इब्रानियों 2:9 - चम्बयाली नौआ नियम

⁹ पर असी मसीह यीशु जो दिखदे, कि परमेश्वर ने तिन्हा जो थोड़े समय तांइ स्वर्गदूतां का थोड़ा घट रख्खेया। ताकि परमेश्वर रे अनुग्रह कने से सारे लोक्कां तांइ कुर्बानी दे। परमेश्वर ने तिन्हा जो महिमा ते आदर दित्ता, किजोकी मसीह ने सारेयां तांइ जुल्म सहे ते अपणी जान दित्ती।

इब्रानियों 2:9 ပူးပေါင်းရင်းမြစ်များ

मत्ती 16:28

“मैं तुसा कने सच बोलदा कि इत्ते खड़ितेरे लोक्कां बिच का किच्‍छ, इदेय भी हिन कि जां तांइ मणू रे पुत्तर, जे मैं ही है जो तिसेरे राज बिच का आन्दे नी दिख्खी लिन्दे, तां तांइ तिन्हा ने मौत नी दिखणी।”

मत्ती 6:28

कपड़ेयां तांइ तुसा किजो फिकर करदे हिन? जंगली फूलां जो दिख्खो कि से किय्यां बद्धदे, से ना तां कम्म करदे ते ना ही अपणे कपड़े बणांदे,

मरकुस 9:1

यीशु ने चेल्‍लेयां जो बोल्लेया, “मैं तुसा कने सच-सच बोलदा कि जे मणू इत्ते खडित्ते रे हिन, तिन्हा बिच किच्‍छ मणू इदेय भी हिन, जिन्हा ने परमेश्वर रे राज जो पूरी ताकत बिच दिख्खे बगैर नी मरणा।”

लूका 9:27

पर मैं तुसा जो सच बोलदा, कि जे इत्ते खड़ित्ते रे हिन, तिन्हा बिच का किच्‍छ ईदेह् भी हिन, जिन्हा तिस बेल्ले तांइ नी मरणा, जां तांइ से परमेश्वर रे राज जो नी दिख्खी लिन्दे।

यूहन्ना 1:29

दूए दिन तिसने यीशु जो अपणे पास्से आंदे दिख्खी करी बोल्लेया, “दिख्खो! ए परमेश्वर रा मेमना है, जे दुनिया रे पाप्पां जो मिटाणे तांइ आए रा है।”

यूहन्ना 10:17

प्यो इस तांइ मेरे कने प्यार करदा किजोकी मैं अपणी जान दिंदा ताकि मैं फिरी जिन्दा होई जां।

यूहन्ना 12:32

ते जे अगर मैं दुनिया का उच्चे पर चढ़ाया गेया तां सारेयां जो अपणे पास्से छिक्की लैणा।

यूहन्ना 3:16

किजोकी परमेश्वर ने दुनिया रे लोक्कां कने इन्ना प्यार कित्ती कि तिन्हा ने अपणा इकलौता पुत्तर देई दिता कि जेड़ा तिस पर विश्वास करे से नास न हो पर हमेसा री जिन्दगी पाओ।

यूहन्ना 8:51

मैं तुसा कने सच-सच बोलदा कि जे कोई मणू मेरी शिक्षा जो मनदा, तां तिसने कदी भी नी मरणा।

यूहन्ना 8:52

यहूदियां ने तिन्हा जो बोल्लेया, अवे असी जाणी लित्ता की तेरे अन्दर दुष्टात्मा है, अब्राहम मरी गेया, ते भविष्यद्वक्ता भी मरी गे, ते तुसा बोलदे जे कोई मेरे शिक्षा जो मनगा, तिसने कदी भी नी मरणा।

प्रेरितां रे कम्म 2:33

इस तरिक्के कने परमेश्वर रे सज्जे हत्थ का सबका बड्डा पदवी पाई करी, ते पिता का से पवित्रात्मा पाई करी जिसेरा वादा कित्ता गेया थिया, ते तिन्हा ने पवित्रात्मा असा जो देई दित्ता रा है, जे तुसा दिखदे ते सूणदे हिन।

