याकूब 2:8 - चम्बयाली नौआ नियम

⁸ तां भी जे अगर तुसा पवित्रशास्त्र रे इस खास हुकम जो मनदे “तू अपणे पड़ोसी कने अप्पु सांई प्यार रख,” तां ठीक करदे।

याकूब 2:8 ပူးပေါင်းရင်းမြစ်များ

मत्ती 22:39

ते तिसी सांई ए दुआ हुकम भी है कि अपणे पड़ोसी कने अप्पु सांई प्यार रख।

मत्ती 25:21

तिसेरे मालक ने तिसजो बोल्लेया, शाबास, तू विश्वास रे लायक खरा नौक्कर है, तू थोड़े तोड़ेयां बिच भी विश्वास रे लायक रेया, मैं तिज्जो बड़ी चीजां पर हक दैणा।

मत्ती 25:23

तिसेरे मालक ने तिसजो बोल्लेया, शाबास, तू विश्वास रे लायक खरा नौक्कर है, तू थोड़े तोड़ेयां बिच भी विश्वास रे लायक रेया, मैं तिज्जो बड़ी चीजां पर हक दैणा। अपणे मालक री खुसी बिच शामिल होई जा।

मत्ती 7:12

“इधेरे तांइ जिय्यां तुसा चाह्‍ंदे कि मणू तुसा कने करण, तुसा भी तिन्हा कने तिय्यां ही करो किजोकी परमेश्वर रे कानून अते भविष्यद्वक्ता री गल्लां रा ए ही मतलब है।”

रोमियों 13:10

प्यार पड़ोसी री कोई बुराई नी करदा, इधेरे तांइ जे अगर असी प्यार करदे तां असी मूसा रे कानूनां जो पूरा करदे।

गलातियों 5:14

किजोकी मूसा रा पूरा कानून वस इक्क ही हुकम बिच पूरा होई जांदा कि “तू अपणे गुआडीं कने अप्पु सांई प्यार रख।”

गलातियों 6:2

तुसा मुसीबत बिच इक्क-दूए री मदद करेया करो ते इसी तरिक्के कने तुसा मसीह रे हुकमां जो पूरा करो।

फिलिप्पियों 4:14

तां भी तुसा मेरी मुसीबत बिच मेरे जो दान देई करी मेरी मदद कित्ती, तुसा ने खरा कित्तेया।

1 थिस्सलुनीकियों 4:9

पर मेरे जो चीठ्ठी लिख्खी करी तुसा जो संगी विश्वासियां कने प्यार रखणे तांइ दसणे री जरुरत नी है, किजोकी से तुसा अप्पु परमेश्वर का सिख्खे रा है।

याकूब 1:25

पर जे मणू तिस व्यवस्था पर ध्यान करदा रैहन्दा जे अजादी दिंदी, तिस मणू जो अपणे कम्मां बिच इधेरे तांइ आशीष मिलणी किजोकी से सुणी करी भूलदा नी, पर तिसजो पूरे मन कने मनदा।

याकूब 2:12

तुसा अपणा चालचलन तिन्हा लोक्कां सांई रख्खो करो जिन्हेरा न्याय तिस कानून रे हिसाब कने होणा जे असा जो अजादी दिंदी।

याकूब 2:19

तिज्जो विश्वास है कि परमेश्वर इक्क ही है; तू ठीक करदा; दुष्टात्मा भी विश्वास करदी ते डर कने कमदी।

याकूब 4:11

ओ संगी विश्वासियों, इक्क दूए री बदनामी मत करेया करो, जे अपणे संगी विश्वासी री बदनामी करदा या तिस पर इल्जाम लादां, तां से मूसा रे कानून री बदनामी करदा ते मूसा रे कानून पर इल्जाम लादां, ते तू मूसा रे कानून पर चलणे वाला नी पर तिस पर हाकिम ठैहरेया।

1 पतरस 2:9

पर तुसा मणू तैसे नी हिन किजोकी तुसा परमेश्वर रे चुणे रे मणू हिन, तुसा तिस परमेश्वर रे पुरोत्त हिन जे राज्जा है। तुसा सारे परमेश्वर जो समर्पित हिन ते तुसा परमेश्वर रे ही हिन। तिन्हा ने तुसा जो न्याहरे का बाहर अपणी अनौखी रौसनी बिच अंदे रा है ताकि तुसा तिन्हेरे महान कम्मां रा प्रचार करी सको।