याकूब 2:16 - चम्बयाली नौआ नियम

¹⁶ ते तुसा बिच का कोई तिन्हा जो ए बोल्ली करी बिदा करे, “सांती कने जाओ तुसा निग्गे रेयो ते रजी रेयो,” पर तिन्हा जो तिन्हेरे जरुरत री चीजां ना दे तां कै फैदा?

याकूब 2:16 ပူးပေါင်းရင်းမြစ်များ

मत्ती 15:32

यीशु ने अपणे चेल्‍लेयां जो अपणे का सद्देया अते बोल्लेया, मेरे जो इस भीड़ पर तरस आन्दा किजोकी ए मणू तीन्न रोज्ज का मेरे कने हिन अते इन्हा का किच्‍छ भी खाणे जो नी है, मैं इन्हा जो भूखा भेजणा नी चाह्‍ंदा, कुदखी इय्यां नी हो कि रस्ते बिच ही अद्ध-मरे होई जाओ।

मत्ती 25:35

किजोकी मैं भूख्खा थिया ते तुसा मेरे जो खाणे तांइ दित्तेया, मैं प्यासा थिया ते तुसा मेरे जो पाणी पीणे जो दित्तेया, मैं परदेसी थिया, तुसा मेरे जो अपणे घरे रुकाया।

मत्ती 25:36

मैं नगां थिया, ते तुसा मेरे जो कपड़े पुआये, मैं बुमार थिया ते तुसा मेरी सेवा कित्ती मैं जेल बिच थिया ते तुसा मेरे जो मिलणे तांइ आए।

मरकुस 5:34

यीशु ने तिसजो बोल्लेया, “कुड़िए तेरे भरोसे ने तेरे जो ठीक कित्ता: राजी खुसी जा, ते अपणी इस बीमारी का बची रेय।”

रोमियों 12:9

प्यार करणे बिच कदी कोई दिखावा ना हो, पर दिल कने प्यार करेया करो। बुराई कने नफरत रख्खो। भले कम्म करणे बिच लग्गी रेयो।

2 कुरुन्थियों 8:8

मैं तुसा जो हुकम नी है देया करदा, पर मैं तुसा रे प्यार री सच्चाई जो दूज्जेयां री गहरी इच्छा कने तुलना करी के परखणा चाह्‍ंदा।