याकूब 2:5 - चम्बयाली नौआ नियम

⁵ ओ मेरे प्यारे संगी विश्वासियों, ध्यान देयो, परमेश्वर ने इस दुनिया रे गरीब लोक्कां जो मता विश्वास दित्ते रा है ते से अपणे राज रा हिस्सा तिन्हा सारे लोक्कां जो दैणे रा वादा कित्ते रा है जे परमेश्वर कने प्यार करदे।

याकूब 2:5 ပူးပေါင်းရင်းမြစ်များ

मत्ती 11:5

कि अन्ने दिखदे हिन, अते अपाहिज हंडदे फिरदे हिन, कोढ़ी सुच्चे कित्ते जाया करदे हिन, अते टौणे सूणदे हिन, मुर्दे जिंदा होया करदे हिन, अते गरीबां जो सुब बसेख सुणाया जाया करदा है।

मत्ती 25:34

फिरी मैं अपणे सज्जे हत्थ पास्से वालेयां जो बोलणा, ओ मेरे प्यो का आशीष पाये रे लोक्कों, आओ, ते जे राज तुसा रे तांइ दुनिया रचणे का पैह्ल्ले तैयार कित्तेया गेया है उसेरे अधिकारी होई जाओ।

मत्ती 5:3

“धन्न हिन से, जे जाणदे कि तिन्हा जो परमेश्वर री जरुरत है, किजोकी स्वर्ग रा राज तिन्हेरा ही है।

मरकुस 7:14

तां यीशु ने मणूआं जो अपणे का सद्देया अते बोल्लेया, “तुसां सब मेरी गल्लां जो सुणो, अते समझो।

लूका 12:21

दिख्खो, इदेया ही से मणू भी हुन्दा जे अप्पु तांइ धन्न कठेरदा, पर परमेश्वर री नजरां बिच से अमीर नी है।

लूका 12:32

इधेरे तांइ ओ छोटे झुण्ड, डरो मत, किजोकी तुसा रा परम पिता परमेश्वर चाह्‍ंदा कि तुसा तिन्हेरे राज रे वारिस बणो।

लूका 16:22

इक्क रोज लाज़र मरी गेया ते स्वर्गदूत तिसेरी आत्‍मा जो स्वर्ग अन्दर तिसेरे पुरखे अब्राहम का लेई गे, से अमीर मणू भी थोड़े रोज्जां बाद मरी गेया ते तिसजो दब्बी दित्तेया गेया।

लूका 16:25

पर अब्राहम ने बोल्लेया, ओ पुत्तर, चेत्ता कर कि तेरी जिन्दगी जां बड़ी अरामदेह थी, पर लाज़र री जिन्दगी बड़ी दर्दनाक थी। अवे से इत्ते स्वर्ग अन्दर अराम कने रेया करदा है, अते तू नरक अन्दर अपणे हिस्से दा दुख सेह्या करदा है,

लूका 22:29

कने जिय्यां मेरे पिता-परमेश्वर ने मेरे जो राज करणे तांइ इक्क प्रदेश दित्ते दा है, तिय्यां ही मैं भी तुसा जो राज करणे तांइ इक्क प्रदेश पर पूरा हक्क दिन्दा

लूका 6:20

तां यीशु अपणे चेल्‍लेयां पास्से दिख्खी करी बोलणा लग्गे, तुसा धन्न हिन, जे मन रे ठीक हिन, किजोकी परमेश्वर इदेय ही मणूआं पर राज करदे।

यूहन्ना 7:48

कै सरदारा ते फरीसियां बिच का कुसकी ने भी उन्हेरे पर विश्वास कित्ता है?

