याकूब 1:18 - चम्बयाली नौआ नियम

¹⁸ तिन्हा ने अपणी ही मर्जी कने असा जो सच्चाई रे वचन रे जरिए असा जो अपणी औलाद बणाया, ताकि असी तिन्हेरे बणाए री सृष्टि रे पैल्ले फल्ल सांई सृष्टि रे सबका खास हिस्सा बणन।

याकूब 1:18 ပူးပေါင်းရင်းမြစ်များ

1 पतरस 1:23

तुसा जो अप्पु-मिते प्यार रखणा चाएदा किजोकी तुसा जो परमेश्वर का इक्क नौई जिन्दगी मिल्ले री है। तुसा जो ए जिन्दगी कुसकी इदेइ चीज रे जरिये नी मिल्ले री है जे इक्क दिन मुकी जाणी पर कुसकी इदेइ चीज रे जरिये मिल्ले री है जे हमेसा-हमेसा तिकर रैह्णी ते से परमेश्वर रा जिंदा ते हमेसा तिकर रैह्णे वाला वचन है।

यूहन्ना 1:13

से मणू ना तां अपणे मां-प्यो री मर्जी कने, ना सरीर री इच्छा कने ते ना ही लोक्कां री बच्चे पैदा करणे री इच्छा री वजह कने पैदा होए रे हिन पर से परमेश्वर री इच्छा कने पैदा होए रे हिन।

1 पतरस 1:3

असा रे प्रभु मसीह यीशु रे पिता ते परमेश्वर रा शुक्रिया हो। असा पर तिन्हेरी दया री वजह कने तिन्हा ने मसीह यीशु जो मरे रे लोक्कां बिच का फिरी जिन्दा करी के असा जो इक्क नौई जिन्दगी दित्ती, ते तिन्हा ने असा जो बड़े हौंसले कने जीणे रे जोग्गे बणाया, इसेरा मतलब ए है कि असी तिन्हा सारी चीजां जो पाणे री आस रख्खी सकदे जिस जो दैणे रा वादा परमेश्वर ने असा ने कित्ते रा है।

प्रकाशित वाक्य 14:4

ए से है, जे जनानियां कने व्यभिचार नी कित्तेया, पर कुँआरे हिन। तिन्हा ने तिस उरणू जो छड्डी करी कदी कुसकी होरसी री अराधना नी कित्ती। जित्ते कुथकी से “उरणू रा बच्चा” जांदा, से मणू भी तिसेरे पीच्छे ही जांदे। ए मणू से हिन जिन्हा जो धरती पर रैह्णे वाले लोक्कां बिच का छुड़ाया गेया। जिय्यां मणू परमेश्वर जो अपणी पैल्ली फसल चढांदे, तिय्यां ही तिन्हा ने भी परमेश्वर ते तिस “उरणू” जो चढावा चढाया।

इफिसियों 1:12

परमेश्वर ने ए इधेरे तांइ कित्तेया ताकि असी यहूदी मणू जे मसीह बिच आस रखणे वाले पैल्ले मणू हिन तिन्हेरी महिमा ते बड़ाई करी सकण।

1 यूहन्ना 3:9

जे कोई परमेश्वर री औलाद हिन, से पाप करणा छड्डी दिंदा किजोकी परमेश्वर रा स्वभाव तिस मणू बिच बणी रैहन्दा, इधेरे तांइ से पाप नी करी सकदा, किजोकी से परमेश्वर रा पुत्तर है।

इब्रानियों 12:23

ते परमेश्वर रे पैल्ली औलाद्दां री खुशहाल संगती जिन्हेरे नां स्वर्ग बिच लिख्खे गेरे हिन। ते सारेयां रा फैसला करणे वाले परमेश्वर का, ते सिद्ध कित्ते गेरे धार्मिक लोक्कां री आत्‍मा का स्वर्ग बिच आए रे हिन।

याकूब 1:21

इधेरे तांइ सारी गन्दगी ते नफरत जो छड्डी करी परमेश्वर रे वचन जो निमते मन कने अपणाई लेयो जे दिल बिच बोया गे रा है ते जे तुसा जो छुटकारा देई सकदा।

1 कुरुन्थियों 4:15

मसीह यीशु रे पीच्छे चलणे तांइ तुसा जो सिखाणे वाले शायद दस हजार मणू भी होई सकदे, पर सिर्फ मैं ही तुसा तांइ इक्क प्यो सांई है, किजोकी मैं ही सबका पैल्ले तुसा जो सुब बसेख सुणाया, जिसेरा अंजाम ए होया कि अवे तुसा मसीह यीशु बिच विश्वास करदे।

रोमियों 4:17

जिय्यां कि पवित्रशास्त्र बिच लिख्खे रा है, “मैं तेरे जो मती जातियां रा पुरखे ठैहराए रा है।” परमेश्वर री नजर बिच अब्राहम असा रे पुरखे हिन। तिन्हा ने तिस परमेश्वर पर विश्वास कित्तेया, जे मुर्देयां जो जिन्दा करदे, ते तिन्हा जो अस्तित्व बिच लांदे, जिन्हेरा कोई अस्तित्व नी है।

2 कुरुन्थियों 6:7

असी सच्चे प्यार कने, सच्चाई रे वचनां कने, परमेश्वर री ताकत कने, धार्मिकता रे हथियारां कने जे हमला करणे ते अपणी रक्षा करणे तांइ हिन, ते लोक्कां रा असा री इज्जत या बेइज्जती करणे रे जरिये, ते तिन्हेरे असा रे बारे बिच ठीक या बुरी गल्लां बोलणे रे जरिये भी अप्पु जो परमेश्वर रे चुणे रे दास साबित करदे। ते हालांकि असा जो ढोंगी समजेया गेया, पर असी सच ही बोलदे।

इफिसियों 1:13

ते तुसा कने भी से ही गल्ल होई। तुसा ने सच्चा सुब बसेख सूणेया जे परमेश्वर रा बसेख है कि तिन्हा ने किय्यां तुसा जो बचाया। जां तुसा ने मसीह यीशु बिच विश्वास कित्ता तां परमेश्वर ने तुसा जो पवित्रात्मा दित्ता जे तिन्हा ने अपणे लोक्कां जो दैणे रा वादा कित्तेया थिया। पवित्रात्मा इक्क मौहर सांई है जे ए दर्शांदी कि तुसा मसीह रे मणू हिन।

2 तीमुथियुस 2:15

जिन्नी जादा होई सके तुसा उन्नी जादा मैहनत करो ताकि परमेश्वर तुसा जो तिन्हेरे इदेय कम्म करणे वाले मणू रे रुप बिच पसंद करी सके जे तिन्हेरे कम्म का शर्मिंदा ना हुंदा हो ते जे सही तरिक्के कने तिन्हेरे सच्चाई रे बसेख जो सुणांदा हो।

याकूब 1:15

फिरी जां बुरे कम्म करणे री इच्छा बदधी तां मणू पाप करदे; ते जां मणू पाप करदे तां तिसेरा नतीज्जा हमेसा री मौत हुंदा।

याकूब 3:14

पर जे अगर तुसा रे मन बिच बड़ा हिरस अते मतलबीपन है, तां तुसा झूठ बोल्ली करी इस सच्चाई पर पर्दा पाया करदे हिन कि तुसा समजदार नी हिन।