याकूब 1:9 - चम्बयाली नौआ नियम

⁹ जे विश्वासी मणू गरीब हिन, से इस गल्ल पर खुस होण कि परमेश्वर ने तिन्हा जो आदर दित्ते रा है।

याकूब 1:9 ပူးပေါင်းရင်းမြစ်များ

लूका 1:52

तिन्हा ने ताकतवर मणूआं जो तिन्हेरे राज-पद का हटाई दित्ता, अते निम्ते मणूआं जो आदर दित्ता,

लूका 10:20

फिरी भी इस गल्ल पर खुस मत हुदें, कि दुष्टात्मा तुसा रा गलाया मन्दियाँ, पर सिर्फ इस गल्ले री खुसी मनाओ कि तुसा रे नां स्वर्ग अन्दर लिखी दित्ते रे हिन।

लूका 14:11

किजोकी जे भी अप्पु जो बड्डा बणांगा, तिसजो परमेश्वर ने लोक्कां री नजरां अन्दर छोटा करणा, पर जे अप्पु जो छोटा बणागा, तिसजो परमेश्वर ने बड्डा करणा।

लूका 9:48

ते तिन्हा जो बोल्लेया, जे भी मेरे नां कने इस निक्के जो अपणाई लिंदा, से मेरे जो अपणाई लिंदा, ते जे मेरे जो अपणाई लिंदा, से परमेश्वर जो अपणाई लिंदा, जिन्हा ने मेरे जो भेज्जे रा है, किजोकी जे तुसा बिच सबणी का छोटा है, सेह्ई सबणी का बड्ड़ा है

रोमियों 8:17

ते जे अगर असी परमेश्वर री औलाद्दां हिन तां असी तिन्हेरे वारिस भी हिन। बल्कि असी मसीह यीशु कने परमेश्वर री महिमा रे वारिस हिन। जे अगर असी मसीह यीशु सांई जुल्म सैह्‍ंदे, जे असी अब्बे सहन करेया भी करदे हिन, तां असा ने भी तिन्हेरी महिमा बिच हिस्सा पाणा।

फिलिप्पियों 3:14

उस मंजिल तांइ लगातार कोसीस करदा कि मेरे परमेश्वर का स्वर्ग बिच जाणे रा से ईनाम मिल्लो जिस तांइ परमेश्वर ने असा जो मसीह यीशु रे कम्म री वजह कने चुणे रा है

फिलिप्पियों 3:3

हकीकत बिच तां असी परमेश्वर रे मणू हिन, ते परमेश्वर रे पवित्रात्मा रे दसणे रे हिसाब कने अराधना करदे, ते मसीह यीशु पर घमंड करदे ते असी अपणे इन्सानी कम्मां पर निर्भर नी हुंदे।

1 पतरस 2:9

पर तुसा मणू तैसे नी हिन किजोकी तुसा परमेश्वर रे चुणे रे मणू हिन, तुसा तिस परमेश्वर रे पुरोत्त हिन जे राज्जा है। तुसा सारे परमेश्वर जो समर्पित हिन ते तुसा परमेश्वर रे ही हिन। तिन्हा ने तुसा जो न्याहरे का बाहर अपणी अनौखी रौसनी बिच अंदे रा है ताकि तुसा तिन्हेरे महान कम्मां रा प्रचार करी सको।

प्रकाशित वाक्य 2:9

मैं जाणदा कि तेरे पर बड़े जुल्म होए रे हिन ते तू गरीब है। पर आत्मिक गल्लां बिच तू अमीर है। मैं तिन्हा यहूदी मणूआं जो जाणदा जे परमेश्वर रे चुणित्ते रे मणू होणे रा दावा ता करदे पर से हकीकत बिच चुणित्ते रे नी हिन। से तुसा री बुराई करदे ते से शैतान रे गुट रे मणू हिन।