याकूब 1:3 - चम्बयाली नौआ नियम

³ किजोकी तुसा जाणदे तुसा रे विश्वास रे परखे जाणे कने तुसा रा सबर बदधा।

याकूब 1:3 ပူးပေါင်းရင်းမြစ်များ

लूका 21:19

पर सबर कने तुसा अपणी जिन्दगी बचाए रखणी।

रोमियों 15:4

जिन्नी गल्लां पैल्ले पवित्रशास्त्र बिच लिख्खी गे री हिन, से असा जो शिक्षा दैणे तांइ ही लिख्खी गे री हिन, कि असी सबर ते पवित्रशास्त्र का मिलणे वाले प्रोत्साहन कने ए आस बणाई रखण, कि परमेश्वर ने वादा कित्ते रा है तिसजो तिन्हा ने पूरा करणा।

रोमियों 2:7

जे ठीक कम्मां बिच टिके रेई करी महिमा, इज्जत ते हमेसा री जिन्दगी री खोज बिच हिन, परमेश्वर ने तिन्हा लोक्कां जो हमेसा री जिन्दगी दैणी।

रोमियों 8:25

पर असी तिस ही चीज री आस रखदे जिन्हा जो हल्ले असी दिख्खे रा ना हो। ते असा जो सबर ते हौंसले कने तिसजो भालणा भी चाएदा।

रोमियों 8:28

असी जाणदे कि परमेश्वर हर गल्ल बिच तिन्हा लोक्कां कने भलाई करदे जे तिन्हा कने प्यार करदे। परमेश्वर ने तिन्हा लोक्कां जो अपणे मकसद तांइ चुणे रे हिन।

2 कुरुन्थियों 4:17

किजोकी असा री मुसीबतां छोटी हिन ते तिन्हा ने जादा हाण तांइ नी रैह्णा किजोकी तिन्हेरे अंजाम “हमेसा री महिमा” होणा, जे तिस हर कुसकी चीज का बड्डी भी है, जिसेरे बारे बिच असी कदी सोच्ची भी नी सकदे।

कुलुस्सियों 1:11

मैं प्रार्थना करदा कि परमेश्वर री महिमा री ताकत रे मुताबक, हर किस्मे री ताकत कने मजबूत हुन्दे जाओ, ताकि तुसा बड़े सबर कने ते खुसी-खुसी अपणी हर मुसीबत जो सहन करी लेयो।

2 थिस्सलुनीकियों 1:4

इधेरे तांइ असी अप्पु परमेश्वर री कलीसिया बिच संगी विश्वासियां सामणे तुसा पर गर्व करदे, हालांकि तुसा बड़े दुख ते मुसीबतां का गुजरे पर तुसा फिरी भी बड़े सबर कने सैहन्दे रे ते तुसा मसीह बिच विश्वास करणा नी छड्डेया।

2 थिस्सलुनीकियों 3:5

प्रभु यीशु मसीह तुसा जो ए समजणे री ताकत दे कि परमेश्वर अपणे लोक्कां कने किन्ना जादा प्यार करदे ते जिय्यां मसीह यीशु ने अप्पु सबर रख्खी करी सहन कित्तेया तिय्यां ही तुसा भी सहन करी सको।

इब्रानियों 10:36

किजोकी तुसा जो सबर रखणा जरुरी है, ताकि तुसा परमेश्वर री मर्जी जो पूरा करी के, तिन्हा जो खुस करी सको ते तुसा ने तिस ईनाम जो पाणा जिसेरा वादा परमेश्वर ने कित्ते रा है।

इब्रानियों 12:1

जां विश्वास बिच जीणे वाले इन्हा मणूआं री मती सारी गवाहियां जो असी जाणदे, इधेरे तांइ आओ, असी तिन्हा सारी चीजां जो छड्डी दैण, जे असा जो रोकदी, ते उलझाणे वाले जो दुर करी के, सबर कने तिस रस्ते पर बदधे जाण, जिस पर असा जो जाणा चाएदा।

1 पतरस 1:7

इन्हा मुसीबतां रा मकसद ए दर्शाणा है कि तुसा परमेश्वर पर विश्वास करदे भी या नी। मसीह बिच तुसा विश्वास सोन्ने का भी जादा कीमती है। जिय्यां कि सोन्ना जे इक्क दिन खत्म होई जाणा, तिसजो भी आग्ग बिच परखेया ते निखारेया जांदा। जे अगर तुसा रा विश्वास इन्नी कड़ी मुसीबतां रे बाद भी बणेया रैहन्दा, तां इसेरी वजह कने तुसा जो तिस दिन बड़ा आदरमान ते महिमा मिलणी जिस दिन मसीह यीशु ने हटी आणा।

2 पतरस 1:6

ते ज्ञान पर अप्पु पर काबू रखणा, ते अप्पु पर काबू रखणे पर मजबूती बधांदे रेयो, ते अपणी मजबूती पर भक्ति,