इब्रानियों 2:8 - चम्बयाली नौआ नियम

⁸ तुसा मणूआं जो सारी चीजां पर राज करणे रा हक दित्ते रा है।” ते हर चीज मणूआं रे अधीन करी दित्ते री है, ते कुसकी भी चीज जो तिन्हेरी अधीनता का बाहर नी रख्खेया। पर अवे अज्ज रे बेल्ले असी हर इक्क चीज जो तिन्हेरी अधीनता बिच नी दिखदे।

इब्रानियों 2:8 ပူးပေါင်းရင်းမြစ်များ

मत्ती 28:18

फिरी यीशु ने उन्हेरे का जाई करी बोल्लेया, स्वर्ग ते जमीन बिच सब हक मेरे जो दित्ते गे हिन।

यूहन्ना 13:3

यीशु ने ए जाणी करी कि पिता ने सब किच्‍छ मेरे हक बिच देई दित्ते रा है, ते से परमेश्वर रे पास्से का आया ते परमेश्वर का हटेया करदा है,

यूहन्ना 3:35

“पिता” अपणे पुत्तर कने प्यार रखदा, ते तिन्हा ने सारी चीजां पुत्तर रे हत्थां अन्दर देई दित्ते री हिन,

1 कुरुन्थियों 15:27

किजोकी पवित्रशास्त्र बिच लिख्खे रा है परमेश्वर ने सारा किच्‍छ मसीह रे अधीन करी रख्खे रा है, पर जां से बोलदे कि सारा किच्‍छ तिन्हेरे अधीन करी दित्तेया तां ए गल्ल साफ है कि परमेश्वर ने अप्पु जो तिस बिच शामिल नी कित्तेया किजोकी तिन्हा ने ही सब किच्‍छ मसीह रे अधीन कित्तेया।

इब्रानियों 1:13

परमेश्वर ने अपणे स्वर्गदूतां बिच का कुसकी जो कदी ए नी बोल्लेया, “मेरे सज्जे पास्से, महिमा री जगाह् बिच बेई जा, जां तांइ मैं तेरे दुश्मणा जो तेरे अधीन ना करी देयां?”

इब्रानियों 1:2

पर आखरी रोज्जां रे बारे बिच परमेश्वर ने अपणे पुत्र रे जरिये असा कने गल्लां कित्ते री हिन, जिन्हेरे जरिए तिन्हा ने सारे ब्रम्हांड जो भी रचेया, ते जिन्हा जो परमेश्वर ने अपणी रचे री हर चीज रा वारिस भी बणाया।

इब्रानियों 2:5

परमेश्वर ने तिस नौई दुनिया जो स्वर्गदूतां रे अधीन नी, पर पुत्र रे अधीन कित्तेया, जिसेरे बारे बिच असी गल्लां करेया करदे हिन।

1 पतरस 3:22

ते अवे से स्वर्ग जो चली गेरे हिन। से अवे सबका ऊच्ची जगाह् पर, परमेश्वर रे सज्जे हत्थ पास्से का सारे स्वर्गदूतां पर ते सारी हुकुमतां ते ताकतां पर राज करेया करदे हिन।

प्रकाशित वाक्य 1:18

मैं जिंदा है। मैं मरी गेया थिया, पर अवे दिख, मैं हमेसा-हमेसा तांइ जिंदा है। मौत अते पताल जित्ते मरे रे लोक्कां री आत्मां रेह्न्दी, तिस पर मेरा हक है।

प्रकाशित वाक्य 1:5

ते मसीह यीशु रे पास्से का भी, जिन्हेरी गल्लां रा असी भरोस्सा करी सकदे। से ही हिन जे सबका पैल्ले मरणे का बाद मुर्देयां बिच का जिन्दे होई गे ते से दुनिया रे सारे राज्जेयां रे राज्जे हिन।