याकूब 2:9 - चम्बयाली नौआ नियम

⁹ ते जे अगर तुसा इक्क-दूए कने दूज करदे तां पाप करदे; ते मूसा रे कानून तुसा जो गुनेह्गार ठेहरांदा।

याकूब 2:9 ပူးပေါင်းရင်းမြစ်များ

यूहन्ना 16:8

अते जां पवित्रात्मा ने तुसा का आणा, तां तिन्हा ने पाप, परमेश्वर री धार्मिकता ते तिन्हेरे हिसाब-किताब रे बारे बिच दुनिया रे लोक्कां जो सच दसणा।

यूहन्ना 8:46

तुसा बिच कुण मेरे जो पाप्पी ठैहरादां? जां मैं सच बोलदा तां तुसा मेरा विश्वास किजो नी करदे?

यूहन्ना 8:9

ए जाणदे होए कि से सारे ही पाप्पी हिन, इक्क-इक्क करी के, छोटे का लेई करी बड्डे तिकर सारे तिस जगाह् का चली गे, ते यीशु ते से जनानी तिस जगाह् पर किल्ले रेई गे।

प्रेरितां रे कम्म 10:34

तां पतरस ने बोल्लेया, अवे मेरे जो पक्का होई गेया कि परमेश्वर कुसकी कने भी भेदभाव नी करदा

रोमियों 3:20

किजोकी मूसा रे कानून जो मनणे कने कुसकी भी मणू ने परमेश्वर रे सामणे धार्मिक नी ठैहरणा, किजोकी मूसा रे कानून री वजह कने ए पता चलदा हुंदा कि असा ने पाप कित्ते रा है।

1 कुरुन्थियों 14:24

पर जे अगर सारे विश्वासी भविष्यवाणी करदे होण ते कोई बाहर वाला मणू या मसीह बिच विश्वास ना करणे वाला मणू तित्ते आई जाए तां तुसा री बोल्ले री गल्लां री वजह कने तिन्हा जो एहसास होई जाणा कि से मणू पाप्पी हिन ते तिन्हा ने अपणी जिन्दगी जीणे रा तरिक्का बदली लैणा।

गलातियों 2:19

मैं ए गल्ल समजदा कि मैं मूसा रे कानून जो मनणे कने धार्मिक नी ठैहरी सकदा। तां मैं ए समजदा कि मैं मूसा रे कानून तांइ मरी गेया ताकि मैं परमेश्वर तांइ जियां।

1 यूहन्ना 3:4

जे कोई पाप करदा रैहन्दा, से परमेश्वर रे नियम जो तोड़दा। किजोकी हर तरिक्के रा पाप परमेश्वर रे नियम खिलाफ है।