इब्रानियों 5:2 - चम्बयाली नौआ नियम

² इन्सान होणे रे नात्ते से भी अपणी हर कमजोरी रे अधीन है, इधेरे तांइ से अज्ञानी ते भटके रे लोक्कां कने बड़ा नरम बर्ताव करदा।

इब्रानियों 5:2 ပူးပေါင်းရင်းမြစ်များ

लूका 22:32

पर मैं तेरे तांइ परमेश्वर का प्रार्थना कित्ती कि तेरा विश्वास टुटी ना जाओ अते जां तू फिरी तौबा करी हटणा तेरे भरोसे जो दिख्खी करी तेरे संगी विश्वास भ्यालां रा भी होंसला होई जाओ।

2 कुरुन्थियों 11:30

अगर घमंड करणा जरुरी है, तां मैं अपणी कमजोरी री गल्लां पर घमंड करणा।

2 कुरुन्थियों 12:5

इदेय मणू पर तां मैं गर्व करणा, पर अप्पु पर अपणी कमजोरियां जो छड्डी करी, अपणी होर कुसकी गल्ल रे बारे बिच गर्व नी करणा।

गलातियों 4:13

तुसा जाणदे कि पैल्ले मैं सरीर री कमजोरी री वजह कने तुसा का आया ते तिय्यां ही मैं तुसा जो सुब बसेख सुणाया।

इफिसियों 4:18

किजोकी तिन्हेरी समझ पर न्याहरा छाई गे रा है, ते से मणू अपणी अज्ञानता ते ढिटपणे री वजह कने तिस जिन्दगी का दुर हिन जे परमेश्वर दिंदे।

1 तीमुथियुस 1:13

मसीह बिच विश्वास करणे पैल्ले तां मैं तिन्हेरी बुराई करदा थिया, विश्वासी लोक्कां पर जुल्म करी के बड़ी बेरहमी कने तिन्हेरा नुक्सान करदा थिया पर फिरी भी परमेश्वर ने मेरे पर दया कित्ती किजोकी मेरे जो नी पता थिया कि मैं जे करेया करदा है से गलत है किजोकी तिस बेल्ले तक मैं मसीह यीशु बिच विश्वास नी कित्तेया थिया।

इब्रानियों 12:13

इत्ते-उत्ते दिखणे रे बजाए, सीद्दे रस्ते पर चलदे रेयो जे यीशु का पुजदा, ताकि जे मणू असा बिच आत्मिक तौर पर कमजोर हिन, से भटकी ना जाण, पर तिन्हेरा विश्वास मजबूत बणी जाणा चाएदा।

इब्रानियों 2:17

इधेरे तांइ तिन्हा जो चाएदा थिया कि हर गल्ल से इक्क आम इन्सान सांई बणे, ताकि से असा तांइ परमेश्वर रा दयालू ते विश्वासयोग्य प्रधान पुरोत्त बणी करी तिन्हेरी सेवा करी सके, ते असा रे पाप्पां री माफी तांइ अपणी जान देई दे।

इब्रानियों 2:18

किजोकी तिन्हा ने कमी-घटियां ते परिक्षा बिच का गुजरे, इधेरे तांइ से जाणदे कि तिन्हा लोक्कां री मदद किय्यां करणा चाएदी जे परिक्षा बिच का गुजरदे।

इब्रानियों 4:15

असा रे प्रधान पुरोत्त, जे मसीह यीशु हिन, असा री हर कमजोरी जो समजदे, किजोकी शैतान ने तिन्हा जो असा सांई हर गल्ल बिच परखेया, पर फिरी भी तिन्हा ने कोई पाप नी कित्तेया।

इब्रानियों 7:28

किजोकी मूसा रा कानून कमजोर लोक्कां जो बड्डा पुरोत्त बणने तांइ चुणदा; पर जे वाचा परमेश्वर ने मूसा रे कानून रे बाद बन्नी थी, तिसने परमेश्वर रे पुत्तर जो प्रधान पुरोत्त ठैहराया, जे असा तांइ हमेसा-हमेसा तांइ सिद्व बड्डे पुरोत्त बणी गेरे हिन।

इब्रानियों 9:7

ते दूए कमरे बिच जे सबका जादा पवित्र जगाह् है, प्रधान पुरोत्त तित्ते साल बिच सिर्फ इक्क ही वरी जादां थिया, ते बगैर कुर्बानी रे जानवर खून जो नी जादां थिया। ते तिस खून जो से अपणे तांइ ते लोक्कां री पाप्पां तांइ चढांदा थिया।

याकूब 5:19

ओ मेरे संगी विश्वासियों, जे तुसा बिच का कोई सच्चाई रे रस्ते का भटकी जाए ते कोई तिसजो फिरी परमेश्वर का हटणे बिच मदद करे,

1 पतरस 2:25

तुसा पैल्ले भटकी री भेड़ां सांई थिये, पर अवे तुसा मसीह का हटी आए रे हिन, जे तुसा री आत्‍मा रे पुहाल ते मुखिया हिन।