इब्रानियों 4:9 - चम्बयाली नौआ नियम

⁹ हल्ले भी परमेश्वर रे लोक्कां तांइ इक्क जगाह् तैयार है, जित्ते तिन्हा जो पूरे तरिक्के कने अराम मिलणा। जिय्यां परमेश्वर ने सतमे रोज्जे अपणे सारे कम्म मुकाई करी कित्तेया थिया, तिन्हा लोक्कां ने भी तिय्यां ही अराम करणा।

इब्रानियों 4:9 ပူးပေါင်းရင်းမြစ်များ

मत्ती 1:21

तिसने इक्क मुंडे जो जमणा, ते तू तिसेरा नां यीशु रख्खेया, किजोकी तिनिए सारी दुनिया रे मणूआं रा तिन्हेरे पाप्पां का छुटकारा दैणा।”

तीतुस 2:14

जिन्हा ने असा जो पाप री ताकत का छुटकारा दैणे तांइ अप्पु जो कुर्बान करी दित्ता ते असा जो धार्मिक ठैहराया ताकि असी तिन्हेरे अपणे खास मणू बणी जाण जिन्हा बिच ठीक कम्म करणे री बड़ी वरी इच्छा है।

इब्रानियों 11:25

इधेरे तांइ मूसा ने पाप बिच थोड़ा वक्त अराम कने कटणे री जगाह् पर परमेश्वर रे लोक्कां कने दुख भोगणा चुणेया।

इब्रानियों 3:11

तां मैं गुस्से बिच आई करी कसम खाई, “तिन्हा ने तिस जगाह् बिच शामिल नी होणा, जित्ते मैं तिन्हा जो अराम दैणा थिया।”

इब्रानियों 4:1

परमेश्वर ने असा जो तिस अराम री जगाह् पर लेई जाणे रा वादा कित्ते रा है, इधेरे तांइ असा जो सावधान रैह्णा चाएदा, इय्यां ना हो कि तुसा बिच का कुसकी जो भी तिस जगाह् बिच जाणे रा मोक्कां नी गुआणा चाएदा।

इब्रानियों 4:10

परमेश्वर ने अपणे सारे कम्म मुकाई करी अराम कित्ता। ते ए तिन्हा सारे लोक्कां ताइं तदेया ही होणा जिन्हा ने परमेश्वर कने तिस अराम री जगाह् बिच जाणा। तिन्हा लोक्कां ने भी अपणे सारे कम्म मुकाणे रे बाद अराम करणा।

इब्रानियों 4:3

इधेरे तांइ असा लोक्कां ने तिस अराम री जगाह् बिच जाणा, जिन्हा ने तिस गल्ल पर विश्वास कित्तेया जे परमेश्वर ने बोल्ली थी। जिय्यां कि परमेश्वर ने बोल्लेया थिया, “मैं गुस्से बिच कसम खाई थी, कि तिन्हा लोक्कां ने तिस जगाह् बिच नी जाणा, जित्ते मैं तिन्हा जो अराम दैणा थिया।” हालांकि, दुनिया रे बणाए जाणे का पैल्ले का ही तिन्हेरा कम्म होई चुके रा थिया।

इब्रानियों 4:8

असी ए भी जाणदे कि जिस अराम री जगाह् रा वादा, से कनान देस नी है जित्ते यहोशू असा रे पूरखां जो लेई करी गेया थिया। किजोकी जे अगर से अराम करणे री कनान देस हुंदा, तां परमेश्वर ने कुसकी होरसी दिन रे अराम रे दिन री गल्ल नी बोलणी थी।

1 पतरस 2:10

भविष्यद्वक्ता होशे ने तुसा रे बारे बिच जे लिख्खे रा है से सही ही है, “पैल्ले तुसा परमेश्वर रे मणू नी थिये पर अवे तुसा परमेश्वर रे मणू हिन। पैल्ले तुसा परमेश्वर रे दया जो नी जाणदे थिये पर अवे तुसा जाणदे किजोकी तिन्हा ने तुसा पर दया करी दित्ते री है।”

प्रकाशित वाक्य 14:13

फिरी मैं स्वर्ग का ए अवाज सूणी, “इन्हा गल्लां जो लिख्खी लै, अब्बे का लेई करी से मणू धन्न हिन जे परमेश्वर बिच विश्वास करदे होए ही मरे। फिरी पवित्रात्मा ने इस गल्ल जो ए बोल्ली करी पक्का कित्तेया, ए सच है। से धन्न हिन किजोकी तिन्हा ने अवे अपणी मैहनत रे कम्म का अराम करणा, तिन्हा जो तिन्हेरे कित्ते रे कम्मां तांइ ईनाम दित्तेया जाणा।”

प्रकाशित वाक्य 21:4

परमेश्वर ने तिन्हेरी हाख्खियां का सारे आँसु पूंजी दैणे। तिसका बाद कुसकी ने कदी भी कोई दुख महसूस नी करणा, ना कुसकी ने मरणा, किजोकी अवे पुराणी दुनिया नी रैह्णी।