याकूब 1:1 - चम्बयाली नौआ नियम

¹ मैं याकूब परमेश्वर रा ते मसीह यीशु रा दास, तिन्हा बारा गोत्तर रे यहूदी विश्वासियां जो ए चीठ्ठी लिखदा ते नमस्ते करदा जे दुनिया रे अलग-अलग जगाह् बिच बिखरे रे हिन।

याकूब 1:1 ပူးပေါင်းရင်းမြစ်များ

मत्ती 10:3

फिलिप्पुस बरतुल्मै, थोमा, चुंगी लैणे वाला मत्ती हलफई रा पुत्तर याकूब, तद्दै

मत्ती 13:55

कै ए यूसुफ रा निक्का है? अते कै इसेरी मां रा ना मरियम नी है अते इसेरे भ्यालां रे ना याकूब, यूसुफ, शमौन, यहूदा नी हिन?

मत्ती 19:28

यीशु ने तिन्हा जो बोल्लेया, मैं तुसा जो सच बोलदा कि नौये जुग अन्दर जां मणू रे पुत्तर, जे मैं ही है ने अपणे प्रतापी सिंहासन पर बैह्णा तां तुसा बीह्, जे मेरे पीच्छे चले रे हिन, बारा सिंहासनां पर बेई करी इस्राएल रे बारा गोत्रां रा हिसाब-किताब करणा।

मरकुस 3:18

ते अन्द्रियास, ते फिलिप्पुस, ते बरतुल्मै, ते मत्ती, ते थोमा, हलफई रा पुत्तर याकूब ते तद्दै ते शमौन कनानी,

लूका 22:30

ताकि तुसा मेरे राज अदंर मेरे मेज पर बेई करी मेरे कन्ने रोट्टी खाण अते सिंहासनां पर बेई करी इस्राएल रे बारा गोत्रां रे मणूआं रा फैसला करण।

लूका 6:15

मत्ती, थोमा, हलफई रा पुत्तर याकूब, शमौन जे कि जेलोतेस नां रे समुह रा मणू थिया,

यूहन्ना 12:26

जे कोई मेरी सेवा करे, तां मेरा चेल्ला बणी जाए, ते जित्ते मैं है उत्ते तिनिये भी होणा, तां पिता ने उसदा आदर करणा।

यूहन्ना 7:35

इस पर यहूदियां अधिकारियां ने अप्पु बिच बोल्लेया, इन्हा ने कुते जाणा कि असी इन्हा जो तोपी नी सकदे? कै ए तिन्हा यहूदी लोक्कां का जांगा जे यूनानी लोक्कां बिच तित्तर-बित्तर होई करी रैहन्दे, ते यूनानी लोक्कां जो भी उपदेस दिंगा?

प्रेरितां रे कम्म 1:13

जां से यरुशलेम बिच पूज्जे, तां भोड़ी पर गे जित्ते पतरस ते यूहन्ना ते याकूब ते अन्द्रियास ते फिलिप्पुस ते थोमा ते बरतुल्मै ते मत्ती ते हलफई रा मुडां याकूब ते शमौन जे जेलोतेस नां रे समुह रा मणू थिया ते याकूब रा मुडां यहूदा रैहन्दे थिये।

प्रेरितां रे कम्म 12:17

तां तिसने हत्थां कने इसारा कित्तेया कि, से चुप रैह्ण, ते तिन्हा जो दस्सेया, कि प्रभु जी ने कुस तरिक्के कने मेरे जो जेल का कड्डेया, ते फिरी बोल्लेया, कि याकूब रे भ्यालां जो ए गल्ल बोल्ली देयां, तां से निकली करी दूज्जी जगाह् चली गेया

प्रेरितां रे कम्म 15:13

जां से बोल्ली बैठ्ठे, तां याकूब बोलणे लग्गेया, ओ भाईयों, मेरी सुणो,

प्रेरितां रे कम्म 15:21

किजोकी पुराणे बेल्ले का सहर-शहर मूसा रे कानून रा प्रचार करणे वाले चली आया करदे हिन, मूसा रे कानून हर विश्राम दिन सभास्थल बिच पढ़े जांदे हिन।

प्रेरितां रे कम्म 15:23

ते तिन्हेरे हत्थां ए चीठ्ठी लिख्खी भेज्जी, कि अन्ताकिया सहर ते सीरिया ते किलिकिया प्रदेश बिच रैह्णे वाले भाईयां जो जे कि गैर यहूदियां रे हिन, खास प्रेरितां ते बुजुर्ग लोक्कां रा नमस्कार।

प्रेरितां रे कम्म 2:5

तिस बेल्ले तित्ते मते सारे परमेश्वर रा डर मनणे वाले यहूदी भक्त, पर्व मनाणे तांइ यरुशलेम सहर बिच देस-देस का आए रे थिये ते तित्ते रेया करदे थिये।

प्रेरितां रे कम्म 21:18

दूए रोज्जे पौलुस असा जो लेई करी याकूब का गेया, जित्ते सारे बुजुर्ग मणू कठ्ठित्तरे थिये

प्रेरितां रे कम्म 23:26

महामहिम फेलिक्स हाकिम जो क्लौदियुस लूसियास री तरफ का प्रणाम,

प्रेरितां रे कम्म 26:7

तिस्सी आस रे पूरे होणे री उम्मीद लाई करी, असा रे बारा गोत्तर अपणे सारे मनां कने दिन-रात परमेश्वर री भक्ति करदे आये रे हिन, ओ राजा, इस ही उम्मीद रे बारे अन्दर यहूदी मेरे पर इल्जाम लान्दे

