याकूब 2:11 - चम्बयाली नौआ नियम

¹¹ इधेरे तांइ जिनिये बोल्लेया, “तू व्यभिचार मत करदा” तिनिये ही ए भी बोल्लेया, “तू हत्या मत करदा” इधेरे तांइ भले ही तू व्यभिचार नी कित्तेया पर हत्या कित्ती तां भी तैं मूसा रे कानून रा उल्घंन कित्तेया।

याकूब 2:11 ပူးပေါင်းရင်းမြစ်များ

मत्ती 19:18

तिनिए यीशु का पूच्छेया, कुण वाले हुक्म? यीशु ने बोल्लेया कि, ए कि कुसकी री जान नी लैणी, व्यभिचार नी करणा, चोरी नी करणी, झूठ्ठी गवाई नी दैणी,

मरकुस 10:19

तू हुकमां जो तां जाणदा ही: ‘खून नी करणा, व्यभिचार नी करणा, चोरी नी करणी, झूठ्ठी गवाई नी दैणी, धोखा नी दैणा, अपणे मां-प्यो रा आदर करणा।’

लूका 18:20

तिज्जो परमेश्वर रे नियमां रे हुकमा रा पता ही है कि परमेश्वर रे कै हुकम हिन: व्याभिचार नी करणा, जान नी लैणी, कने चोरी नी करणी, झूठ्ठी गवाई नी दैणी, अते अपणे मां प्यो री इजज्त करणी!

रोमियों 13:9

किजोकी मूसा रे कानून बिच इदेय मते सारे हुकम हिन, जिय्यां, “व्याभिचार नी करणा, खून नी करणा, चोरी नी करणी, लालच नी करणा, ते इन्हा हुकमां रे अलावा इन्हा सारे हुकमां रा निचोड़ इस हुकम बिच है, अपणे पड़ोसी कने अप्पु बराबर प्यार रख।”