याकूब 2:18 - चम्बयाली नौआ नियम

¹⁸ पर कोई बोल्ले, “तू विश्वास करदा, ते मैं ठीक कम्म करदा।” पर मैं बोलदा कि तू अपणा विश्वास मिन्जो बगैर ठीक कम्मां रे साबित करी के दिखा; ते मैं अपणा विश्वास अपणे ठीक कम्मां रे जरिये तिज्जो साबित करी के दिखांदा।

याकूब 2:18 ပူးပေါင်းရင်းမြစ်များ

रोमियों 14:23

पर जे अगर तुसा रे मन बिच तिस रोट्टी रे बारे बिच कोई शक हुंदा, कि से तुसा जो खाणा चाएदा या नी, तां तुसा तिसजो खाई करी पाप करेया करदे हिन। जे किच्‍छ भी असी करदे, ते जे अगर से परमेश्वर बिच विश्वास कने नी हुंदा, तां से असा तांइ पाप है।

रोमियों 3:28

ते ए गल्ल साफ है कि परमेश्वर कुसकी भी मणू जो मूसा रे कानून ते नियमां जो मनणे कने नी पर मसीह बिच विश्वास करणे कने धार्मिक ठैहरांदे।

रोमियों 4:6

तिय्यां ही दाऊद बोलदा कि परमेश्वर ने तिन्हा लोक्कां जो किय्यां आशीष दित्ते री है, जिन्हा लोक्कां जो तिन्हा ने बिना कम्मां रे धार्मिक बणाए रा है।

रोमियों 8:1

इधेरे तांइ अवे जे प्रभु यीशु मसीह बिच विश्वास करदे, तिन्हा पर सजा रा हुकम नी है।

रोमियों 9:19

तां फिरी किच्‍छ लोक्कां ने मेरे कने बोलणा, “जे अगर इदेयी गल्ल है, तां परमेश्वर असा जो गलत किय्यां ठैहराई सकदे?” किजोकी कोई भी परमेश्वर जो से करणे का नी रोक्की सकदे जे से करणा चाह्‍ंदे।

1 कुरुन्थियों 13:2

जे अगर मैं भविष्यवाणी करां ते सारे राज़ ते हर तरिक्के री गल्ल जो समजी सकां, ते मेरे जो परमेश्वर बिच इत्ते तिकर विश्वास हो की मैं पहाड़ां जो हटाई सकदा पर कुसकी कने प्यार ना करां, तां मैं कुसकी कम्मे रा नी है।

2 कुरुन्थियों 5:17

इस तांइ जे कोई मसीह यीशु बिच विश्वास रखदा तां से नौई रचना है: पुराणी जिन्दगी बीती गे री है, अवे नौई जिन्दगी री सुरुआत होए री है।

2 कुरुन्थियों 7:1

अते ओ प्यारे संगी विश्वासियों, जां परमेश्वर ने असा कने ए वादा कित्ते रा है कि तिन्हा ने असा जो अपणे बच्चेयां रे रुप बिच अपणाई लैणा, इधेरे तांइ, आओ असी हर तरिक्के री बुराई जो छड्डी दैण, ते इक्क पवित्र जिन्दगी जीणे री कोसीस करदे रैह्ण।

गलातियों 5:6

जां असी मसीह यीशु बिच विश्वास करणा सुरु करी दिंदे तां यहूदी या गैर यहूदी होणे रा कोई फरक नी रैहन्दा। पर जरुरी गल्ल ए है कि असी मसीह बिच विश्वास करदे ते तिस वजह कने परमेश्वर ते बाकि मणू प्यार रखदे।

1 तीमुथियुस 1:5

ए हुकम दैणे रा मकसद ए है कि तुसा साफ मन, साफ विवेक अते सच्चे विश्वास कने इक्क-दूए कने प्यार करो।

तीतुस 2:7

तुसा अप्पु हर गल्ल बिच दूज्जेयां तांइ ठीक बर्ताव रा इक्क उदारण बणो कि से भी तिय्यां ही करण।

इब्रानियों 11:31

राहाब इक्क वेश्या थी, पर से विश्वास करदी थी, ते तिनिये तिन्हा जासुसां जो अपणे घरे रैह्णे री जगाह् दित्ती। इधेरे तांइ से तिन्हा लोक्कां कने नी मारी गयी जिन्हा ने परमेश्वर रे हुकम री ना-फरमानी कित्ती थी।

इब्रानियों 11:33

तिन्हा ने भरोसे रे ही जरिए राज जित्ते धर्म रे कम्म कित्ते वादे कित्ते रे चीजां कित्ती परमेश्वर ने शेरां जो तिन्हा लोक्कां खाणे री अनुमती नी दित्ती।

इब्रानियों 11:6

परमेश्वर बिच विश्वास कित्ते बिना, तिन्हा जो खुस करणा नामुमकिन है। किजोकी परमेश्वर का आणे वाले मणू जो ए विश्वास करणा चाएदा कि से परमेश्वर हिन। परमेश्वर तिन्हा लोक्कां जो ईनाम दिंदे, जे पूरी सच्चाई कने तिन्हा जो तोपदे।

याकूब 2:14

ओ मेरे संगी विश्वासियों, जे अगर कोई बोल्ले कि मेरे जो मसीह यीशु बिच विश्वास है पर से तिसेरे हिसाब कने लोक्कां कने ठीक कम्म ना करदा हो, तां फिरी तिसेरे विश्वास करणे रा कोई फैदा नी। इदेया विश्वास तिसजो छुटकारा नी देई सकदा?

याकूब 3:13

जे अगर तुसा समजदार ते परमेश्वर री गल्लां जो समजणे वाले मणू हिन, तां इधेरे तांइ इक्क खरी जिन्दगी जियो। निम्तेपन ते समजदारी कने ठीक कम्म करी के साबित करो।