इब्रानियों 9:9 - चम्बयाली नौआ नियम

⁹ ए सारी चीजां अज्ज रे समय री निशानियां हिन। जे भेंट ते कुर्बानी परमेश्वर जो चढ़ाए जांदे थिये, से तिन्हा लोक्कां रे विवेक जो साफ नी करी पांदे थिये, जे मणू तिन्हा भेंट ते बलिदान्नां जो लेई करी आंदे थिये।

इब्रानियों 9:9 ပူးပေါင်းရင်းမြစ်များ

रोमियों 5:14

तां भी आदम का लेई करी मूसा तिकर जिन्ने लोक्कां ने पाप कित्ता ते से सारे मरी गे, इत्ते तिकर से मणू भी मरी गे जिन्हा ने परमेश्वर रे हुकमां जो नी टालेया, जिय्यां आदम ने टालेया थिया। जां आदम आया, तां तिसेरे पाप करणे री वजह कने सारे लोक्कां री जिन्दगी पर असर पेया, पर जां मसीह यीशु दुनिया बिच आए तां पाप्पां का छुटकारा दैणे री वजह कने सारे लोक्कां री जिन्दगी पर असर पेया।

गलातियों 3:21

इसेरा मतलब ए बिल्कुल भी नी है कि मूसा रा कानून परमेश्वर रे वादेयां रे खिलाफ है। किजोकी जे अगर मूसा रा कानून असा जो हमेसा री जिन्दगी दिंदा तां फिरी असी तिन्हा कानूनां जो मनणे कने धार्मिक ठैहराए जांदे।

इब्रानियों 10:11

पुराणी वाचा रे मुताबिक पुरोत्त हर रोज ही अपणे सेवा रा कम्म करदे, ते इक्क ही तरिक्के रे कुर्बानी जो बार-बार चढांदे, जे मणूआं रे पाप्पां जो कदी भी दुर नी करी सकदा।

इब्रानियों 11:19

किजोकी अब्राहम ने मन्नी लेया थिया, कि परमेश्वर इन्ना ताकतवर हिन कि तिसेरे मुंडे इसहाक जो मरेयां बिच का भी जिन्दा करी देण: ते इक्क तरिक्के कने तिसेरा मुंडा मुर्देयां बिच का फिरी जिन्दा होया ही थिया।

इब्रानियों 5:1

“हर इक्क प्रधान पुरोत्त, परमेश्वर इस्राएल रे मणूआं बिच का ही बड्डे पुरोत्त जो चुणदा, ते से हर इक्क बड्डे पुरोत्त जो लोक्कां रे पास्से तिन्हेरी सेवा तांइ ठैहरांदे। ते बड्डा पुरोत्त परमेश्वर तांइ भेंट ते कुर्बानी चढांदा, ताकि से इस्राएल रे लोक्कां रे पाप माफ करे।

इब्रानियों 7:11

इस्राएल रे लोक्कां जो मूसा रा कानून, तिन्हा लोक्कां पर हारून रे ‍खानदान रे लेवी गोत्र का पुरोत्त ठैहराणे री रीति पर मिल्लेया थिया, पर से मणू तिस रीति रे बदोलत सिद्व नी बणी सके। इधेरे तांइ तित्ते इक्क दूए पुरोत्त री जरुरत थी जे हारून सांई नी पर मलिकिसिदक सांई हो।

इब्रानियों 8:4

जे अगर मसीह यीशु दुनिया बिच हुंदे, तां से बड्डे पुरोत्त नी होई सकदे थिये, किजोकी मूसा रे कानून रे हिसाब कने पैल्ले का ही भेंट चढ़ाणे तांइ पुरोत्तां ठैहराए गेरे थिये।

इब्रानियों 9:24

इधेरे तांइ मसीह मणूआं रे हत्थ रे बणाए रे तम्बू बिच नी गे। से तिस असली तम्बू री सिर्फ इक्क नकल है। बल्कि से स्वर्ग बिच गे ते अवे तित्ते परमेश्वर कने हिन, ताकि से असा री मदद करी सकण।

1 पतरस 3:21

पुराणे जमान्ने बिच तिन्हेरा छुटकारा अवे अज्ज रे जमान्ने बिच तिस छुटकारे रा उदारण है जे असा जो बपतिस्मा लैणे रे जरिये मिलदा। जिस पाणी बिच असी बपतिस्मा लिंदे से सरीर री गंदगी जो दुर नी करदा, पर ए इस गल्ल री निशानी है कि असा ने परमेश्वर का अपणे पाप्पां री माफी मंगे री है, ते असा रे मन तिन्हा पाप्पां री वजह कने अवे परेशान नी हिन। असा जो अवे असा रे पाप्पां का माफी मिल्ली सकदी किजोकी मसीह यीशु मुर्देयां बिच का फिरी जिन्दा होई गेरे हिन,