प्रेरितां रे कम्म 7:2

स्तिफनुस ने बोल्लेया, ओ भाईयों, ते बुजूर्गों सुणो, असा रा बुजुर्ग अब्राहम हारान कस्बे बिच बसणे का पैल्ले जां मेसोपोटामिया बिच थिया, तां महिमामय परमेश्वर ने तिन्हा जो दर्शन दित्ता।

रोमियों 8:17

ते जे अगर असी परमेश्वर री औलाद्दां हिन तां असी तिन्हेरे वारिस भी हिन। बल्कि असी मसीह यीशु कने परमेश्वर री महिमा रे वारिस हिन। जे अगर असी मसीह यीशु सांई जुल्म सैह्‍ंदे, जे असी अब्बे सहन करेया भी करदे हिन, तां असा ने भी तिन्हेरी महिमा बिच हिस्सा पाणा।

1 कुरुन्थियों 2:9

पर जिय्यां की पवित्रशास्त्र बिच लिख्खे रा है, “जिन्हा गल्लां जो कुसकी ने नी दिख्खेया अते कुसकी ने नी सूणेया, अते कुसकी ने तिन्हा ठीक गल्लां जो नी समजेया जे परमेश्वर ने अपणे प्यार करणे वालेयां तांइ तैयार कित्तेया।”

2 कुरुन्थियों 4:15

जे किच्‍छ असा कने घटे रा है, से तुसा रे फायदे तांइ ही हिन ताकि जिय्यां परमेश्वर रा अनुग्रह जादा का जादा लोक्कां जो मसीह बिच लेई आया करदा है तिस कने मते लोक्कां ने परमेश्वर रा तिन्हेरी महिमा तांइ शुकर करणा।

2 कुरुन्थियों 8:9

तुसा असा रे प्रभु यीशु मसीह रे अनुग्रह जो जाणदे कि से अमीर होई करी भी तुसा तांइ कगांल बणी गे, ताकि तिन्हेरे कगांल होई जाणे कने तुसा अमीर होई जाओ।

इफिसियों 1:18

मैं ए भी प्रार्थना करदा कि से तुसा जो सच्चाई जो पूरी तरिक्के कने समजणे बिच मदद करे ताकि तुसा जाणी सको तिन्हेरे असा जो सद्दणे री आस कै है, ताकि तुसा जाणी सको कि से आशीषां किन्नी जादा महिमामय हिन जिन्हेरे दैणे रा वादा परमेश्वर ने अपणे लोक्कां कने कित्ते रा है।

इफिसियों 3:8

हालांकि मैं परमेश्वर रे सारे लोक्कां बिच का सारेयां का घट काबिल है, पर फिरी भी परमेश्वर ने मेरे जो ए सौभाग्य दित्ते रा है कि मैं गैर यहूदियां बिच ए सुब बसेख सूणां कि मसीह यीशु भरपूर आशीषां रा जरिया हिन,

1 थिस्सलुनीकियों 2:12

कि तुसा इदेइ जिन्दगी जियो जे परमेश्वर जो आदर दिंदी हो, जे तुसा जो अपणे राज ते महिमा बिच हिस्सेदार बणने तांइ सददे।

2 थिस्सलुनीकियों 1:5

तुसा परमेश्वर तांइ दुख-मुसीबतां सहन करेया करदे हिन ते ए तुसा जो तिन्हेरे राज बिच जाणे रे लायक बणांदा। ए इस गल्ल रा सबूत है कि परमेश्वर ने धार्मिकता कने तुसा रा हिसाब-किताब करणा।

1 तीमुथियुस 6:18

तिन्हा जो बड़े जादा ठीक काम्म, ते दयालू ते इक्क-दूए री जरुरत रे हिसाब कने बडंणा सिखाओ।

2 तीमुथियुस 4:18

ते प्रभु ने मेरे जो हर इक्क बुराई का बचाणा, ते तिन्हा ने मेरे जो स्वर्ग अंदर अपणे राज बिच सुरक्षित तौर पर पूजाणा। तिन्हेरी महिमा हमेसा-हमेसा तांइ हुंदी रेय। आमीन!