प्रेरितां रे कम्म 3:13

अब्राहम ते इसहाक ते याकूब रे परमेश्वर, हमारे पूरखां रे परमेश्वर ने अपणे सेवक यीशु री महिमा कित्ती, जिन्हेरे जो तुसा यहूदी अधिकारियां रे हत्थां पकड़वाई दित्ता, ते जां पिलातुस ने तिन्हेरे जो छड्डी दैणे रा फैसला कित्ता, तां तुसा तिसेरे सामणे तिन्हेरा इन्कार कित्ता।

रोमियों 5:18

इधेरे तांइ जिय्यां की आदम रा पाप करणा, सजा दैणे री वजह बणेया, तिय्यां ही मसीह यीशु रे धार्मिकता रे कम्म करणे री वजह कने लोक्कां जो नौई जिन्दगी मिल्ली ते से परमेश्वर री नजर बिच धार्मिक ठैहराए गे।

रोमियों 5:8

पर जां असी पाप्पी ही थिये तां परमेश्वर ने असा तांइ अपणे पुत्तर री कुर्बानी देई करी ए ज़ाहिर कित्ता कि से असा कने किन्ना प्यार करदे।

रोमियों 8:3

असा रे पापी स्वभाव री वजह कने मूसा रा कानून कमजोर होई करी जे नी करी सकेया, से परमेश्वर ने कित्ता। तिन्हा ने अपणे इकलौत्ते पुत्तर जो असा पाप्पी लोक्कां का इक्क इन्सान रे रुप बिच भेज्जेया। ते परमेश्वर ने अपणे पुत्तर जो असा रे पाप्पां तांइ कुर्बानी रे रुप बिच देई करी, असा रे पाप्पां री सजा तिन्हेरे सरीर पर पाई दित्ती ते असा पर पाप री ताकत जो मुकाई दित्ता।

रोमियों 8:32

परमेश्वर ने अपणे इकलौत्ते पुत्र जो भी नी छड्डेया, पर तिन्हा जो असा रे खातिर अपणे दुश्मणा रे हत्थां बिच भी सौंप्पि दित्तेया। परमेश्वर ने असा जो से सब किच्‍छ जरुर दैणा जिसेरा तिन्हा असा कने वादा कित्ते रा है।

2 कुरुन्थियों 5:15

ते मसीह इधेरे तांइ सारेयां तांइ मरेया कि जे मणू जिन्दे हिन, से अग्गे जो अपणे तांइ ना जिन्दगी ना जीण पर तिन्हेरे तांइ जीण जे तिन्हेरे तांइ मरेया ते फिरी मरे रे लोक्कां बिच का जिन्दा होई गेया।

2 कुरुन्थियों 5:21

मसीह जे पाप का अनजाण थिये, तिन्हा ही जो परमेश्वर ने असा तांइ पाप्पी ठैहराया ताकि परमेश्वर असा जो मसीह रे कित्ते रे कम्मां रे जरिये धार्मिक ठैहराण।

गलातियों 4:4

पर जां परमेश्वर रा ठैहराए रा समय आई गेया तां परमेश्वर ने अपणे पुत्तर जो इस दुनिया बिच भेज्जेया जे इक्क जनानी का पैदा होए। से इक्क यहूदी मणू रे रुप बिच पैदा होए ते तिन्हा ने मूसा रे कानून जो मन्नेया।

1 तीमुथियुस 2:6

सारे लोक्कां शैतान ते पाप रे काबू का छुड़ाणे तांइ मसीह ने अप्पु जो कुर्बान कित्तेया ते तिन्हेरी कुर्बानी सही समय इस गल्ल रा सबूत थी कि परमेश्वर सारे लोक्कां जो छुटकारा दैणा चाह्‍ंदे थिये।

इब्रानियों 1:9

तुसा ने धार्मिकता कने प्यार, अते अधार्मिक कने नफरत कित्ती; इस वजह कने मैं, तेरे परमेश्वर ने, तिज्जो तेरे साथियां का बधी करी आदरमान ते आनंद रा अभिषेक दित्ते रा है।”

