इब्रानियों 5:9 - चम्बयाली नौआ नियम

⁹ ते इस तरिक्के कने परमेश्वर ने तिन्हा जो सिद्ध बड्डा पुरोत्त बणाई दित्ता, तिन्हेरे मनणे वाले सारे मणूआं तांइ हमेसा री जिन्दगी री वजह बणी गे।

इब्रानियों 5:9 ပူးပေါင်းရင်းမြစ်များ

मत्ती 17:5

से बोल्लेया ही करदा थिया कि दिख्खो, इक्क चमकदे बदल ने तिन्हा जो ढक्की लेया, अते तिस बदल बिच का इक्क अवाज निकली, ए मेरा प्यारा पुत्तर है, जिस का मैं बड़ा खुस है: इसेरी सुणो।

लूका 13:32

तां यीशु ने तिन्हा फरीसी जो बोल्लेया, जाई करी तिस चलाक तिस मणू जो बोल्ली दे, कि मैं मणूआं बिच का दुष्टात्मा जो निकालदा ते मैं अज्ज भी बमाराँ जो खरा करणा, ते कल्ल भी फिरी त्रीय्ये रोज्जे मैं जिस कम्म तांइ आए रा है, से पूरा करणा।

यूहन्ना 19:30

जां यीशु ने से सिरके जो चख्खेया, तां बोल्लेया, पूरा होया, तां तिन्हा ने अपणा सिर झुकाई करी अपणे प्राण छड्डी दित्ते।

प्रेरितां रे कम्म 3:15

ते तुसा ने हमेसा री जिन्दगी रे राजकुमार जो मारी रख्खेया, जिस जो परमेश्वर ने मुर्देयां बिच का जिन्दा कित्ता ते इस गल्ल रे असी गवाह हिन, ते तिन्निए तिसरा सीद्दा हत्थ पकड़ी करी तिसजो चुक्केया ते तिस्सी बेल्ले तिसेरे पैरां ते गोड्डेयां बिच जोर आई गेया।

प्रेरितां रे कम्म 4:12

यीशु जो छड्डी करी कुसकी दूए रे जरिए छुटकारा नी, किजोकी आसमान रे थल्ले मणूआं बिच यीशु छड्डी करी होर कोई दुआ नां नी दित्तेया गेया, जिसेरे जरिए असी छुटकारा पाई सके।

प्रेरितां रे कम्म 5:32

असी इन्हा गल्लां रे गवाह हिन ते तिय्यां ही पवित्रात्मा भी, जिस जो परमेश्वर ने तिन्हा जो दित्ते रा है जे तिन्हेरा हुकम मनदे

रोमियों 1:5

ते मसीह रे जरिये, परमेश्वर ने असा जो प्रेरित बणने रा अनुग्रह ते हक दित्तेया, ताकि असी जगाह्-जगह गैर यहूदी लोक्कां जो से गल्लां दस्सी सकण, जे परमेश्वर ने तिन्हा लोक्कां तांइ कित्ते री हिन, ताकि से मणू मसीह पर विश्वास करण, ते तिन्हेरी शिक्षा जो मन्ने।

रोमियों 10:16

पर बड़े घट जणेया ने सुब बसेख पर विश्वास कित्ता। जिय्यां कि यशायाह भविष्यद्वक्ता ने पवित्रशास्त्र बिच बोल्ले रा है, “ओ प्रभु, बड़े घट लोक्कां ने असा रे बसेख पर विश्वास कित्ता।”

रोमियों 15:18

किजोकी जे कम्म मसीह यीशु ने मेरे जरिये कित्ते रे हिन, तिन्हा री वजह कने मैं हिम्मत कने बोल्ली सकदा, कि मैं गैर यहूदी लोक्कां जो प्रभु री हुकम मनणे तांइ प्रभावित करी सकदा। तिन्हा ने मेरा बसेख सुणी करी, ते मेरे कम्मां जो दिख्खी करी मसीह यीशु बिच विश्वास कित्ता।

