यूहन्ना 1:14 - चम्बयाली नौआ नियम14 वचन मणू रे रुप बिच आया, ते से अनुग्रह ते सच्चाई कने भरी कने तिसने हमारे बिच डेरा कित्ता कने असी तिसेरी इदेइ बड़ाई दिख्खी जिय्यां पिता रे इकलौत्ते पुत्तर री महिमा दिख्खी हो। အခန်းကိုကြည့်ပါ။ |
यूहन्ना 1:14
60 ပူးပေါင်းရင်းမြစ်များ
असा रे पापी स्वभाव री वजह कने मूसा रा कानून कमजोर होई करी जे नी करी सकेया, से परमेश्वर ने कित्ता। तिन्हा ने अपणे इकलौत्ते पुत्तर जो असा पाप्पी लोक्कां का इक्क इन्सान रे रुप बिच भेज्जेया। ते परमेश्वर ने अपणे पुत्तर जो असा रे पाप्पां तांइ कुर्बानी रे रुप बिच देई करी, असा रे पाप्पां री सजा तिन्हेरे सरीर पर पाई दित्ती ते असा पर पाप री ताकत जो मुकाई दित्ता।
असी इस गल्ल जो पक्के तौर पर दसदे कि परमेश्वर री जाहिर कित्ते री शिक्षां पूरे तरिक्के कने सच्ची हिन, इसेरा मतलब ए है कि मसीह यीशु मणू रे रुप बिच पैदा होए, से पवित्रात्मा रे जरिये परमेश्वर रे पुत्तर साबित कित्ते गे, स्वर्गदूतां ने तिन्हा जो दिख्खेया, परमेश्वर ने तिन्हा जो स्वर्ग जो चुक्की लित्तेया, देस-देस अंदर तिन्हेरे बारे बिच प्रचार कित्तेया जांदा, ते मते लोक्कां ने तिन्हेरा विश्वास कित्तेया।
किजोकी पवित्रशास्त्र बिच परमेश्वर ने यीशु मसीह रे अलावा कदी अपणे स्वर्गदूतां बिच का कुसकी जो ए नी बोल्लेया, “तू मेरा पुत्तर है! अज्ज मैं सारेयां जो ए एलान करदा कि तेरा पिता मैं है!” ते फिरी पवित्रशास्त्र बिच कुसकी होरसी जगाह् पर यीशु मसीह रे अलावा कदी कुसकी स्वर्गदूत जो ए भी नी बोल्लेया, “मैं तिसेरा पिता बणना, ते तिनिये मेरा पुत्तर बणना।”
तिय्यां ही मसीह यीशु ने अप्पु जो प्रधान पुरोत्त बणाई करी अप्पु ही अपणी बड़ाई नी कित्ती। इसेरे उलट, परमेश्वर ने मसीह जो से गल्ल बोल्ली करी चुणेया थिया, जे गल्ल तिन्हा ने कुसकी होरसी बड्डे पुरोत्त जो नी बोल्ली थी, जिसेरे बारे बिच लिखणे वाले ने पवित्रशास्त्र बिच भी लिख्खे रा है, “तू मेरा पुत्तर है! अज्ज मैं सारेयां जो ए एलान करदा कि तेरा पिता मैं है!”
फिरी मैं परमेश्वर रे सिहांसन का कुसकी जो ऊच्ची अवाज बिच ए बोलदे होये सूणेया, दिख, अब्बे का लेई करी परमेश्वर ने लोक्कां बिच वास करणा, ते अब्बे का लेई करी परमेश्वर रा घर मणूआं रे बिच होणा। ते से परमेश्वर रे मणू होणे, ते परमेश्वर ने अप्पु ही तिन्हा जो अपणे मणू मनणा, ते तिन्हा कने रैह्णा, ते लोक्कां ने भी तिन्हा जो अपणा परमेश्वर मनणा।
ကြော်ငြာတွေ