याकूब 4:8 - चम्बयाली नौआ नियम

⁸ परमेश्वर रे नेड़े आओ तां तिन्हा ने भी तुसा रे नेड़े आणा। ओ पापियों, अपणे जिन्दगी का पाप दुर करो, ते ओ दोगले लोक्कों अपणे दिल जो पवित्र करो।

याकूब 4:8 ပူးပေါင်းရင်းမြစ်များ

मत्ती 12:33

जे अगर इक्क बूट्टा खरा है तां तिसेरा फल्ल भी खरा ही होणा, पर जे अगर इक्क बूट्टा खराब है तां तिसेरा फल्ल भी खराब ही होणा, किजोकी बूट्टा अपणे फलां कने पछाणेया जांदा।

मत्ती 15:2

तेरे चेल्‍ले बुजुर्ग मणू रे रीवाजां जो किजो नी मन्दे? से रोट्टी खाणे का पैह्ल्ले हात्थ-पैर किजो नी धोन्दे?

मत्ती 27:24

जां पिलातुस ने दिख्खेया कि किच्‍छ भी नी बणेया करदा है पर तिसेरे उलट हगांमा बदेया जाया करदा है तां तिनिये पाणी लेई करी भीड़ रे सामणे अपणे हत्थ धोए ते बोल्लेया मैं इस धार्मिक रे खून का बेगुनाह है तुसा ही जाणो।

प्रेरितां रे कम्म 15:9

ते विश्वास रे जरिए तिन्हेरे मन सुच्चे करी के असा बिच ते तिन्हेरे बिच कोई भेद-भाव रख्खेया

2 कुरुन्थियों 7:1

अते ओ प्यारे संगी विश्वासियों, जां परमेश्वर ने असा कने ए वादा कित्ते रा है कि तिन्हा ने असा जो अपणे बच्चेयां रे रुप बिच अपणाई लैणा, इधेरे तांइ, आओ असी हर तरिक्के री बुराई जो छड्डी दैण, ते इक्क पवित्र जिन्दगी जीणे री कोसीस करदे रैह्ण।

1 तीमुथियुस 2:8

मैं चाह्‍ंदा कि हर प्रार्थना सभा बिच पवित्र जिन्दगी जीणे वाले मर्द हत्थां जो चुक्की करी बगैर कुसकी गुस्से ते बैह्सबाजी रे प्रार्थना करेया करे।

इब्रानियों 10:22

इधेरे तांइ, असा जो सच्चे मन ते मसीह बिच पूरे विश्वास रख्खी करी, परमेश्वर का जाणा चाएदा। ए मसीह ही हिन, जिन्हा ने असा जो पाप्पां का बचाया ते असा जो साफ कित्ते रा है, किजोकी असा रे विवेक पर मसीह यीशु रे खून रा छिड़काव कित्तेया, जिय्यां तिन्हा ने असा रे सरीर जो पाणी कने साफ कित्तेया।

इब्रानियों 7:19

किजोकी मूसा रा कानून कुसकी जो भी सिद्व नी बणाई सकेया, पर तिस्सी समय पर, असा जो तिसका जादा ठीक आस दित्ती गयी, जे असा जो परमेश्वर रे करीब लै जाई सकदा।

याकूब 1:8

से मणू दोगला है, ते अपणी कुसकी भी गल्ल पर नी टिकदा।

याकूब 3:17

पर परमेश्वर रे पास्से का मिलणे वाला ज्ञान सबका पैल्ले तां से पवित्र हुन्दा, फिरी मिलनसार, भद्र, दया कने भरितेरा अते ठीक कम्मां कने लद्दितेरा, अते बगैर भेद-भाव रे ते सच्चा भी हुन्दा।

1 पतरस 1:22

सच्चाई जो मन्नी करी चलणे री वजह कने अवे तुसा सुच्चे कित्ते गे, अवे तुसा जो तन-मन लाई करी संगी विश्वासियां कने आपसी प्यार रखणा चाएदा। बड़ी चाह्‍त ते पूरे दिल कने इक्क-दूए कने प्यार रख्खो।

1 पतरस 3:21

पुराणे जमान्ने बिच तिन्हेरा छुटकारा अवे अज्ज रे जमान्ने बिच तिस छुटकारे रा उदारण है जे असा जो बपतिस्मा लैणे रे जरिये मिलदा। जिस पाणी बिच असी बपतिस्मा लिंदे से सरीर री गंदगी जो दुर नी करदा, पर ए इस गल्ल री निशानी है कि असा ने परमेश्वर का अपणे पाप्पां री माफी मंगे री है, ते असा रे मन तिन्हा पाप्पां री वजह कने अवे परेशान नी हिन। असा जो अवे असा रे पाप्पां का माफी मिल्ली सकदी किजोकी मसीह यीशु मुर्देयां बिच का फिरी जिन्दा होई गेरे हिन,

1 यूहन्ना 3:3

हर कोई जे मसीह पर इदेयी आस रखदा, से अप्पु जो तिय्यां ही पवित्र रखदा, जिय्यां मसीह यीशु पवित्र है।