याकूब 2:10 - चम्बयाली नौआ नियम

¹⁰ किजोकी जे कोई मूसा रे कानून रे इक्क भी हुकम जो मनणे बिच चुकी जाए तां से सारी हुकमां बिच गुनेह्गार ठैहरदा।

याकूब 2:10 ပူးပေါင်းရင်းမြစ်များ

गलातियों 3:10

इधेरे तांइ तिन्हा लोक्कां पर लाणत है जे मणू मूसा रे कानून जो मनणे पर भरोसा रखदे, किजोकी पवित्रशास्त्र बिच ए लिख्खे रा है, “लाणत है तिन्हा लोक्कां पर जे मणू मूसा रे कानून रे इक्क-इक्क नियम जो नी निभांदे।”

गलातियों 5:3

पर मैं हर इक्क खतना कराणे वाले जो बोल्ली दिन्दा कि तिस मणू जो मूसा रा कानून पूरे तरिक्के कने मनणा पैणा।

याकूब 3:2

मैं तुसा जो समजाया करदा है कि असा सारेयां का गलतियां हुंदी रैहन्दी पर जे अगर कोई मणू बोलणे बिच कदी कोई गलती ना करो तां से पूरा सही मणू है ते से अप्पु जो पूरा काबू भी करी सकदा।

2 पतरस 1:10

इधेरे तांइ ओ संगी विश्वासियों, होर भी जादा कोसीस करो कि तुसा इस तरिक्के कने रेयो कि जिस कने लोक्कां जो पता चले कि हकीकत बिच परमेश्वर ने तुसा जो सद्देया ते चुणे रा है। जे अगर तुसा इय्यां करगे, तां तुसा कदी भी परमेश्वर का अलग नी होणा।

यहूदा 1:24

से ही इकलौत्ते परमेश्वर हिन जिन्हा ने असा जो मसीह यीशु रे सुली पर कुर्बानी दैणे रे जरिये कने बचाए रा है। असा रे प्रभु मसीह यीशु री वजह कने मणू परमेश्वर रा आदरमान ते महिमा करण। मणू ए समजी सकण कि दुनिया रे बणने रे पैल्ले का ही ते अज्ज रे समय तिकर परमेश्वर री ही ताकत ते हक है ते से हमेसा-हमेसा तिकर रैह्णी। आमीन!