इब्रानियों 4:7 - चम्बयाली नौआ नियम

⁷ इधेरे तांइ परमेश्वर ने तिस अराम री जगाह् बिच जाणे रा इक्क दुआ समय तय कित्ता, ते से मौक्का “आज्‍ज” है। मते साल्लां बाद असा रे पूरखां ने परमेश्वर रे खिलाफ बगावत कित्ती, तिन्हा ने दाऊद रे जरिये पवित्रशास्त्र बिच इस गल्ल रा एलान भी कित्ते रा है, “जे अज्ज तुसा परमेश्वर री अवाज सुणो, तां तिन्हेरी हुकम री ना-फरमानी मत करदे,”

इब्रानियों 4:7 ပူးပေါင်းရင်းမြစ်များ

मत्ती 22:43

तिन्हा ने तिन्हेरे का पूच्छेया, तां दाऊद आत्‍मा बिच होई करी तिसजो प्रभु किजो बोलदा?

मरकुस 12:36

किजोकी दाऊद ने अप्पु ही पवित्रात्मा अन्दर होई करी बोल्ले रा है: ‘परमेश्वर ने मेरे प्रभु जो बोल्लेया, मेरे सज्जे पास्से बैह्, जां तांइ मैं तेरे दुश्मणा जो तेरे पैरां हेठ नी करी दिन्दा।’

लूका 20:42

किजोकी दाऊद ने तां अप्पु ही भजन संहिता री कताब अन्दर ए लिख्खे दा है कि प्रभु (परमेश्वर) जी ने मेरे प्रभु (मसीह यीशु) जी जो बोल्लेया,

प्रेरितां रे कम्म 2:29

ओ मेरे भाईयों, मैं कुलपती दाऊद रे बारे बिच तुसा कने हिम्मत कने बोल्ली सकदा कि से ता मरी गेया ते दब्बेया भी गेया ते तिसेरी कब्र अज्ज तिकर हमारे इत्ते पाई जादीं।

प्रेरितां रे कम्म 2:31

तिनिए भविष्य बिच होणे वाली गल्ल जो पैह्ल्ले का ही दिख्खी करी मसीह यीशु रे फिरी जिन्दे होणे रे बारे बिच भविष्यवाणी कित्ती की ना तां तिन्हा रा प्राण पताल बिच छड्डेया गेया ते ना तिन्हेरा जिस्म सड़ी पाया।

प्रेरितां रे कम्म 28:25

जां से अप्पु-मिते इक्क मत नी होये, तां पौलुस री ए गल्ल बोलणे पर चली गे पवित्रात्मा ने यशायाह भविष्यद्वक्ता रे जरिए तुसा रे बाब्बे-दाद्देयां कने ठीक ही बोल्लेया,

इब्रानियों 3:15

जिय्यां कि पवित्रशास्त्र बिच लिख्खे गे रा है, “जे अज्ज तुसा परमेश्वर री अवाज सुणो, तां तिन्हेरी हुकम री ना-फरमानी मत करदे, जिय्यां कि गुस्सा दुआणे रे बेल्ले कित्तेया थिया।”