रोमियों 2:8

पर जे मणू मतलबी हिन ते सच्चाई जो नी मनदे, पर बुरे कम्म करणा चाह्‍ंदे, तिन्हा पर परमेश्वर रा गुस्सा ते कहर भड़कणा।

रोमियों 6:17

पर परमेश्वर रा शुकर हो, कि तुसा जे पाप रे गुलाम थिये, अवे मन कने तिन्हा शिक्षां जो मनणे वाले बणी गेरे हिन, जे मैं तुसा जो मसीह रे बारे बिच सिखाई थी।

2 कुरुन्थियों 10:5

असी इन्सानी बैह्सबाजी ते घमंड री वजह कने आणे वाली हर इक्क बाधा जो तोड़ी दिंदे जे लोक्कां जो परमेश्वर जो जानणे का दुर रखदी। ते असी तिन्हेरे हर इक्क चाहत जो काबू बिच करी के, तिन्हा जो मसीह यीशु री गल्ल मनणे वाले बणांदे।

फिलिप्पियों 2:12

इधेरे तांइ मेरे प्यारेयों, तुसा चाए मैं तुसा कने रेयां या दुर रेयां पर तुसा हमेसा का मेरे हुकमां जो मनदे आए रे हिन। अवे तुसा बिच का हर इक्क जणे जो अपणे छुटकारे तांइ डरदे ते कमदे होए कम्म करदे रैह्णा चाएदा।

2 थिस्सलुनीकियों 1:8

अते जे मणू परमेश्वर जो नक्कारदे ते जे असा रे प्रभु यीशु रे सुब बसेख जो नी मनदे तिन्हा जो सजा दित्ती जाणी

2 थिस्सलुनीकियों 2:16

असी अपणे प्रभु यीशु मसीह ते पिता परमेश्वर का प्रार्थना करदे जे असा कने प्यार करदे ते जिन्हा ने अपणे अनुग्रह रे जरिये असा जो कदी ना मुकणे वाली हिम्मत ते इक्क पक्की आस भी दित्ते री है।

2 तीमुथियुस 2:10

इधेरे तांइ मैं परमेश्वर रे चुणे रे लोक्कां री भलाई तिकर हर तरिक्के रे दुख-तकलीफ जो सहन करी लिंदा, ताकि से मणू भी मसीह यीशु बिच विश्वास करण ते छुटकारा पाण, ते तिस महिमा जो हासिल करण जे हमेसा-हमेसा तांइ रैह्णी।

इब्रानियों 1:14

तां फिरी स्वर्गदूत कै करदे? कै से सिर्फ परमेश्वर री सेवा करदे? परमेश्वर तिन्हा जो छुटकारा पाणे वाले लोक्कां री देख-रेख करणे तांइ भेजदे।

इब्रानियों 11:40

किजोकी परमेश्वर का असा तांइ भंडार बिच किच्‍छ बदिया है। ते से नी चाह्‍ंदे थिये कि से अपणे विश्वास रे मकसद तिकर असा रे बगैर पूज्जे।

इब्रानियों 11:8

जां परमेश्वर ने अब्राहम जो कुसकी जगाह् पर जाणे तांइ सद्देया, तां तिनिये विश्वास करी के परमेश्वर रे हुकम जो मन्नी करी, इक्क इदेय जगाह् पास्से निकली गेया, जिस जगाह् जो परमेश्वर ने तिसजो तिसेरी अपणी जायदाद रे तौर पर देई दैणी थी। पर से ए नी जाणदा थिया, कि से कुते जाया करदा है, पर से ता भी निकली गेया।

इब्रानियों 12:2

असा जो अपणी हाख्खियां यीशु पर लाई रखणी चाएदी, जे असा जो विश्वास बिच अग्गे बधांदे ते पूरा भी करदे। तिन्हा ने सुली पर जान दैणे ते बेज्जती जो भी, बाद बिच मिलणे वाले आनंद रे बारे बिच सोचदे होए सहन करी लित्तेया। से अवे परमेश्वर रे सिहांसन रे सज्जे पास्से बैठ्ठे रे हिन।

