्मुरना, पिरगमुन, थुआतीरा, सरदीस, फिलदिलफिया, अते लौदीकिया, शरहां री सत्तों कलीसिया बिच भेज्जी दे।

प्रकाशित वाक्य 2:8

तिन्हा ने मेरे जो ए भी बोल्लेया, “ए बसेख स्मुरना सहर री कलीसिया रे स्वर्गदूत जो लिख्ख, मैं सुरुआत ते आखिर है। मैं इक्क वरी मरेया, पर अवे मैं जिन्दा है, ते हमेसा-हमेसा तांइ जिन्दा ही रैह्णा। जे मरी गेया थिया, अते अवे जिंदा होई गे रा है। मैं तुसा जो ए बोल्लेया करदा है,