प्रेरितां रे कम्म 8:1

शाऊल स्तिफनुस रे मारे जाणे बिच सहमत थिया। तिस्सी दिन का यरुशलेम सहर री कलीसिया पर बड़ा अत्याचार होणा सुरु होई गेया ते प्रेरितां जो छड्डी करी बाकि सारे यहूदियां ते सामरिया प्रदेश बिच बिखरी गे।

रोमियों 1:1

मैं पौलुस, मसीह यीशु रा दास है, ते परमेश्वर ने मेरे जो प्रेरित बणने तांइ चुणे रा है। ते तिन्हा ने तिस सुब बसेख रा प्रचार करणे तांइ अलग कित्ते रा है,

गलातियों 1:19

पर मैं इक्क ही प्रेरित कने मिली सकेया, जे प्रभु यीशु रे भ्याल याकूब हिन।

गलातियों 2:12

किजोकी याकूब रे भेज्जे रे किच्‍छ मणूआं रे इत्ते पुज्जणे का पैल्ले तिकर से गैर यहूदी लोक्कां कने रोट्टी खाया करदा थिया, पर तिन्हा मणूआं रे आणे का बाद से गैर यहूदी का परे हटी गेया, ते तिन्हा का अलग होई गेया। तिसने यहूदी विश्वासियां रे डर कने इदेया कित्तेया थिया, किजोकी से चाह्‍ंदे थिये कि गैर यहूदी मणूआं रा भी खतना होणा चाएदा।

गलातियों 2:9

याकूब, कैफा ते यूहन्ना जिन्हा जो कलीसिया रे खम्भे सांई समजेया जांदा, जां तिन्हा ने मेरे पर होए रे परमेश्वर रे अनुग्रह जो समजी लेया, तां तिन्हा ने मेरे जो ते बरनबास जो अपणी मण्डली रा सहयोगी मन्नी लेया ते से इस गल्ल पर सहमत होई गे कि से यहूदी मणूआं बिच ते असी गैर यहूदी मणूआं जो बसेख सूणाणा जारी रखण।

फिलिप्पियों 1:1

मसीह यीशु रे दास पौलुस ते तीमुथियुस रे पास्से का, सबणी पवित्र मणूआं जो, जे मसीह यीशु अन्दर होई करी फिलिप्पी सहर अन्दर रैह्णे वाले कलीसिया रे सारे मुखिया ते सेवक जो ए चीठ्ठी लिख्खेया करदे हिन।

2 तीमुथियुस 4:21

सर्दियां रे मौसम का पैल्ले मेरे का पुजणे री कोसीस कर। यूबूलुस, पूंदेस, ते लिनुस ते क्लौदिया ते सारे संगी विश्वासियां जो मेरे पास्से का नमस्ते बोल्ले।

तीतुस 1:1

मैं पौलुस ए चीठ्ठी तीतुस जो लिख्खेया करदा है, मैं परमेश्वर रा दास ते यीशु मसीह रा प्रेरित है। मैं परमेश्वर रे चुणे रे लोक्कां रा मसीह बिच विश्वास मजबूत करणे ते मसीह रे बसेख री सच्ची शिक्षा दसणे तांइ चुणेया गे रा है ताकि से मणू इदेइ जिन्दगी जीण जिस कने परमेश्वर खुस हुंदे।

1 पतरस 1:1

मैं पतरस मसीह यीशु रा प्रेरित है। मैं पुन्तुस, गलातिया, कप्पदुकिया एशिया ते बितूनिया रे इलाक्केयां बिच इक्क अजनबी रे तौर पर रैह्णे वाले परमेश्वर रे चुणे रे लोक्कां जो ए चीठ्ठी लिख्खेया करदा है।

2 पतरस 1:1

मैं शमौन पतरस, मसीह यीशु रा सेवादार ते प्रेरित है। मैं तुसा सारेया जो ए चीठ्ठी लिख्खेया करदा है जे असा सांई तिस ही विश्वास बिच हिस्सेदार हिन, से विश्वास जे असा जो मसीह यीशु का मिल्ले रा है, असा रे प्रभु ते छुटकारा दैणे वाले, ते जे असा जो परमेश्वर रे सामणे धार्मिक ठैहरांदे।

यहूदा 1:1

मैं यहूदा जे मसीह यीशु रा सेवादार ते याकूब रा छोटा भ्याल है, तुसा लोक्कां जो ए चीठ्ठी लिख्खेया करदा है जिन्हा जो परमेश्वर ने तिन्हा बिच विश्वास करणे तांइ सद्दे रा है। परमेश्वर पिता तुसा जो प्यार करदे ते तुसा जो मसीह यीशु बिच सुरक्षित रखदे।

प्रकाशित वाक्य 7:4

जां स्वर्गदूत निशानी लाई चुके, तां मैं कुसकी री अवाज सुणी कि, जिन्हा लोक्कां पर परमेश्वर री निशानी लग्गे री है, से गिनती बिच इक्क लाख्ख चुरताली हजार हिन। ए मणू इस्राएल देस री बारा जातियां रे हिन।