याकूब 4:5 - चम्बयाली नौआ नियम

⁵ तुसा जो ए समझणा चाएदा की परमेश्वर पवित्रशास्त्र बिच ए बोलदे, “जिस आत्‍मा जो परमेश्वर ने असा रे अन्दर बसाए रा है, से हिर्स नी करदा जे अगर असी परमेश्वर रे अलावा असी होर कुसकी कने प्यार रखदे।”

याकूब 4:5 ပူးပေါင်းရင်းမြစ်များ

यूहन्ना 10:35

जे अगर तिन्हा जो परमेश्वर बोल्लेया जिन्हेरे का परमेश्वर रा वचन पूज्जेया (ते पवित्रशास्त्र री गल्ल झूठ नी होई सकदी),

यूहन्ना 19:37

फिर पवित्रशास्त्र री इक्क होर हिस्से बिच लिख्खे रा है, जिस जो तिन्हा ने बरछे कने बेधेया, तिन्हा तिसजो तकणा।

यूहन्ना 7:42

कै पवित्रशास्त्र बिच ए नी लिख्खे रा है कि मसीह ने दाऊद रे ‍खानदान, ते बैतलहम ग्रां का आणा, जित्ते दाऊद रैह्‍ंदा थिया?

प्रेरितां रे कम्म 7:9

कुलपतियां ने तिन्हेरे भ्याल यूसुफ का हिर्स करी के तिसजो मिस्र देस जाणे वालेया जो बेच्ची दित्ता पर परमेश्वर तिसेरे कने थिये।

रोमियों 1:29

इस तांइ से हर तरह रे अधर्म, ते दुष्टता, ते लालच, ते नफरत कने भरी गे। ते जलन, ते खून, ते झगड़े, ते धोखा, ते हिर्स कने भरी गे, ते चुगलखोर,

रोमियों 9:17

किजोकी पवित्रशास्त्र बिच परमेश्वर ने मिस्र रे फिरौन जो बोल्लेया थिया, “मैं तिज्जो इधेरे तांइ राज्जा बणाया थिया, ताकि मैं तेरे जरिये अपणी ताकत दिखाई सकां, ते मेरे नां रा प्रचार सारी दुनिया बिच हो।”

1 कुरुन्थियों 6:19

तुसा जो पता ही है कि तुसा रा सरीर इक्क मन्दिर सांई है, जिस बिच पवित्रात्मा वास करदा जे तुसा जो परमेश्वर रे पास्से का मिल्ले रा है, ते तुसा रा अप्पु पर कोई हक नी है किजोकी तुसा परमेश्वर रे हिन।

2 कुरुन्थियों 6:16

ते मूर्तां कने परमेश्वर रे मन्दिर रा कोई रिस्ता नी। किजोकी असी ता जिन्दे परमेश्वर रे मन्दिर हिन, जिय्यां परमेश्वर ने बोल्ले रा है, “मैं तिन्हा लोक्कां बिच बसणा ते तिन्हा बिच चलणा-फिरणा, मैं तिन्हेरा परमेश्वर होण ते से मेरे मणू होणे।”

गलातियों 3:8

ते ए बड़े पैल्ले का ही पवित्रशास्त्र बिच लिख्खेया गेया थिया कि परमेश्वर ने गैर यहूदियां जो तिन्हा बिच विश्वास करणे रे जरिये धार्मिक ठैहराणा। इधेरे तांइ पवित्रशास्त्र बिच परमेश्वर ने ए बड़े पैल्ले ही ए सुब बसेख अब्राहम जो दस्सी दित्ती थी, “तेरे जरिये मैं मेरे पर विश्वास करणे वाली सारी जातियां रे लोक्कां जो आशीष दैणी।”

तीतुस 3:3

किजोकी मसीह यीशु बिच विश्वास करणे का पैल्ले असी भी नासमझ, परमेश्वर री गल्ल ना मनणे वाले, ते भरम बिच पेय रे ते हर तरिक्के री बुरी इच्छा ते सुख वलास री गुलामी बिच थिये, ते दूज्जेयां कने नफरत करणे ते हिर्स रखणे बिच जिन्दगी बितादें थिये, ते मणू असा कने नफरत करदे थिये ते असी इक्क दूए कने दुश्मणी रखदे थिये।