याकूब 2:1 - चम्बयाली नौआ नियम

¹ ओ मेरे संगी विश्वासियों, तुसा असा रे महिमामय मसीह यीशु बिच विश्वास करणे वाले मणू हिन, इधेरे तांइ तुसा बिच दूज करणे रा स्वभाव ना हो।

याकूब 2:1 ပူးပေါင်းရင်းမြစ်များ

मत्ती 22:16

अते तिन्हा ने अपणे चेल्‍लेयां जो हेरोदेस रे झुण्ड रे लोक्कां कने तिन्हेरे का ए बोलणे जो भेज्जेया, ओ गुरु, असी जाणदे की तुसा सच्चे हिन, ते परमेश्वर रा रस्ता सच्चाई कने दसदे, ते कुसकी री परवाह नी करदे, किजोकी तुसा मणूआं रा मुँह दिख्खी करी गल्लां नी करदे।

प्रेरितां रे कम्म 10:34

तां पतरस ने बोल्लेया, अवे मेरे जो पक्का होई गेया कि परमेश्वर कुसकी कने भी भेदभाव नी करदा

प्रेरितां रे कम्म 20:21

पर यहूदियां ते यूनानियां रे सामणे गवाई दिन्दा रेया कि परमेश्वर रे पास्से मन फेरणा अते असा रे प्रभु मसीह यीशु जी पर विश्वास करणा चाएदा।

प्रेरितां रे कम्म 24:24

थोड़े रोज्जा बाद फेलिक्स राज्यपाल अपणी लाड़ी द्रुसिल्ला जो, जेड़ी यहूदी जनानी थी, कैसरिया कस्बे बिच कन्ने लेई करी आया ते पौलुस जो सदुआई करी तिस भरोसे रे बारे अन्दर जे मसीह यीशु पर है, तिसका सूणेया।

प्रेरितां रे कम्म 7:2

स्तिफनुस ने बोल्लेया, ओ भाईयों, ते बुजूर्गों सुणो, असा रा बुजुर्ग अब्राहम हारान कस्बे बिच बसणे का पैल्ले जां मेसोपोटामिया बिच थिया, तां महिमामय परमेश्वर ने तिन्हा जो दर्शन दित्ता।

रोमियों 1:11

किजोकी मैं तुसा का मिलणे री इच्छा करदा ताकि मैं तुसा जो आत्मिक आशीषां देयां, जिस कने तुसा विश्वास बिच होर मजबूत होई जाओ,

1 कुरुन्थियों 2:8

परमेश्वर री योजना रे तिस ज्ञान जो इस जुग रे प्रधान लोक्कां बिच का कुसकी ने भी नी समजेया थिया। जे अगर से समजी गेरे हुंदे तां महिमा रे प्रभु मसीह यीशु जो सुली पर नी चढ़ांदे।

कुलुस्सियों 1:4

किजोकी असा ने मसीह बिच तुसा रे विश्वास रे बारे बिच, ते संगी विश्वासियां कने तुसा रे आपसी प्यार रे बारे बिच सुणे रा है,

1 तीमुथियुस 1:19

तुसा मसीह यीशु बिच अपणे विश्वास जो बणाई रख्खो ते अपणा विवेक साफ रख्खो। किच्‍छ लोक्कां ने अपणे साफ विवेक जो छड्डी दित्ते रा है जिसेरी वजह कने मसीह यीशु बिच तिन्हेरा विश्वास मुकी गेरा है।

1 तीमुथियुस 5:21

परमेश्वर ते मसीह यीशु ते चुणे रे स्वर्गदूतां जो असा बिच मझाटे हाजिर मन्नी करी मैं तेरे जो मेरी गल्लां मनणे रा हुकम दिंदा ते पक्षपात कने कोई कम्म मत करदा।

तीतुस 1:1

मैं पौलुस ए चीठ्ठी तीतुस जो लिख्खेया करदा है, मैं परमेश्वर रा दास ते यीशु मसीह रा प्रेरित है। मैं परमेश्वर रे चुणे रे लोक्कां रा मसीह बिच विश्वास मजबूत करणे ते मसीह रे बसेख री सच्ची शिक्षा दसणे तांइ चुणेया गे रा है ताकि से मणू इदेइ जिन्दगी जीण जिस कने परमेश्वर खुस हुंदे।

