याकूब 1:6 - चम्बयाली नौआ नियम

⁶ पर तुसा विश्वास कने मंगो, ते कोई शक ना करो; किजोकी शक करणे वाला मणू समुद्र री लहर सांई अणटिक है जे ब्यार कने चलदी ते छलारां खादीं।

याकूब 1:6 ပူးပေါင်းရင်းမြစ်များ

मत्ती 14:28

तां पतरस ने यीशु जो बोल्लेया, प्रभु जी, जे तुसा हिन, तां मेरे जो पाणी पर चली करी अप्पु का आणे तांइ हुकम देयो।

प्रेरितां रे कम्म 10:20

इधेरे तांइ थल्ले जा, ते बे-झिझक तिन्हा कने चली जा, किजोकी मैं ही तिन्हा जो भेज्जे रा है।

इफिसियों 4:14

ताकि अग्गे जो असी बच्चेयां सांई ना रैह्ण, असी तिन्हा किस्तियां सांई नी रैह्णा जे लहरां ते हवा कने इत्ते-उत्ते डोलदी रेह्न्दी। इसेरा मतलब ए है कि चलाक ते ठग लोक्कां ने फिरी असा जो अपणी झूठ्ठी शिक्षा कने बेवकूफ नी बणाई सकणा।

1 तीमुथियुस 2:8

मैं चाह्‍ंदा कि हर प्रार्थना सभा बिच पवित्र जिन्दगी जीणे वाले मर्द हत्थां जो चुक्की करी बगैर कुसकी गुस्से ते बैह्सबाजी रे प्रार्थना करेया करे।

इब्रानियों 10:23

तां आओ असी बगैर डगमगाए, मजबूती कने तिस आस जो पकड़ी रखण जिसेरे बारे बिच असा ने पक्का कित्ते रा है, किजोकी जिन्हा ने असा कने वादा कित्ते रा है, से भरोस्सेमंद है।

इब्रानियों 11:6

परमेश्वर बिच विश्वास कित्ते बिना, तिन्हा जो खुस करणा नामुमकिन है। किजोकी परमेश्वर का आणे वाले मणू जो ए विश्वास करणा चाएदा कि से परमेश्वर हिन। परमेश्वर तिन्हा लोक्कां जो ईनाम दिंदे, जे पूरी सच्चाई कने तिन्हा जो तोपदे।

इब्रानियों 13:9

नौई ते बखरी-बखरी शिक्षां रे पीच्छे मत चलदे, जिन्हा ने तुसा जो सही रस्ते का गलत रस्ते पर लेई जाणा। परमेश्वर रा अनुग्रह कने अंदरूनी ताकत पाणा ठीक गल्ल है, ते खाणे-पीणे रे कानूनां जो ना मनणा खरा है, किजोकी जे मणू इन्हा कानूनां जो मनदे, तिन्हा जो इन्हा कने कोई फायदा नी होणा।

याकूब 1:7

शक करणे वाला मणू ए ना समजे कि तिसेरी मंगे री कोई भी गल्ल प्रभु ने तिसजो दैणी,

याकूब 5:15

ते विश्वास री प्रार्थना कने बिमार ने बची जाणा ते प्रभु ने तिस मणू जो ठीक करी दैणा ते जे उसने पाप भी कित्ते रे होणे तां से भी माफ होई जाणे।

2 पतरस 2:17

ए झूठ्ठे भविष्यद्वक्ता बेकार रे कुएं सांई हिन जे सुकी गेरे हिन। से बरखा होणे का पैल्ले तिस धुंद सांई कुसकी कम्मे रे नी हिन जे हवा कने उड़ाई दित्ती जांदी। परमेश्वर ने तिन्हा तांइ इक्क इदेइ जगाह् तैयार कित्ते री है जे बिल्कुल ही न्याहरी है।