इब्रानियों 5:3 - चम्बयाली नौआ नियम

³ ते इधेरे तांइ बड्डे पुरोत्त जो जरुरी है कि जिय्यां से मणूआं रे पाप्पां तांइ कुर्बानी दिंदे, तिय्यां ही से अपणे पाप्पां तांइ भी कुर्बानी चढाया करे।

इब्रानियों 5:3 ပူးပေါင်းရင်းမြစ်များ

1 कुरुन्थियों 15:3

इसी वजह कने मैं सबका पैल्ले तुसा जो से ही गल्ल दस्सी दित्ती, जे मेरे जो मसीह ने दस्सी थी कि पवित्रशास्त्र रे वचन रे हिसाब कने यीशु मसीह असा रे पाप्पां तांइ मरे,

इब्रानियों 10:12

पर मसीह यीशु, जे असा रे बड्डे पुरोत्त हिन, से ता असा रे पाप्पां रे बदले, इक्क ही वरी कुर्बान होए, ते परमेश्वर रे सज्जे पास्से जाई बैठ्ठे।

इब्रानियों 7:27

ते हारून रे ‍खानदान रे प्रधान पुरोत्तां सांई मसीह यीशु जो जरुरत नी है, कि रोज ही पैल्ले अपणे पाप्पां तांइ, ते फिरी लोक्कां रे पाप्पां तांइ बलियां चढाण। किजोकी तिन्हा ने इक्क ही वरी बिच अप्पु जो लोक्कां रे पाप्पां तांइ कुर्बानी चढाई दित्तेया।

इब्रानियों 9:7

ते दूए कमरे बिच जे सबका जादा पवित्र जगाह् है, प्रधान पुरोत्त तित्ते साल बिच सिर्फ इक्क ही वरी जादां थिया, ते बगैर कुर्बानी रे जानवर खून जो नी जादां थिया। ते तिस खून जो से अपणे तांइ ते लोक्कां री पाप्पां तांइ चढांदा थिया।