तीतुस 2:13

असी इस तरिक्के कने बर्ताव करदे किजोकी असी बड़ी बेसबरी कने तिस अनौखे दिन रा इंतजार करेया करदे हिन, जां असा जो छुटकारा दैणे वाले मसीह ने जे असा रे परमेश्वर हिन, अपणी महिमा कने इस धरती पर हटी आणा।

इब्रानियों 1:3

पुत्र ही परमेश्वर री महिमा री रौसनी है, ते पुत्र रे जरिये ही असी दिखदे कि परमेश्वर कदेय हिन। अते से अपणी ताकत रे वचनां कने से ब्रम्हांड जो चलाया करदे हिन। तिन्हा ने लोक्कां रे पाप्पां जो माफ कित्ता, ते परमेश्वर री महिमामय बिच स्वर्ग अंदर तिन्हेरे सज्जे पास्से बेई गे।

इब्रानियों 12:2

असा जो अपणी हाख्खियां यीशु पर लाई रखणी चाएदी, जे असा जो विश्वास बिच अग्गे बधांदे ते पूरा भी करदे। तिन्हा ने सुली पर जान दैणे ते बेज्जती जो भी, बाद बिच मिलणे वाले आनंद रे बारे बिच सोचदे होए सहन करी लित्तेया। से अवे परमेश्वर रे सिहांसन रे सज्जे पास्से बैठ्ठे रे हिन।

याकूब 1:16

ओ मेरे प्यारे संगी विश्वासियों, धोखा मत खांदे।

याकूब 1:19

ओ मेरे प्यारे संगी विश्वासियों, तुसा ए गल्ल जाणी लेयो, हर इक्क मणू सुनणे तांइ हमेसा तयार, सबर कने बोलणे वाला ते अपणे गुस्से जो काबू बिच रखणे वाला हो

याकूब 2:3

ते तुसा तिस छैल कपड़े वाले मणू पर ध्यान देई करी आदर कने बोलदे, “तुसी इत्ते छैल जगाह् पर बेयो,” ते तिस कगांल जो बोलदे, “तू इत्ते खड़ी रे,” या “मेरे पैरां का बेई जा।”

याकूब 2:9

ते जे अगर तुसा इक्क-दूए कने दूज करदे तां पाप करदे; ते मूसा रे कानून तुसा जो गुनेह्गार ठेहरांदा।

याकूब 3:17

पर परमेश्वर रे पास्से का मिलणे वाला ज्ञान सबका पैल्ले तां से पवित्र हुन्दा, फिरी मिलनसार, भद्र, दया कने भरितेरा अते ठीक कम्मां कने लद्दितेरा, अते बगैर भेद-भाव रे ते सच्चा भी हुन्दा।

2 पतरस 1:1

मैं शमौन पतरस, मसीह यीशु रा सेवादार ते प्रेरित है। मैं तुसा सारेया जो ए चीठ्ठी लिख्खेया करदा है जे असा सांई तिस ही विश्वास बिच हिस्सेदार हिन, से विश्वास जे असा जो मसीह यीशु का मिल्ले रा है, असा रे प्रभु ते छुटकारा दैणे वाले, ते जे असा जो परमेश्वर रे सामणे धार्मिक ठैहरांदे।

यहूदा 1:16

ए मणू हमेसा परमेश्वर रे खिलाफ ही बोलदे ते लोक्कां री गलती ही कडदे रैह्‍न्दे। से हमेसा अपणी दिल री मर्जी कने दुष्ट कम्म करदे रैह्‍न्दे। से अप्पु पर बड़ा घमंड करदे ते अपणा मतलब कडणे तांइ लोक्कां री चापलूसी करदे।

प्रकाशित वाक्य 14:12

इधेरे तांइ जरुरी है कि पवित्र मणू सबर कने तिस मुसीबतां जो सहन करदे रैह्ण। तिन्हा ने से करणा जिसेरा हुकम परमेश्वर रा दित्ते रा हो, ते से मसीह यीशु पर विश्वास करणा ना छड्डे।