याकूब 4:7 - चम्बयाली नौआ नियम

⁷ इधेरे तांइ परमेश्वर रे अधीन होई जाओ। शैतान रे खिलाफ रेयो, ते तिनिये तुसा रे सामणे का नह्सी जाणा।

याकूब 4:7 ပူးပေါင်းရင်းမြစ်များ

मत्ती 11:29

मेरा जुंगल अपणे उप्पर लेई लेयो, अते मेरे का सिख्खो किजोकी मैं सांत अते मन का दीन है: अते तुसा जो अपणी आत्‍मा बिच अराम मिलणा।

प्रेरितां रे कम्म 26:19

इधेरे तांइ ओ राजा अग्रिप्पा, मैं तिस स्वर्ग रे दर्शन जो मन्नेया,

प्रेरितां रे कम्म 9:6

पर अवे उठी करी कस्बे बिच जा, अते जे तेरे जो करणा है से तेरे जो दस्सी दित्तेया जाणा,

रोमियों 10:3

किजोकी से परमेश्वर रे धार्मिक ठैहराणे रे तरिक्के जो नी समजदे। से परमेश्वर रे तरिक्के जो छड्डी करी, अपणे तरिक्के कने धार्मिक ठैहरणा चाह्‍ंदे, इधेरे तांइ से परमेश्वर री धार्मिक बणाणे रे तरिक्के जो मनणा नी चाह्‍ंदे थिये।

रोमियों 14:11

किजोकी पवित्रशास्त्र बिच, “प्रभु बोलदे कि मैं अपणी जिन्दगी री कसम खाई करी बोलदा, कि हर इक्क मणू ने मेरे सामणे अपणे गोड्डे टेकणे, ते हर इक्क मणू ने अपणी जुबान कने मन्नी लैणा कि मैं परमेश्वर है।”

इफिसियों 4:27

ते शैतान जो मौक्का मत दिंदे कि से तुसा जो धोख्खा देई सको।

इफिसियों 5:21

मसीह यीशु रा आदरमान करणे तांइ इक्क-दूए रे अधीन रेया करो।

इब्रानियों 12:9

जां असा रे दुनियावी पिता, असा जो सुधारणे तांइ असा जो बकदे, तां असी तिन्हेरा आदरमान कित्तेया, तां फिरी ए होर भी जादा जरुरी है कि जां असा रे आत्मिक पिता असा जो सुधारणे तांइ बकदे, तां असी तिन्हेरी मन्ने, ताकि असा जो हमेसा री जिन्दगी मिल्ले।

1 पतरस 2:13

प्रभु चाह्‍ंदे कि तुसा अपणे अधिकारियां रे कहे मुताबिक चलो, खासतौर पर मुख्य अधिकारी रे, जे सारेयां पर राज करदा।

1 पतरस 5:6

इधेरे तांइ अप्पु जो परमेश्वर रे सामणे निम्ता बणाओ जे तुसा जो बचाणे तांइ ताकतवर हिन ताकि से तुसा जो सही समय पर बड़ा आदरमान दैण।