याकूब 3:2 - चम्बयाली नौआ नियम

² मैं तुसा जो समजाया करदा है कि असा सारेयां का गलतियां हुंदी रैहन्दी पर जे अगर कोई मणू बोलणे बिच कदी कोई गलती ना करो तां से पूरा सही मणू है ते से अप्पु जो पूरा काबू भी करी सकदा।

याकूब 3:2 ပူးပေါင်းရင်းမြစ်များ

मत्ती 12:34

तुसा जहरिल्ले कीड़े रे बच्चेयां सांई हिन! जे तुसा बुरे ही हिन तां ठीक गल्लां किय्यां करी सकदे हिन? किजोकी जे तिसेरे मन बिच है सेह्ई मुँह पर आंदा।

मत्ती 12:37

तुसा री गल्लां रे हिसाब कने ही परमेश्वर ने तुसा जो सही या गलत साबित करणा।

रोमियों 3:10

जिय्यां कि पवित्रशास्त्र बिच लिख्खे रा है, “कोई भी मणू परमेश्वर रे सामणे धार्मिक नी है, इक्क भी नी।

रोमियों 7:21

मैं जिन्दगी रे इस सिद्वांत जो समजे रा है कि जां मैं ठीक कम्म करणा चाह्‍ंदा, तां मेरे का बुरे ही कम्म हुंदे।

1 कुरुन्थियों 9:27

मैं अपणे सरीर जो कड़े अभ्यास कने काबू बिच रखदा ताकि मैं बुरी इच्छां जो अपणे वस बिच रख्खी सकां। कुते इय्यां ना हो कि मैं जे दूज्जेयां जो प्रचार करेया करदा है, अप्पु ही परमेश्वर का प्रतिफल ना पां।

गलातियों 3:22

पर पवित्रशास्त्र ए दसदा कि असी सारे पाप रे वस बिच हिन, ताकि तिस वजह कने से वादा मसीह यीशु पर विश्वास करणे वाले तिन्हा लोक्कां जो मिल्ले जिन्हा कने परमेश्वर ने वाचा बन्नी थी।

गलातियों 5:17

किजोकी सरीर रे बुरे कम्म से कम्म हिन जे पवित्रात्मा नी चाह्‍ंदा कि असी करे। ते तिय्यां ही जे कम्म पवित्रात्मा असा का चाह्‍ंदे, सरीर री बुरी इच्छा से कम्म बिल्कुल भी नी चाह्‍ंदी, किजोकी ए दोन्नों इक्क-दूए रे दुश्मण हिन। इधेरे तांइ तुसा हमेसा से कम्म नी करी सकदे जे तुसा करणा चाह्‍ंदे।

कुलुस्सियों 1:28

असी मसीह रा प्रचार करदे, ते परमेश्वर रे असा जो दित्ते रे सारे ज्ञान कने हर मणू जो सिखांदे ते चितौणी दिंदे, ताकि जां हर इक्क जणा जां परमेश्वर रा सामणे खड़िये तां से सारे परिपक्व विश्वासी बणी जाण।

कुलुस्सियों 4:12

इपफ्रास भी जे तुसा रे ही सहर का है। ते से मसीह यीशु रा दास है, तुसा जो प्रणाम बोल्लेया करदा है। से बड़ी लगन कने तुसा तांइ प्रार्थना करदा रैहन्दा ताकि तुसा मसीह यीशु बिच विश्वास करणे बिच मजबूत होई करी, सिद्व होई करी ते पक्के तौर पर पूरे विश्वास कने परमेश्वर री मर्जी जो पूरा करो।

इब्रानियों 13:21

ते परमेश्वर प्रभु यीशु मसीह री ताकत कने तुसा बिच से हर इक्क ठीक चीज पैदा करे, जिस कने से खुस हुंदे, जिस कने तिन्हेरी महिमा हमेसा-हमेसा तिकर हुंदी रेयो। आमीन।

याकूब 1:26

जे अगर कोई अप्पु जो परमेश्वर रे भक्त समजे, ते अपणी जिब्ब पर लगाम ना लाए, अपणे दिल जो धोखा दे, तां तिसेरी भक्ति फिजुल है।

याकूब 1:4

तुसा जो हर परिक्षा बिच सबर रखणा सिखणा चाएदा, ताकि तुसा आत्मिक रुप कने परिपक्व ते सिद्व होई जाओ ते अग्गे जो तुसा रे स्वभाव बिच कुसकी गल्ल री घटी ना रे।

याकूब 2:10

किजोकी जे कोई मूसा रे कानून रे इक्क भी हुकम जो मनणे बिच चुकी जाए तां से सारी हुकमां बिच गुनेह्गार ठैहरदा।

1 पतरस 3:10

किजोकी पवित्रशास्त्र बिच लिख्खे रा है, “जे अगर कोई मणू अपणी जिन्दगी रा आनंद लैणा चाह्‍ंदा, ते बदिया दिन दिखणा चाह्‍ंदा, तां से चुकन्ना रे कि कोई गलत गल्ल ना बोल्ले। ते ओ मणू तैसी गल्लां बोलणा छड्डी दे जे सच्ची नी हिन।

1 पतरस 5:10

परमेश्वर जे पूरे तरिक्के कने अनुग्रह कने भरित्ते रे हिन, तिन्हा ने असा रा मसीह कने रिस्ता होणे री वजह कने अपणी हमेसा तिकर रैह्णी वाली महिमा बिच हिस्सेदार बणने तांइ सद्दे रा है। तुसा रे थोड़े समय तिकर जुल्म सैह्णे का बाद परमेश्वर ने तुसा जो खरा मणू बनाणा ताकि तुसा बिच कोई खोट ना रे ते तिन्हा ने तुसा रे दिल जो मजबूत बनाणा ताकि तुसा तिन्हा बिच विश्वास करणे बिच मजबूत बणो।