याकूब 3:16 - चम्बयाली नौआ नियम

¹⁶ जित्ते हिर्स अते मलतबीपन हुन्दा, तित्ते बखेड़े ते हर तरह री बुराई भी हुंदी।

याकूब 3:16 ပူးပေါင်းရင်းမြစ်များ

मरकुस 3:25

ते जे अगर कुसकी घर रे लोक्कां बिच फूट पेई जाओ तां से घर किय्यां टिकी सकदा?

प्रेरितां रे कम्म 19:29

ते होर लोक्कां ने सारे सहर बिच बड़ी कहला रा शोर सुणी करी तिस भीड़ बिच मिली गे ते गयुस ते अरिस्तर्खुस मकिदुनिया प्रदेश जो, जे कि पौलुस रे कने सफर करेया करदे थिये पकड़ी लेया ते तिन्हा जो रंगशाला बिच लेई गे।

रोमियों 2:8

पर जे मणू मतलबी हिन ते सच्चाई जो नी मनदे, पर बुरे कम्म करणा चाह्‍ंदे, तिन्हा पर परमेश्वर रा गुस्सा ते कहर भड़कणा।

1 कुरुन्थियों 14:33

किजोकी परमेश्वर गड़बड़ी रा नी पर एकता ते सांती रा परमेश्वर है। ते ए तरिक्का परमेश्वर रे लोक्कां री सारी कलीसिया बिच मन्नेया जांदा,

1 कुरुन्थियों 3:3

किजोकी हल्ले तांइ तुसा इस दुनिया रे अविश्वासी लोक्कां सांई हिन। तुसा रे बिच हिर्स अते झगड़ा है, इस कने साबित हुंदा कि तुसा इस दुनिया रे दूए लोक्कां सांई हिन ते तिय्यां ही बरताव करदे।

2 कुरुन्थियों 12:20

किजोकी मेरे जो डर है, कि कुते इय्यां ना होई जाए कि जां मैं तुसा का आं, तां जदेया मैं चाह्‍ंदा, तुसा तदेय ना होण, ते तुसा भी मेरे जो तदेया ना पाओ जदेया तुसा मेरे जो चाह्‍ंदे। ते मेरे जो डर है कि तिसेरी वजह कने तुसा बिच लड़ाई, हिरस, गुस्सा, विरोध, मतलबीपन, चुगली, घमण्ड, धोखा-धड़ी ते बखेड़े होई जाणे।

गलातियों 5:20

मूर्तां री पूजा करणा, जादू-टोणा करणा, दुश्मणी रखणा, लड़ाई-झगड़े करणा, हिरस, लैह्र, मतलबीपन, दूज्जे रे खिलाफ सोच, फूट पाणा, गुटबंदी करणा,

याकूब 3:14

पर जे अगर तुसा रे मन बिच बड़ा हिरस अते मतलबीपन है, तां तुसा झूठ बोल्ली करी इस सच्चाई पर पर्दा पाया करदे हिन कि तुसा समजदार नी हिन।

1 यूहन्ना 3:12

असा जो आदम रे पुत्तर कैन सांई नी बणना जे उस शैतान रे पास्से का थिया, ते जिनिए अपणे भ्याल जो मारी रख्खेया, तिसने अपणे भ्याल जो भला किजो मारेया? तिसने इधेरे तांइ इदेया कित्तेया कि तिसेरे कम्म बुरे थिये अते तिसेरे भ्याल रे कम्म धार्मिक थिये।