याकूब 4:1 - चम्बयाली नौआ नियम

¹ तुसा बिच लड़ाई-झगड़े सिर्फ तिन्हा एशो-अराम री वजह कने आई गेरे हिन जे तुसा रे बिच लड़दे-भिड़दे रैहन्दे।

याकूब 4:1 ပူးပေါင်းရင်းမြစ်များ

मत्ती 15:19

किजोकी बुरी गल्लां, खून करणा, बगैर ब्याहतिरी जनानी कने व्यभिचार, पराई जनानी नाजायज़ रिस्ता, व्यभिचार, चोरी, झूठ्ठी गुवाई, बेजती करणा जदेई बुराईयां दिल का ही निकलदी।

यूहन्ना 8:44

तुसा अपणे प्यो शैतान रे पास्से का हिन ते अपणे प्यो री मर्जी जो पूरा करणा चांह्दे, से ता हमेसा का ही खून्नी है, तिसेरा सच्चाई कने कोई लैणा-दैणा नी है, किजोकी सच्चाई तिस बिच है ही नी। जां से झूठ बोलदा, तां अपणी आदत कने ही बोलदा किजोकी से झूठ्ठा है, बल्कि झूठ रा प्यो है।

रोमियों 7:23

पर मेरे सरीर रे हर हिस्से बिच इक्क इदेइ कानून मिलदा जे मेरे दिल कने परमेश्वर रे कानून रे खिलाफ लड़ेया करदी है, ते ए मेरे जो पाप रे स्वभाव रा गुलाम बणाई रखदा जे हल्ले भी मेरे अंदर है, ते तिस हर इक्क कम्म जो काबू करदा, जे मैं करदा।

रोमियों 7:5

किजोकी जां असी अपणे पाप करणे रे स्वभाव रे काबू बिच थिये, तां असा री पाप करणे रे स्वभाव, असा बिच कम्म करेया करदा थिया, ते कानूनां ने तिसजो होर बढ़ावा दित्ता ते तिस कने इदेय कम्म होए, जिसेरा नतीज्जा मौत हुंदा।

रोमियों 8:7

किजोकी पाप रे स्वभाव रे काबू बिच रैह्णा ता परमेश्वर कने दुश्मणी रखणा है, किजोकी पाप रा स्वभाव ना परमेश्वर रे कानून रे हेठ है, ते ना ही होई सकदा।

गलातियों 5:17

किजोकी सरीर रे बुरे कम्म से कम्म हिन जे पवित्रात्मा नी चाह्‍ंदा कि असी करे। ते तिय्यां ही जे कम्म पवित्रात्मा असा का चाह्‍ंदे, सरीर री बुरी इच्छा से कम्म बिल्कुल भी नी चाह्‍ंदी, किजोकी ए दोन्नों इक्क-दूए रे दुश्मण हिन। इधेरे तांइ तुसा हमेसा से कम्म नी करी सकदे जे तुसा करणा चाह्‍ंदे।

कुलुस्सियों 3:5

इधेरे तांइ तुसा अप्पु जो अपणे पुराणे पापी स्वभाव रे काबू बिच मत पैणा देयो। मतलब कि, व्यभिचार, भिठ्ठे काम्म, बुरी तमन्‍ना, ते लालच जे मूर्ति पूजा करणे रे बराबर है।

2 तीमुथियुस 2:23

पर बेकार री गल्लां रे बारे बिच बैह्सबाजी करणे का दुर रेयो, किजोकी तू जाणदा तिन्हेरा नतीज्जा सिर्फ लड़ाई-झगड़ा ही हुंदा।

तीतुस 3:3

किजोकी मसीह यीशु बिच विश्वास करणे का पैल्ले असी भी नासमझ, परमेश्वर री गल्ल ना मनणे वाले, ते भरम बिच पेय रे ते हर तरिक्के री बुरी इच्छा ते सुख वलास री गुलामी बिच थिये, ते दूज्जेयां कने नफरत करणे ते हिर्स रखणे बिच जिन्दगी बितादें थिये, ते मणू असा कने नफरत करदे थिये ते असी इक्क दूए कने दुश्मणी रखदे थिये।

तीतुस 3:9

पर तुसा तिन्हा फालतू री बैह्सबाजी ते लड़ाई-झगड़े का दुर रेयो जे पूरखां ते मूसा रे कानून रे बारे बिच हुंदे। किजोकी से बेकार ते कुसकी भी फायदे री नी हिन।

याकूब 1:14

पर हर इक्क मणू अपणी ही बुरे कम्म करणे री इच्छा बिच फसी करी परखेया जांदा।

याकूब 4:3

हांलाकी तुसा परमेश्वर का मगंदे पर फिरी भी तुसा जो नी मिलदा किजोकी बुरी नीत कने मगंदे ताकि अपणे एशो-अराम बिच उड़ाई देयो।

1 पतरस 1:14

परमेश्वर रे हुकमां जो इस तरिक्के कने मन्नेया करो जिय्यां अच्छे बच्चे अपणे प्यो रे हुकमां जो मनदे। तिन्हा बुराई रे कम्मां जो करणे री चाह्‍त मत रख्खो जे तुसा तिस बेल्ले करणा चाह्‍ंदे थिये जां तुसा परमेश्वर जो नी जाणदे थिये।

1 पतरस 2:11

प्यारे विश्वासियों, तुसा इस दुनिया बिच इक्क अजनबी सांई रेया करदे हिन। मैं तुसा जो चितौणी देया करदा है कि तुसा सरीर री बुरी इच्छां का दुर रेयो किजोकी से तुसा री आत्‍मा रे खिलाफ लड़दी।

2 पतरस 2:18

जां से लोक्कां जो सिखाणा लगदे, तां से बेकार ते घमंड कने भरपूर शब्दां रा इस्तेमाल करदे। से लोक्कां जो ए सिखांदे कि से अपणे सरीर री बेशर्मी भरी इच्छां जो पूरा करी सकदे। ते से लोक्कां जो पाप री से ही चीजां करणे बिच दुबारा भटकाई दिंदे जिस जो करणा तिन्हा ने हाल ही बिच छड्डे रा हुंदा।

2 पतरस 3:3

खासतौर पर तुसा इस गल्ल जो याद रख्खो कि आखरी दिनां बिच जां मसीह यीशु ने हटणा, किच्‍छ इदेय मणू होणे जिन्हा ने तुसा रा मजाक उडाणा किजोकी तुसा ए विश्वास करदे कि मसीह ने वापिस हटणा। तिन्हा ने अपणी आदतां रे हिसाब कने ही जीणा जिस कने से खुस हुंदे।