इब्रानियों 7:8 - चम्बयाली नौआ नियम

⁸ पुरोत्त दसमां हिस्सा लिंदे, हालांकि से मणू ही हिन, जे जिन्दे ते जिन्हा ने इक्क दिन मरी भी जाणा। पर पवित्रशास्त्र मलिकिसिदक से बारे बिच, जिस जो अब्राहम ने दसमां हिस्सा दित्तेया, ए बोलदा, “से हल्ले भी जिन्दा है।”

इब्रानियों 7:8 ပူးပေါင်းရင်းမြစ်များ

यूहन्ना 14:19

अवे थोड़ी ही देर बाद दुनिया रे लोक्कां ने मेरे जो नी दिख्खणा, पर तुसा ने मेरे जो दिख्खणा, किजोकी मैं जिंदा है, इधेरे तांइ तुसा भी जिंदे रैह्णा।

यूहन्ना 14:6

यीशु ने तिसजो बोल्लेया, रस्ता अते सच्चाई ते जिन्दगी मैं ही है, बगैर मेरे कोई पिता-परमेश्वर का नी पूज्जी सकदा।

इब्रानियों 3:16

भला से कुण मणू थिये जिन्हा ने परमेश्वर री अवाज सुणी ते फिरी भी तिन्हेरे खिलाफ होई गे? से ओ ही मणू थिये जे मूसा कने मिस्र देस का निकली करी आए थिये।

इब्रानियों 5:6

तिय्यां ही परमेश्वर दुई जगाह् बिच भी तिन्हा कने बोलदे, “जिस तरिक्के कने मलिकिसिदक अब्राहम रे बेल्ले पुरोत्त थिया, तिय्यां ही तू भी हमेसा तांइ पुरोत्त है।”

इब्रानियों 6:20

यीशु मसीह असा का पैल्ले स्वर्ग बिच असा तांइ गे। से हमेसा-हमेसा तांइ मलिकिसिदक सांई प्रधान पुरोत्त बणी गेरे हिन।

इब्रानियों 7:23

पैल्ले भी इक्क का बाद इक्क, मते सारे पुरोत्त आए, पर से सारे मरी गे ते अपणा कम्म जारी नी रख्खी सके,

इब्रानियों 7:7

ते इस गल्ल बिच कोई शक नी है, कि आशीष दैणे वाला, आशीष लैणे वाले मणू का बड्डा हुंदा।

इब्रानियों 7:9

लेवी मणू जे दसमां हिस्सा इस्राएली लोक्कां का लिंदे, से भी अब्राहम रे ‍खानदान रे हिन। जां अब्राहम मलिकिसिदक कने मिलेया ते तिन्हा जो दसमां हिस्सा दित्तेया तां फिरी असी ए भी बोल्ली सकदे कि लेवी ने भी अब्राहम रे जरिये अब्राहम जो दसमां हिस्सा दित्तेया।

इब्रानियों 9:27

जिय्यां हर इक्क मणू रा इक्क वरी मरणा, ते फिरी परमेश्वर का तिन्हेरा हिसाब-किताब होणा तय है,

प्रकाशित वाक्य 1:18

मैं जिंदा है। मैं मरी गेया थिया, पर अवे दिख, मैं हमेसा-हमेसा तांइ जिंदा है। मौत अते पताल जित्ते मरे रे लोक्कां री आत्मां रेह्न्दी, तिस पर मेरा हक है।