याकूब 5:5 - चम्बयाली नौआ नियम

⁵ तुसा दुनिया रे एशो अराम बिच ही लग्गी रे ते बड़ा ही सुख भोग्गेया। तुसा हमेसा सिर्फ अपणी खुसी तांइ जिये ते तिस्सी तरिक्के कने तांइ अप्पु जो तैयार कित्ता कि प्रभु तुसा जो सजा दैण।

याकूब 5:5 ပူးပေါင်းရင်းမြစ်များ

लूका 16:19

फिरी यीशु ने तिन्हा लोक्कां जो इक्क उदारण दित्तेया, दिख्खो, इक्क मणू थिया ते से बड़ा अमीर थिया। से बडे़ छैल अते मैह्न्गे रे कपड़े पान्दा थिया। ते हर रोज बड़े ऐश-ओ-अराम री जिन्दगी जिन्दा थिया।

लूका 16:25

पर अब्राहम ने बोल्लेया, ओ पुत्तर, चेत्ता कर कि तेरी जिन्दगी जां बड़ी अरामदेह थी, पर लाज़र री जिन्दगी बड़ी दर्दनाक थी। अवे से इत्ते स्वर्ग अन्दर अराम कने रेया करदा है, अते तू नरक अन्दर अपणे हिस्से दा दुख सेह्या करदा है,

रोमियों 13:13

असा जो रौसनी बिच रैह्णे वाले लोक्कां सांई अपणे चालचलन जो खरा बणाई करी रखणा चाएदा। पर न्याहरे बिच रैह्णे वाले लोक्कां सांई मतवाल्ले, पियक्कड़, रंगरेलियां, व्यभिचारी करणे वाले, अश्लील, झगड़े करणे वाले ते हिर्स करणे वाले ना बणे।

1 तीमुथियुस 5:6

पर जे विधवा जनानियां अपणा पूरा वक्त ऐश-मस्ति बिच कडदी से शरीरी तौर पर ता जिंदी है पर आत्मिक तौर पर मरी चुके री है।

2 तीमुथियुस 3:4

धोखेबाज, ढीठ, अकड़बाज, ते परमेश्वर रे का जादा शरीरी सुख जो चाह्‍णे वाले मणू होणे।

2 पतरस 2:13

तिन्हा ने जिन्ना नुक्सान कित्ते रा है, तिस तांइ तिन्हेरा ईनाम सिर्फ बर्बादी है। तिन्हा जो सरे-आम अपणी बुरी इच्छा जो पूरा करणा छैल लगदा। चाए से तुसा कने संगती बिच बेई करी रोट्टी ही किजो ना खाया करदे होण, तां भी तिन्हा जो धोख्खा दैणा पसंद है।

यहूदा 1:12

ए मणू तुसा री मण्डली बिच प्रभु रे प्यार री यादगारी री धाम बिच शामिल हुंदे। से मणू तुसा तांइ इदेय खतरनाक हिन जिय्यां कि समुंद्र बिच लुके री टोल जहाज तांइ हुंदी जिन्हेरी वजह कने जहाज डूब्बी जांदा। से मणू बेशर्म पुहालां सांई हिन जे सिर्फ अपणी ही परवाह करदे। से इदेय बदलां सांई हिन जे हवा कने इत्ते-उत्ते उड़दे पर तिन्हा का कोई बरखा नी हुंदी। से इदेय बूट्टेयां सांई हिन जिन्हा बिच फल्ल नी लगदा ते से जड़ का ही पुट्टी दित्ते गेरे हिन, ते जिन्हेरी दोहरी मौत होए री हो।

प्रकाशित वाक्य 18:7

तिसने अपणी जिन्नी जादा अराम ते घमंड बिच बिताई, तिसका तिसेरे ही बराबर जुल्म सैह्‍ण कराओ। तिनिये अप्पु जो बोल्लेया, “मैं लोक्कां पर राणी सांई राज करणा। मैं कोई विधवा नी है, ते मेरे जो कोई दुख नी होणा।