इब्रानियों 4:3 - चम्बयाली नौआ नियम

³ इधेरे तांइ असा लोक्कां ने तिस अराम री जगाह् बिच जाणा, जिन्हा ने तिस गल्ल पर विश्वास कित्तेया जे परमेश्वर ने बोल्ली थी। जिय्यां कि परमेश्वर ने बोल्लेया थिया, “मैं गुस्से बिच कसम खाई थी, कि तिन्हा लोक्कां ने तिस जगाह् बिच नी जाणा, जित्ते मैं तिन्हा जो अराम दैणा थिया।” हालांकि, दुनिया रे बणाए जाणे का पैल्ले का ही तिन्हेरा कम्म होई चुके रा थिया।

इब्रानियों 4:3 ပူးပေါင်းရင်းမြစ်များ

मत्ती 13:35

जे वचन भविष्यद्वक्ता रे जरिए बोल्लेया गेया थिया, से पूरा हो, मैं उदारण बोलणे तांइ अपणा मुँह खोलणा, मैं उन्हा गल्लां जो बोलणा जे दुनिया री सुरुआत का लुके रे रेई।

मत्ती 25:34

फिरी मैं अपणे सज्जे हत्थ पास्से वालेयां जो बोलणा, ओ मेरे प्यो का आशीष पाये रे लोक्कों, आओ, ते जे राज तुसा रे तांइ दुनिया रचणे का पैह्ल्ले तैयार कित्तेया गेया है उसेरे अधिकारी होई जाओ।

इफिसियों 1:4

दुनिया रे बणाए जाणे का पैल्ले ही परमेश्वर ने मसीह कने असा रा रिस्ता बणाणे रे जरिये चुणेया ताकि असी परमेश्वर रे सामणे पवित्र ते बेकसूर ठैहरे।

इब्रानियों 3:11

तां मैं गुस्से बिच आई करी कसम खाई, “तिन्हा ने तिस जगाह् बिच शामिल नी होणा, जित्ते मैं तिन्हा जो अराम दैणा थिया।”

इब्रानियों 3:14

जे अगर असी परमेश्वर बिच विश्वास करणे अंदर आखिर तिकर तिय्यां ही मजबूत बणे रे, जां तिस बेल्ले थिये जा असी पैल्ली वरी तिन्हा बिच विश्वास कित्तेया थिया, तां असा जो मसीह री हर चीज बिच हिस्सा मिलणा।

इब्रानियों 9:26

जे अगर तिन्हा जो अप्पु जो हर साल कुर्बानी होणे तांइ दैणा पैंदा, तां तिन्हा जो दुनिया रे बणाए जाणे रे समय ला लेई करी अब्बे तिकर, घड़ी-घड़ी कुर्बानी दैणे पैंदे। पर इसेरे बजाए, तिन्हा ने इक्क ही वरी, हमेसा तांइ सारे लोक्कां तांइ अपणा कुर्बानी देई करी असा सारेयां रे पाप्पां जो मिटाई दित्तेया।

1 पतरस 1:20

परमेश्वर ने इस दुनिया जो बणाणे का पैल्ले ही इस गल्ल रा फैसला करी लित्तेया थिया कि मसीह यीशु ने छुटकारा दुआणा। पर से तुसा रे फायदे तांइ ही दुनिया रे इन्हा आखरी दिनां बिच धरती पर आए।