याकूब 2:6 - चम्बयाली नौआ नियम

⁶ पर तुसा कगांल मणू री बेज्जती कित्ती। अमीर मणू ही तुसा पर जुल्म नी करदे, ते से ही तुसा जो कचहरियां अदंर धृड़ी-धृड़ी करी नी लेई जादें।

याकूब 2:6 ပူးပေါင်းရင်းမြစ်များ

यूहन्ना 8:49

यीशु ने जवाब दित्ता, मेरे बिच दुष्टात्मा नी पर मैं प्यो री बड़ाई करदा ते तुसा मेरी बेजती करदे,

प्रेरितां रे कम्म 13:50

पर यहूदी अधिकारियां ने भक्तां ते कुलीन जनानियां जो ते सहर रे बड़े मणूआं जो उकसाया, ते पौलुस ते बरनबास पर जोर जबरदस्ती करी के तिन्हा जो अपणे सहर का बाहर कड्डी दित्तेया।

प्रेरितां रे कम्म 17:6

पर तिन्हा जो से नी मिल्ले तां तिन्हा ने यासोन ते कितणे ही दूज्जे संगी विश्वासियां जो सहर बिच राज्यपाल रे सामणे धृड़ी करी लेई आये, कि ए मणू जिन्हा ने सारी दुनिया बिच उथल-पुथल मचाई रख्खे री है, अवे इत्ते आई गे।

प्रेरितां रे कम्म 18:12

जां गल्लियो अखाया प्रदेश रा राज्यपाल थिया तां यहूदी मणू पौलुस रे खिलाफ होई गे, ते तिसजो हिसाब-किताब री गद्दी रे सामणे लियाई करी, बोल्णा लग्गे।

प्रेरितां रे कम्म 8:3

पर शाऊल कलीसिया रे लोक्कां पर जुल्म करदा थिया ते सारे जनानियां ते मर्दां जो धृड़ी-धृड़ी करी जेल बिच पाया करदा थिया।

1 कुरुन्थियों 11:22

तुसा अपणे घरे बिच भी खाई-पी सकदे। तुसा इय्यां समजदे कि परमेश्वर री कलीसिया री कोई अहमीयत नी है, ते तुसा कलीसिया रे गरीब लोक्कां जो शर्मिदां करदे। मैं तुसा जो कै बोल्लां? कै इस गल्ल तांइ मैं तुसा री तारिफ करां? ना! मैं इस गल्ल तांइ तुसा री तारिफ नी करदा।

याकूब 2:3

ते तुसा तिस छैल कपड़े वाले मणू पर ध्यान देई करी आदर कने बोलदे, “तुसी इत्ते छैल जगाह् पर बेयो,” ते तिस कगांल जो बोलदे, “तू इत्ते खड़ी रे,” या “मेरे पैरां का बेई जा।”

याकूब 5:4

दिख्खो, जिन्हा मजदूरां ने तुसा रे खेत्तर कट्टे रे हिन, ते तिन्हेरी मजदूरी जे तुसा धोखा देई करी रख्खी लित्ती, से मजदूर ते बाड्डी करणे वाले तुसा रे खिलाफ परमेश्वर का लेरां मारी करी रोया करदे हिन ते तिन्हेरी बिनती सेना रे प्रभु ने सुणी लित्ते री है।

याकूब 5:6

जे धार्मिक मणू तुसा रा सामणा नी करी सकदे थिये तुसा तिन्हा जो दोषी साबित करी के मारी रख्खेया।