याकूब 5:7 - चम्बयाली नौआ नियम

⁷ इधेरे तांइ ओ मेरे संगी विश्वासियों, प्रभु रे आणे तिकर सबर रखो। जिय्यां किसान दुनिया री कीमती फसल री उम्मीद रख्खी करी पैल्ली ते आखरी बरखा तिकर सबर रखदा ताकि फसल उगे ते बड्डिणे तांइ तैयार होई जाए।

याकूब 5:7 ပူးပေါင်းရင်းမြစ်များ

मत्ती 16:27

किजोकी मणू रा पुत्तर, जे मैं ही है अपणे स्वर्गदूतां कने अपणे पिता री महिमा बिच आणे वाला है तां तिन्ने हर इक्क मणू जो तिसेरे कम्मां रे हिसाब कने ईनाम दैणा।

मत्ती 16:28

“मैं तुसा कने सच बोलदा कि इत्ते खड़ितेरे लोक्कां बिच का किच्‍छ, इदेय भी हिन कि जां तांइ मणू रे पुत्तर, जे मैं ही है जो तिसेरे राज बिच का आन्दे नी दिख्खी लिन्दे, तां तांइ तिन्हा ने मौत नी दिखणी।”

मत्ती 24:27

किजोकी जिय्यां बिजली पूरब का लेई करी पश्चिम तकर चमकदी, तिय्यां मणू रे पुत्तर, जे मैं ही है रा आणा भी होणा।

मत्ती 24:44

इधेरे तांइ तुसा भी तैयार रेयो, किजोकी जिस घड़ी रे बारे बिच तुसा सोचदे भी नी होणे, तिसी घड़ी मणू रे पुत्तर, जे मैं ही है ने आई जाणा।

लूका 18:8

मैं तुसा जो बोल्दा, कि परमेश्वर ने तिसी ही बेल्ले तिन्हेरा फैसला करणा पर जां मणू रा पुत्तर जे मैं ही है, इस दुनिया बिच आणा, तां इदेय किन्ने हुन्गे जे इदेया विश्वास करणे वाले हुन्गे?

लूका 21:27

तां सब मणूआं ने मणू रे पुत्तर, जे मैं ही है जो अपणी ताकत अते तिन्हेरी जै जै कार हुन्दे बदला बिच का आन्दे दिखणा।

लूका 8:15

पर से बीह् जे ठीक मिट्टी पर पे थिये, से तिन्हा मणूआं सांई हुन्दे, जे मन रे ठीक अते नेक, ते सच्चे मन कने परमेश्वर रे वचन जो सुणी करी तिन्हा पर चलदे ते तिन्हेरे सबर री वजह कने ही से खरा फल्ल लियान्दे।

यूहन्ना 21:22

यीशु ने तिसजो बोल्लेया, जे मैं चाए कि से मेरे आणे तक, ए इत्ते ही रे, तां तिज्जो इस कने कै मतलब? तू मेरे पीच्छे चल ते मेरा चेल्ला बणे रे।

यूहन्ना 21:23

इय्यां ही ए गल्ल संगी विश्वासी बिच फैली गई कि तिस चेल्‍ले ने नी मरणा, पर यीशु ने तिस कने ए नी बोल्लेया थिया, कि तिसने नी मरणा पर तिन्हेरे बोलणा रा ए मतलब थिया कि जे मैं ए चाए कि से मेरे आणे तक, ए इत्ते ही रे, तां तिज्जो इस कने कै मतलब?

रोमियों 15:4

जिन्नी गल्लां पैल्ले पवित्रशास्त्र बिच लिख्खी गे री हिन, से असा जो शिक्षा दैणे तांइ ही लिख्खी गे री हिन, कि असी सबर ते पवित्रशास्त्र का मिलणे वाले प्रोत्साहन कने ए आस बणाई रखण, कि परमेश्वर ने वादा कित्ते रा है तिसजो तिन्हा ने पूरा करणा।

रोमियों 2:7

जे ठीक कम्मां बिच टिके रेई करी महिमा, इज्जत ते हमेसा री जिन्दगी री खोज बिच हिन, परमेश्वर ने तिन्हा लोक्कां जो हमेसा री जिन्दगी दैणी।