2 तीमुथियुस 4:8

अवे परमेश्वर ने मेरे तांइ स्वर्ग बिच इक्क ईनाम रख्खे रा है किजोकी मैं इक्क धार्मिक जिन्दगी जीत्ती री है जिस कने परमेश्वर खुस हुंदे, प्रभु जे धार्मिकता कने फैसला करदे जां तिन्हा ने दुनिया रा हिसाब-किताब करणे तांइ आणा तां तिन्हा ने से मुकुट मेरे जो दैणा। पर तिन्हा ए ईनाम सिर्फ मेरे जो ही नी दैणा पर तिस हर इक्क मणू जो दैणा जे बड़ी बेसबरी कने तिन्हेरे हटणे रा इंतजार करेया करदे हिन।

इब्रानियों 11:26

तिसने मसीह यीशु री वजह कने बेजती होणे जो मिस्र रे भडांर का बड्डी जायदाद समजेया, किजोकी से तिस कम्म बिच लग्गी रेया, जिस कने से जाणदा थिया कि तिसजो स्वर्ग बिच ईनाम मिलणा।

याकूब 1:12

धन्न है से मणू, जे परखे जाणे रे बेल्ले टिकी रैहन्दा; किजोकी खरा साबित होणे पर तिसजो हमेसा री जिन्दगी रा से मुकट मिलणा, जिस जो दैणे रा वादा परमेश्वर ने तिन्हा लोक्कां कने कित्ते रा है जे परमेश्वर कने कित्ते रा है।

याकूब 1:16

ओ मेरे प्यारे संगी विश्वासियों, धोखा मत खांदे।

याकूब 1:19

ओ मेरे प्यारे संगी विश्वासियों, तुसा ए गल्ल जाणी लेयो, हर इक्क मणू सुनणे तांइ हमेसा तयार, सबर कने बोलणे वाला ते अपणे गुस्से जो काबू बिच रखणे वाला हो

याकूब 1:9

जे विश्वासी मणू गरीब हिन, से इस गल्ल पर खुस होण कि परमेश्वर ने तिन्हा जो आदर दित्ते रा है।

1 पतरस 1:4

असी तिस विरासत जो पाणे तांइ इंतजार करदे जे परमेश्वर ने असा तांइ तैयार कित्ते री है। कोई भी तिन्हा चीजां जो ना बर्बाद करी सकदा ते ना ही खराब करी सकदा, से ना कदी पुराणी होई सकदी ते ना ही तिन्हेरी खूबसुरती कदी घटी सकदी। परमेश्वर ने तुसा तांइ से चीजां स्वर्ग बिच रख्खे री हिन।

2 पतरस 1:11

ते परमेश्वर ने भी तुसा जो बड़ी खुसी कने स्वर्ग लेई आणा जित्ते मसीह यीशु रैह्‍न्दे, जे असा रे प्रभु ते जे असा जो छुटकारा दिंदे, ते जिन्हा ने इक्क राज्जे रे तौर पर हमेसा-हमेसा तिकर राज करणा।

प्रकाशित वाक्य 2:9

मैं जाणदा कि तेरे पर बड़े जुल्म होए रे हिन ते तू गरीब है। पर आत्मिक गल्लां बिच तू अमीर है। मैं तिन्हा यहूदी मणूआं जो जाणदा जे परमेश्वर रे चुणित्ते रे मणू होणे रा दावा ता करदे पर से हकीकत बिच चुणित्ते रे नी हिन। से तुसा री बुराई करदे ते से शैतान रे गुट रे मणू हिन।

प्रकाशित वाक्य 21:7

जिन्हा लोक्कां ने दुष्ट पर जीत हासिल करणी, तिनिए ही मेरे का इन्हा सारी आशीषां जो हासिल करणा। मैं तिसेरा परमेश्वर होणा ते तिनिये मेरा पुत्तर होणा।

प्रकाशित वाक्य 3:18

इधेरे तांइ मैं तेरे जो सलाह दिंदा कि तू मेरे का सोन्ना खरीदी लै ताकि तू हकीकत बिच अमीर बणी जाए। तू मेरे का चिट्टे कपड़े भी खरीदी लै ताकि तू लोक्कां सामणे नंगे होणे री कने शर्मसार होणे का बची जाए। तेरे जो अपणी हाख्खियां बिच पाणे तांइ किच्‍छ दवाई भी खरीदी लैणी चाएदी ताकि तू दिख्खी सके।