इब्रानियों 10:5

इधेरे तांइ जां मसीह यीशु दुनिया बिच आए, तां तिन्हा ने बोल्लेया, “भेंट ते कुर्बानियां तुसा ने नी चाही, पर तुसा ने मेरे जो तुसा री सेवा करणे तांइ सरीर दित्ते रा है।”

इब्रानियों 11:5

हनोक रे परमेश्वर बिच विश्वास करणे री वजह कने परमेश्वर ने हनोक जो स्वर्ग पर अप्पु का चुक्की लित्तेया, ताकि तिसजो मौत रा अनुभव ना करणा पेयो। तिसका बाद कुसकी ने तिसजो दुबारा नी दिख्खेया, पर तिसेरे स्वर्ग चुक्के जाणे रे पैल्ले तिन्हेरे बारे बिच ए जाणेया जांदा कि से परमेश्वर जो खुस करणे वाली जिन्दगी जिन्दे थिये।

इब्रानियों 12:2

असा जो अपणी हाख्खियां यीशु पर लाई रखणी चाएदी, जे असा जो विश्वास बिच अग्गे बधांदे ते पूरा भी करदे। तिन्हा ने सुली पर जान दैणे ते बेज्जती जो भी, बाद बिच मिलणे वाले आनंद रे बारे बिच सोचदे होए सहन करी लित्तेया। से अवे परमेश्वर रे सिहांसन रे सज्जे पास्से बैठ्ठे रे हिन।

इब्रानियों 2:7

“तुसां इन्सान जो स्वर्गदूतां का घट ही ताकतवर बणाए रा है, तुसा तिसजो इक्क राज्जे सांई महिमा ते आदर दित्ते रा है, ते तिसजो अपणे हत्थां रे कम्मां पर हक दित्ते रा है।

इब्रानियों 7:25

इधेरे तांइ जे मणू मसीह यीशु रे जरिए परमेश्वर का आंदे, से तिन्हा लोक्कां रा पूरा छुटकारा दिंदे, किजोकी मसीह यीशु तिन्हा लोक्कां तांइ बिचौल्ले रे तौर पर हमेसा प्रार्थना करदे रैहन्दे।

इब्रानियों 8:3

किजोकी हर इक्क पुरोत्त जो पाप्पां री माफी तांइ किच्‍छ भेंट ते कुर्बानी दैणा जरुरी है, तिय्यां ही असा रे प्रधान पुरोत्त यीशु जो भी असा रे पाप्पां री माफी तांइ किच्‍छ भेंट ते कुर्बानी दैणा जरुरी थिया।

1 पतरस 1:21

मसीह यीशु ने जे असा तांइ कित्तेया तिसेरी वजह कने अवे तुसा परमेश्वर बिच विश्वास करदे। तिन्हा ने ही मसीह यीशु जो मुर्देयां बिच का फिरी जिन्दा कित्तेया ते तिन्हा जो महिमा दित्ती। इधेरे तांइ परमेश्वर बिच तुसा रा विश्वास ते आस अवे मजबूत है।

1 यूहन्ना 2:2

ते मसीह यीशु असा रे पाप्पां री कीमत चुकाणे तांइ कुर्बान होया, ते सिर्फ असा तांइ ही नी पर सारी दुनिया रे लोक्कां रे पाप्पां तांइ भी।

प्रकाशित वाक्य 19:12

तिसेरी हाख्खियां आग्ग री लपटां सांई हिन, ते तिसेरे सिर पर मते सारे राजमुकूट हिन तिस पर इक्क नां लिख्खे रा है ते तिसेरे अलावा होर कोई तिसेरा मतलब नी जाणदा।

प्रकाशित वाक्य 5:9

से इक्क नौआ गाणा गाणे लगे, “तू इस कताब री मौहरे खोलणे रे तिस बिच लिख्खे री गल्लां जो पढ़ने रे लायक है, किजोकी तू मारेया गेया थिया ते तैं अपणे खून कने हर इक्क कुल, देस, भाषा, ते लोक्कां जो परमेश्वर तांइ खरीदी लित्तेया।”