इब्रानियों 9:3 - चम्बयाली नौआ नियम

³ ते दूए परदे रे पीच्छे जे कमरा थिया, तिसजो सबका जादा पवित्र जगाह् बोलदे थिये।

इब्रानियों 9:3 ပူးပေါင်းရင်းမြစ်များ

मत्ती 27:51

ते दिख्खो, मन्दिर रा परदा उप्पर का लेई करी थल्ले तिकर फटी करी दो टोट्टे होई गेया ते दुनिया हिली गई ते चट्टानां त्रिड़की गेई।

इब्रानियों 6:19

ए आस जे असा का है ते कदी भी टुटी नी सकदी, ते असा जो परमेश्वर का दुर भटकणे नी दिंदी, पर ए असा जो परमेश्वर का मन्दिर बिच, स्वर्ग अंदर, सबका जादा पवित्र जगाह् पर पुजांदा।

इब्रानियों 9:7

ते दूए कमरे बिच जे सबका जादा पवित्र जगाह् है, प्रधान पुरोत्त तित्ते साल बिच सिर्फ इक्क ही वरी जादां थिया, ते बगैर कुर्बानी रे जानवर खून जो नी जादां थिया। ते तिस खून जो से अपणे तांइ ते लोक्कां री पाप्पां तांइ चढांदा थिया।

इब्रानियों 9:8

इन्हा रीति-रीवाज रे जरिये पवित्रात्मा असा पर ए ही ज़ाहिर करदे कि जां तिकर से तम्बू ते रीति-रीवाज इस्तेमाल बिच थिये, तां तांइ सबका जादा पवित्र जगाह् जे स्वर्ग बिच है तिसेरा रस्ता खुले रा नी थिया।