याकूब 3:9 - चम्बयाली नौआ नियम

⁹ जिब्ब कने अपणे प्रभु अते पिता परमेश्वर री बड़ाई करदे अते इस्सी कने मणूआं जो जे परमेश्वर रे रुप बिच बणाये गे हिन, कोसदे भी हिन।

याकूब 3:9 ပူးပေါင်းရင်းမြစ်များ

मत्ती 26:74

तां से धिक्कारणे ते कसमां खाणां लग्गेया: मैं तिस मणू जो नी जाणदा। ते तिसी बेल्ले मुर्गे ने बांग मारी।

मत्ती 5:44

पर मैं तुसा जो बोलदा, अपणे दुश्मणा कने प्यार करो अते जे तुसा जो तंग करदे, तिन्हा तांइ प्रार्थना करो।

प्रेरितां रे कम्म 2:26

इसी वजह कने मेरा मन खुस होया ते मेरी जिब्ब मगन होई बल्कि मेरा सरीर भी आस बिच बणी रैह्णा।

रोमियों 3:14

तिन्हेरा गल्लां लाणतां ते कड़वाट कने भरे री है।

1 कुरुन्थियों 11:7

आदमी रा अपणा सिर ढकणा ठीक नी, किजोकी परमेश्वर ने आदमी जो अपणी स्वरूप बिच बणाए रा है ते तिसजो अपणे जदेया स्वभाव भी दित्ते रा है, ते इसी तरिक्के कने से परमेश्वर री महिमा जो दर्शांदा है, पर जनानी आदमी री महिमा जो दर्शांदी।

इफिसियों 1:3

असा रे परमेश्वर ते यीशु मसीह रे पिता री महिमा हो किजोकी तिन्हा ने असा जो मसीह यीशु कने रिस्ता होणे री वजह कने स्वर्ग का हर तरिक्के री आत्मिक आशीषां दित्ती।

याकूब 1:27

असा रे परमेश्वर पिता री नजर बिच सच्ची ते सुच्ची भक्ति ए है कि अनाथ ते विधवा रे दुख बिच तिन्हेरा ख्याल रखणा, ते अप्पु दुनिया रे बुरे कम्मां का दुर रैह्ण जे तुसा जो बिगाड़दे।

याकूब 3:10

इक्क ही मुँह का शुक्रिया करदे ते श्राप भी दिंदे पर ओ मेरे संगी विश्वासियों, इदेया तां नी होणा चाएदा।

1 पतरस 1:3

असा रे प्रभु मसीह यीशु रे पिता ते परमेश्वर रा शुक्रिया हो। असा पर तिन्हेरी दया री वजह कने तिन्हा ने मसीह यीशु जो मरे रे लोक्कां बिच का फिरी जिन्दा करी के असा जो इक्क नौई जिन्दगी दित्ती, ते तिन्हा ने असा जो बड़े हौंसले कने जीणे रे जोग्गे बणाया, इसेरा मतलब ए है कि असी तिन्हा सारी चीजां जो पाणे री आस रख्खी सकदे जिस जो दैणे रा वादा परमेश्वर ने असा ने कित्ते रा है।