इब्रानियों 4:1 - चम्बयाली नौआ नियम

¹ परमेश्वर ने असा जो तिस अराम री जगाह् पर लेई जाणे रा वादा कित्ते रा है, इधेरे तांइ असा जो सावधान रैह्णा चाएदा, इय्यां ना हो कि तुसा बिच का कुसकी जो भी तिस जगाह् बिच जाणे रा मोक्कां नी गुआणा चाएदा।

इब्रानियों 4:1 ပူးပေါင်းရင်းမြစ်များ

मत्ती 24:48

पर जे से बुरा दास सोचणा लगे कि मेरे मालक रे आणे बिच देर है,

प्रेरितां रे कम्म 3:19

इस तांइ, तौबा करो ते परमेश्वर रे पास्से हटी आओ की तुसा रे पाप मिटाए जाण, जिस कने तुसा जो परमेश्वर रे पास्से का सुख-चैन रे दिन मिलण,

रोमियों 11:20

ए गल्ल सच है कि से तां विश्वास नी होणे री वजह कने कट्टी गयी, पर तू इधेरे तांइ घमंडी मत हो कि विश्वास बिच बणी रैहन्दा, पर डर रख्खेया कर।

रोमियों 3:23

किजोकी सारेयां ने पाप कित्तेया ते परमेश्वर री महिमा का दुर होई गेरे हिन।

1 कुरुन्थियों 10:12

इधेरे तांइ जे विश्वासी ए दावा करदा कि से विश्वास बिच पक्का है, से चुकन्ना रेयो कि कुदखी तिस्सी तरिक्के रे पाप बिच ना पेई जाओ।

2 कुरुन्थियों 6:1

असी जे परमेश्वर रे सहकर्मी हिन, छंदे करी के समझादें की परमेश्वर री अनुग्रह जे तुसा पर है, तिसजो बेकार मत जाणा देयो।

गलातियों 5:4

तुसा मणू जे मूसा रे कानून जो मन्नी करी धार्मिक ठैहराणा चाह्‍ंदे, ते तुसा अप्पु जो मसीह यीशु का बखरा करी लित्तेया ते तुसा बिच परमेश्वर रा अनुग्रह नी रेया।

2 तीमुथियुस 2:13

भले ही अगर असी मसीह कने भरोस्सेमंद बणी करी नी रैह्‍न्दे तां भी मसीह ने असा कने भरोस्सेमंद रैह्णा, किजोकी से अपणे असली स्वभाव रे उलट कम्म नी करी सकदे।

इब्रानियों 12:15

ते चुकन्ने रेयो, कुते इय्यां ना हो कि कोई परमेश्वर रे अनुग्रह का अछुता रेई जाओ, ते तुसा तांइ इक्क मुसीबत री वजह बणी जाए। इदेया कोई भी मणू अप्पु ता परमेश्वर रे सच्चे रस्ते का दुर चली जांदा ते मते जणेया तांइ परमेश्वर री सच्चाई का भटकणे री वजह बणी सकदा।

इब्रानियों 12:25

चुकन्ने रेयो, ते परमेश्वर री गल्ल सुनणे का इन्कार मत करो, जे तुसा कने गल्लां करदे। किजोकी इस्राएल रे मणू परमेश्वर री सजा का नी बची सके जां तिन्हा ने मूसा रे हुकम जो मनणे का इन्कार करी दित्ता थिया, जां तिसने इस दुनिया तिन्हा जो चितौणी दित्ती थी। साफ तौर असी भी तिन्हेरी गल्ल सुनणे का इन्कार करी के सजा का नी बची सकणा, जे स्वर्ग का गल्लां करदे।

इब्रानियों 13:7

जे तुसा रे आत्मिक अगुवे थिये, ते जिन्हा ने तुसा जो परमेश्वर रे बारे बिच दस्सेया थिया, तिन्हा जो याद रख्खो; ते सोच्चो कि से किय्यां जिन्दगी जिन्दे थिये, ते फिरी मरे। जदेया विश्वास तिन्हा जो परमेश्वर बिच विश्वास थिया, तैसा ही विश्वास तुसा भी परमेश्वर बिच दिखाओ।

इब्रानियों 3:11

तां मैं गुस्से बिच आई करी कसम खाई, “तिन्हा ने तिस जगाह् बिच शामिल नी होणा, जित्ते मैं तिन्हा जो अराम दैणा थिया।”

इब्रानियों 4:11

इधेरे तांइ असी भी तिस अराम री जगाह् बिच जाणे तांइ हर कोसीस करदे रैह्ण, कुसकी जो भी तिन्हा लोक्कां सांई नी चलणा चाएदा जिन्हा ने परमेश्वर रे हुकमां री ना-फरमानी कित्ती। तां असा ने अराम री जगाह् बिच जाणा।

इब्रानियों 4:9

हल्ले भी परमेश्वर रे लोक्कां तांइ इक्क जगाह् तैयार है, जित्ते तिन्हा जो पूरे तरिक्के कने अराम मिलणा। जिय्यां परमेश्वर ने सतमे रोज्जे अपणे सारे कम्म मुकाई करी कित्तेया थिया, तिन्हा लोक्कां ने भी तिय्यां ही अराम करणा।