इब्रानियों 2:10

किजोकी परमेश्वर ने सारा किच्‍छ बणाया, ते सारा किच्‍छ तिन्हेरा ही है। परमेश्वर ने फैसला लित्ता, कि मते लोक्कां जो अपणी महिमा बिच हिस्सा दैणे तांइ, प्रभु यीशु जुल्म सहे, ताकि जुल्म सहणे रे जरिये से सिद्व बणी जाए, किजोकी यीशु ही छुटकारा मिलणे रा जरिया है।

इब्रानियों 2:3

तां फिरी असी ए किय्यां सोच्ची सकदे कि जे अगर असी इस छुटकारे रे बसेख री ना-फरमानी करी के बची सकदे, जे मसीह ने अप्पु दित्तेया। असा जो ए बसेख तिन्हा लोक्कां ने दित्तया, जिन्हा ने तिन्हा जो ए सब दसदे सूणेया थिया।

इब्रानियों 9:12

ते फिरी मसीह इक्क ही वरी बिच हमेसा तांइ तिस सबका जादा पवित्र जगाह् बिच गे, ते असा जो असा रे पाप्पां का हमेसा तांइ छुटकारा देई दित्तेया। तिन्हा ने ए बकरे ते बछुआं रा खून बहाई करी तिन्हेरा कुर्बानी देई नी कित्तेया, बल्कि अपणा खून बहाई करी ते अपणी जान देई करी कित्तेया।

इब्रानियों 9:15

मसीह ने अपणी जान देई करी तिन्हा लोक्कां जो तिन्हेरे पाप्पां का छुटकारा दित्तेया जिन्हा ने पाप कित्तेया थिया, ते तिन्हा जो भी बचाई लित्तेया जिन्हा ने पैल्ली वाचा रे कानूनां जो तोडे़या थिया। किजोकी कोई भी मणू पुराणी वाचा रे कानूनां जो मन्नी करी सिद्व नी बणी सकदा थिया। पर अवे मसीह असा रे ते परमेश्वर रे बिच नौई वाचा रे स्थापित करी दित्ती। ए तिन्हा ने इधेरे तांइ कित्तेया ताकि जिन्हा लोक्कां जो परमेश्वर ने चुणे रा है, से मणू हमेसा-हमेसा तिकर तिन्हेरे वारिस बणी जाण, जिय्यां कि परमेश्वर ने तिन्हा कने वादा कित्तेया थिया।

इब्रानियों 9:28

तिय्यां ही मसीह भी मते जणेया रे पाप्पां री माफी तांइ इक्क वरी कुर्बानी होए। तिन्हा ने इक्क वरी फिरी हटी करी आणा, पर असा रे पाप्पां तांइ नी, पर तिन्हा लोक्कां जो बचाए जाणे तांइ जे बड़ी लगन कने तिन्हेरा इंतजार करेया करदे हिन।

1 पतरस 1:22

सच्चाई जो मन्नी करी चलणे री वजह कने अवे तुसा सुच्चे कित्ते गे, अवे तुसा जो तन-मन लाई करी संगी विश्वासियां कने आपसी प्यार रखणा चाएदा। बड़ी चाह्‍त ते पूरे दिल कने इक्क-दूए कने प्यार रख्खो।

1 यूहन्ना 5:20

ते ए भी जाणदे कि परमेश्वर रा पुत्तर मसीह यीशु आई गे रा है ते तिनिये असा जो समझ दित्ते री है कि, असी तिस सच्चे परमेश्वर कने गहरे रिश्ते बिच हिन किजोकी असी मसीह यीशु कने गहरे रिश्ते हिन जे सच है, सच्चा परमेश्वर ते हमेसा री जिन्दगी ए ही है।

यहूदा 1:21

जिय्यां कि तुसा इस गल्ल रा इंतजार करेया करदे हिन कि मसीह यीशु ने अपणे दया कने तुसा जो हमेसा री जिन्दगी दैणी इधेरे तांइ तुसा जो अपणी जिन्दगी ए जाणदे होए गुजारणा चाएदी कि परमेश्वर तुसा कने प्यार करदे।