1 कुरुन्थियों 1:7

ते इसी वजह कने पवित्रात्मा ने तुसा जो आत्मिक वरदान दित्ते रे हिन जां हल्ले तुसा मणू मसीह यीशु रे हटणे रा इंतजार करेया करदे हिन।

गलातियों 5:5

किजोकी पवित्रात्मा री वजह कने असी विश्वास कने, आस कित्ते री धार्मिकता री भाल रखदे जे परमेश्वर ने तिन्हा लोक्कां जो दैणे रा वादा कित्ते रा ओ जे तिन्हा पर विश्वास करदे।

गलातियों 6:9

असा जो नेक कम्म करणे तांइ हिम्मत नी छडणी चाएदी, किजोकी जे अगर असी हिम्मत ना छड्डे तां असा ने परमेश्वर रे ठैहराए रे समय पर ईनाम पाणा।

कुलुस्सियों 1:11

मैं प्रार्थना करदा कि परमेश्वर री महिमा री ताकत रे मुताबक, हर किस्मे री ताकत कने मजबूत हुन्दे जाओ, ताकि तुसा बड़े सबर कने ते खुसी-खुसी अपणी हर मुसीबत जो सहन करी लेयो।

1 थिस्सलुनीकियों 1:3

जां असी पिता परमेश्वर का प्रार्थना करदे तां असी तुसा लोक्कां रे विश्वास रे हिसाब रे कम्मां जो, ते विश्वासी लोक्कां तांइ तुसा रे प्यार भरे कम्मां जो, ते मसीह यीशु रे हटणे री आस बिच मुसीबतां रे दौरान तुसा रे सबर रखणे जो भी याद करदे।

1 थिस्सलुनीकियों 2:19

भला असा री आस या खुसी या बड़ाई रा ताज कुण है? असा रे प्रभु यीशु रे हटणे बेल्ले से तुसा ने ही होणा।

1 थिस्सलुनीकियों 3:13

अते इस तरिक्के कने से तुसा सारेयां रे मन जो मजबूत करण, अते पिता परमेश्वर रे सामणे असा रे प्रभु यीशु रे हटणे पर अपणे सब लोक्कां कने पवित्र अते बेकसूर ठैहराई देंन।

इब्रानियों 6:15

ते इस तरिक्के कने अब्राहम ने सबर करी के परमेश्वर रे वादे जो हासिल कित्ता।

याकूब 4:11

ओ संगी विश्वासियों, इक्क दूए री बदनामी मत करेया करो, जे अपणे संगी विश्वासी री बदनामी करदा या तिस पर इल्जाम लादां, तां से मूसा रे कानून री बदनामी करदा ते मूसा रे कानून पर इल्जाम लादां, ते तू मूसा रे कानून पर चलणे वाला नी पर तिस पर हाकिम ठैहरेया।

याकूब 5:10

ओ संगी विश्वासियों, जिन्हा भविष्यद्वक्ता ने प्रभु रे नां कने गल्लां कित्ती, तिन्हेरे दुख चुक्कणे ते सबर रखणे जो इक्क आर्दश समझो।

याकूब 5:3

तुसा रा सोन्ना ते चाँदी रा कोई मोल नी रेया। परमेश्वर रे न्याय करणे रे दिन पर तुसा रे कठेरे रा धन-दौलत ने तुसा रे खिलाफ सबूत होणा ते जिस धन-दौलत जो तुसा कठेरेया तिसने तुसा जो आग्ग सांई मुकाई दैणा।

2 पतरस 3:4

अते तिन्हा लोक्कां ने बोलणा, तिनिये वापिस हटणे रा वादा कित्तेया थिया, पर तिनिये झूठ बोल्लेया थिया। सुरुआत बिच जे मणू असा रे मुखिया थिये, से सारे अवे मरी गेरे हिन, पर हल्ले तिकर किच्‍छ भी नी बदलेया। हर चीज तिय्यां ही होया करदी है जिय्यां तिस बेल्ले हुंदी थी जां परमेश्वर ने दुनिया जो बणाया थिया।