इब्रानियों 8:4 - चम्बयाली नौआ नियम

⁴ जे अगर मसीह यीशु दुनिया बिच हुंदे, तां से बड्डे पुरोत्त नी होई सकदे थिये, किजोकी मूसा रे कानून रे हिसाब कने पैल्ले का ही भेंट चढ़ाणे तांइ पुरोत्तां ठैहराए गेरे थिये।

इब्रानियों 8:4 ပူးပေါင်းရင်းမြစ်များ

इब्रानियों 10:11

पुराणी वाचा रे मुताबिक पुरोत्त हर रोज ही अपणे सेवा रा कम्म करदे, ते इक्क ही तरिक्के रे कुर्बानी जो बार-बार चढांदे, जे मणूआं रे पाप्पां जो कदी भी दुर नी करी सकदा।

इब्रानियों 11:4

विश्वास कने ही आदम रे मुंडे, हाबिल ने कैन का खरा कुर्बानी परमेश्वर तांइ चढाया, ते तिस कुर्बानी रे ही जरिए तिसेरे धार्मिक होणे री गवाई भी दित्ती गयी। किजोकी परमेश्वर ने तिसेरे चढ़ा़वे रे बारे बिच गवाई दित्ती, ते तिसेरा ए ही विश्वास असा तांइ अज्ज भी इक्क मिसाल है।

इब्रानियों 5:1

“हर इक्क प्रधान पुरोत्त, परमेश्वर इस्राएल रे मणूआं बिच का ही बड्डे पुरोत्त जो चुणदा, ते से हर इक्क बड्डे पुरोत्त जो लोक्कां रे पास्से तिन्हेरी सेवा तांइ ठैहरांदे। ते बड्डा पुरोत्त परमेश्वर तांइ भेंट ते कुर्बानी चढांदा, ताकि से इस्राएल रे लोक्कां रे पाप माफ करे।

इब्रानियों 7:27

ते हारून रे ‍खानदान रे प्रधान पुरोत्तां सांई मसीह यीशु जो जरुरत नी है, कि रोज ही पैल्ले अपणे पाप्पां तांइ, ते फिरी लोक्कां रे पाप्पां तांइ बलियां चढाण। किजोकी तिन्हा ने इक्क ही वरी बिच अप्पु जो लोक्कां रे पाप्पां तांइ कुर्बानी चढाई दित्तेया।

इब्रानियों 8:3

किजोकी हर इक्क पुरोत्त जो पाप्पां री माफी तांइ किच्‍छ भेंट ते कुर्बानी दैणा जरुरी है, तिय्यां ही असा रे प्रधान पुरोत्त यीशु जो भी असा रे पाप्पां री माफी तांइ किच्‍छ भेंट ते कुर्बानी दैणा जरुरी थिया।

इब्रानियों 9:9

ए सारी चीजां अज्ज रे समय री निशानियां हिन। जे भेंट ते कुर्बानी परमेश्वर जो चढ़ाए जांदे थिये, से तिन्हा लोक्कां रे विवेक जो साफ नी करी पांदे थिये, जे मणू तिन्हा भेंट ते बलिदान्नां जो लेई करी आंदे थिये।